Asia Cup 2022 : ಸೂಪರ್ ಸಂಡೇಯ ಸೂಪರ್ ಮ್ಯಾಚ್ : ಇಂಡೋ – ಪಾಕ್ ಕಾಳಗ
ಕ್ರಿಕೆಟ್ ಅಭಿಮಾನಿಗಳಿಗೆ ಸೂಪರ್ ಸಂಡೇ ನಿಜವಾದ ಮಜಾ ಸಿಗಲಿದೆ.
ಒಂದು ವಾರದ ಅವಧಿಯಲ್ಲಿ ಮತ್ತೊಮ್ಮೆ ಇಂಡೋ – ಪಾಕ್ ಕಾಳಗ ನಡೆಯಲಿದೆ.
ದುಬೈನಲ್ಲಿ ಏಷ್ಯಾಕಪ್ ಸೂಪರ್ 4 ರ ಸೂಪರ್ ಪಂದ್ಯ ನಡೆಯಲಿದೆ.
ಭಾರತಕ್ಕೆ ಜಡೇಜಾ ಅಲಭ್ಯತೆ ಕಾಡಲಿದೆ. ಹೌದು, ಟೀಂ ಇಂಡಿಯಾದ ಸ್ಟಾರ್ ಆಲ್ ರೌಂಡರ್ ರವೀಂದ್ರ ಜಡೇಜಾ ಗಾಯದ ಸಮಸ್ಯೆಯಿಂದಾಗಿ ಟೂರ್ನಿಯಿಂದ ಹೊರ ಬಿದ್ದಿದ್ದಾರೆ.
ಮೊಣಕಾಲಿಗೆ ಗಾಯ ಮಾಡಿಕೊಂಡಿರುವ ಜಡ್ಡು, ಏಷ್ಯಾಕಪ್ ನಿಂದಲೇ ಹೊರ ನಡೆದಿರುವುದು ಗೊತ್ತಿರುವ ವಿಚಾರವೇ. ಇದು ಟೀಂ ಇಂಡಿಯಾಗೆ ಸೆಟ್ ಬ್ಯಾಕ್ ಆಗಲಿದೆ.
ಇನ್ನು ಭಾರತಕ್ಕೆ ಆರಂಭಿಕರ ಸಮಸ್ಯೆ ಹೆಚ್ಚಾಗಿ ಕಾಡುತ್ತಿದೆ. ರೋಹಿತ್ ಶರ್ಮಾ ಆಡಿರುವ ಎರಡು ಪಂದ್ಯಗಳಲ್ಲಿ ವೈಫಲ್ಯರಾಗಿದ್ದಾರೆ.
ಇತ್ತ ಹಾಂಗ್ ಕಾಂಗ್ ವಿರುದ್ಧ 30 ರನ್ ಗಳಿಸಿದ್ದರೂ ರಾಹುಲ್ ಒಳ್ಳೆಯ ಟಚ್ ನಲ್ಲಿ ಕಾಣಿಸಿಕೊಂಡಿಲ್ಲ.
ಇದು ತಂಡದ ಮ್ಯಾನೇಜ್ ಮೆಂಟ್ ಗೆ ದೊಡ್ಡ ತಲೆನೋವಾಗಿದೆ. ಇನ್ನುಳಿದಂತೆ ತಂಡ ಆಲ್ ಮೋಸ್ಟ್ ಫಿಕ್ಸ್ ಆಗಿದೆ.
ಟೀಂ ಇಂಡಿಯಾ ಸಂಭಾವ್ಯ ತಂಡ
ರೋಹಿತ್ ಶರ್ಮಾ, ಕೆ.ಎಲ್.ರಾಹುಲ್. ವಿರಾಟ್ ಕೊಹ್ಲಿ, ಸೂರ್ಯ ಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ರಿಷಬ್ ಪಂತ್ / ದಿನೇಶ್ ಕಾರ್ತಿಕ್, ಅಕ್ಷರ್ ಪಟೇಲ್, ಭುವನೇಶ್ವರ್ ಕುಮಾರ್, ಅರ್ಷ್ ದೀಪ್ ಸಿಂಗ್, ಆವೇಶ್ ಖಾನ್, ಯುಜುವೇಂದ್ರ ಚಹಾಲ್
