ಕೊರೋನಾ ಚಿಕಿತ್ಸೆಗೆ ಆಂಟಿಬಾಡಿ ಕಾಕ್ಟೇಲ್ ! ಏನಿದು ಆಂಟಿಬಾಡಿ ಕಾಕ್ಟೇಲ್? ಎಷ್ಟಿದರ ಬೆಲೆ? ಇಲ್ಲಿದೆ ವಿವರ
ದೇಶದಲ್ಲಿ ಕೊರೋನ ವೈರಸ್ ನ ಎರಡನೇ ಅಲೆಯ ವಿರುದ್ಧ ಯುದ್ಧ ಮುಂದುವರೆದಿದೆ. ಏತನ್ಮಧ್ಯೆ, ವಿಶ್ವದ ಪ್ರಮುಖ ಔಷಧ ತಯಾರಕ ರೋಚೆ ತಯಾರಿಸಿದ ‘ಆಂಟಿಬಾಡಿ ಕಾಕ್ಟೇಲ್’ ಈಗ ಭಾರತದಲ್ಲಿಯೂ ಲಭ್ಯವಾಗಲಿದೆ ಎಂಬ ಸುದ್ದಿ ಇದೆ. ರೋಚೆ ಸ್ವಿಸ್ ಕಂಪನಿಯಾಗಿದ್ದು, ಭಾರತದಲ್ಲಿ, ಈ ಔಷಧಿಯು ಪ್ರಸಿದ್ಧ ಫಾರ್ಮಾ ಕಂಪನಿ ಸಿಪ್ಲಾ ಮೂಲಕ ಜನರನ್ನು ತಲುಪಲಿದೆ.
ಆಂಟಿಬಾಡಿ ಕಾಕ್ಟೇಲ್, ಕ್ಯಾಸಿರಿವಿಮಾಬ್ ಮತ್ತು ಇಮ್ಡೆವಿಮಾಬ್ ಎಂಬ ಎರಡು ಔಷಧಿಗಳ ಮಿಶ್ರಣವನ್ನು ಒಳಗೊಂಡಿದೆ. ಈ ಎರಡೂ ಪ್ರತಿಕಾಯಗಳು ವೈರಸ್ ಮೇಲೆ ಉತ್ತಮ ಪರಿಣಾಮ ಬೀರುವ ಔಷಧಿಗಳಾಗಿವೆ. ಲಘು ಮತ್ತು ಮಧ್ಯಮ ಮಟ್ಟದ ಸೋಂಕಿನ ರೋಗಿಗಳಿಗೆ ಈ ಔಷಧಿ ಬಹಳ ಪರಿಣಾಮಕಾರಿ ಎಂದು ಹೇಳಲಾಗಿದೆ.
ಕೊರೋನಾ ಸಾಂಕ್ರಾಮಿಕಕ್ಕೆ ಸಂಬಂಧಿಸಿದಂತೆ ದೇಶದಲ್ಲಿ ಉದ್ಭವಿಸಿರುವ ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ಕೇಂದ್ರ ಡ್ರಗ್ಸ್ ಸ್ಟ್ಯಾಂಡರ್ಡ್ಸ್ ಕಂಟ್ರೋಲ್ ಆರ್ಗನೈಸೇಶನ್ (ಸಿಡಿಎಸ್ಕೊ) ಈ ತಿಂಗಳ ಮೊದಲ ವಾರದಲ್ಲಿ ಇದರ ಬಳಕೆಯನ್ನು ಅನುಮೋದಿಸಿದೆ. ಅಂದಿನಿಂದ, ಈ ಔಷಧಿ ಶೀಘ್ರದಲ್ಲೇ ಭಾರತೀಯರಿಗೆ ಲಭ್ಯವಾಗಲಿದೆ ಎಂಬ ಸುದ್ದಿ ಹರಡಿದೆ . ಈ ಔಷಧಿಯ ಬಳಕೆಯನ್ನು ಯುರೋಪ್ ಮತ್ತು ಅಮೆರಿಕಾದಲ್ಲಿ ಈಗಾಗಲೇ ಅನುಮೋದಿಸಲಾಗಿದೆ.
ಸಾಮಾನ್ಯ ಭಾಷೆಯಲ್ಲಿ ಈ ಔಷಧದ ಬಗ್ಗೆ ಹೇಳುವುದಾದರೆ, ಇವು ಪ್ರಯೋಗಾಲಯದಲ್ಲಿ ತಯಾರಿಸಿದ ಪ್ರೋಟೀನ್ಗಳು. ಈ ಪ್ರೋಟೀನ್ಗಳು ವೈರಸ್ ವಿರುದ್ಧ ಹೋರಾಡುವ ಪ್ರತಿರಕ್ಷಣಾ ವ್ಯವಸ್ಥೆಯ ಸಾಮರ್ಥ್ಯವನ್ನು ನಕಲಿಸುತ್ತವೆ. ಇದರಿಂದಾಗಿ ಪ್ರತಿರಕ್ಷೆ ಸಾಮರ್ಥ್ಯ ಹೆಚ್ಚಾಗುತ್ತದೆ. ವಿಶೇಷವೆಂದರೆ ಈ ಔಷಧಿಯನ್ನು 12 ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳ ಮೇಲೂ ಬಳಸಬಹುದು. ಪ್ರಸ್ತುತ ಈ ಔಷಧದ ಬೆಲೆ ಒಬ್ಬ ವ್ಯಕ್ತಿಗೆ 59,750 ರೂ ಆಗಿದ್ದು, ಇದು ಸಾಮಾನ್ಯ ಜನರಿಗೆ ತುಂಬಾ ಹೆಚ್ಚಿನ ಮೊತ್ತದ ವೆಚ್ಚವಾಗಿದೆ.
ಎಚ್ಚರಿಕೆ – ದೇಶಾದ್ಯಂತ ಕೊರೋನಾ ಸೋಂಕು ತೀವ್ರಗತಿಯಲ್ಲಿ ಹರಡುತ್ತಿದೆ. ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಮತ್ತು ಕೊರೋನಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಿ. ಜೊತೆಗೆ ವ್ಯಾಕ್ಸಿನೇಷನ್ ಪಡೆಯುವುದನ್ನು ಮರೆಯದಿರಿ. ನಮ್ಮ ಮತ್ತು ನಮ್ಮ ಕುಟುಂಬದ ಆರೋಗ್ಯ ನಮ್ಮ ಕೈಯಲ್ಲಿದೆ. ಇದು ಸಾಕ್ಷಾಟಿವಿ ಕಳಕಳಿ.
ಡೆಂಗ್ಯೂನಿಂದ ತ್ವರಿತ ಚೇತರಿಕೆ ಹೊಂದಲು ಈ ಆಹಾರ ಕ್ರಮಗಳನ್ನು ಅನುಸರಿಸಿ#dengue #Saakshatv #healthtips https://t.co/RPRcSeyMv0
— Saaksha TV (@SaakshaTv) May 24, 2021
ಹಲಸಿನ ಹಣ್ಣಿನ ಪೂರಿ#Saakshatv #cookingrecipe #jackfruitpoori https://t.co/UlA1v1caZm
— Saaksha TV (@SaakshaTv) May 24, 2021
ಬ್ಲಾಕ್ ಫಂಗಸ್ ನಿಂದ ರಕ್ಷಿಸಿಕೊಳ್ಳಲು ಏನು ಮಾಡಬೇಕು? ಈ ಬಗ್ಗೆ ವೈದ್ಯರು ಏನು ಹೇಳುತ್ತಾರೆ ?#oralhygiene #blackfungus https://t.co/RHTZwmUbZw
— Saaksha TV (@SaakshaTv) May 23, 2021
ಮೇ 26 ರಂದು ಈ ವರ್ಷದ ಮೊದಲ ಪೂರ್ಣ ಚಂದ್ರಗ್ರಹಣ – ಇಲ್ಲಿದೆ ಗ್ರಹಣ ಸಮಯದ ಮಾಹಿತಿ#lunareclipse https://t.co/pgAZKf2E2v
— Saaksha TV (@SaakshaTv) May 23, 2021
#Antibody #Cocktail #covid19