ಐಪಿಎಲ್ ಪಂದ್ಯಗಳು ಇನ್ನೂ ನಡೆಯುತ್ತಿದೆ. ಸೀಸನ್ 14ರ ಬಳಿಕ 2 ಫ್ರಾಂಚೈಸಿಗಳು ಹೆಚ್ಚಾಗಲಿವೆ. ಆಟಗಾರರ ಮೆಗಾ ಹರಾಜು ನಡೆಯಲಿದೆ.
ಆದರೆ ಇದೆಲ್ಲದರ ಮಧ್ಯೆ ಬಹು ನಿರೀಕ್ಷೆ ಹುಟ್ಟಿಸಿರುವ ಬ್ರಾಡ್ ಕಾಸ್ಟ್ ರೈಟ್ ಬಗ್ಗೆ. ಈ ಹಿಂದೆಂದಿಗಿಂತಲೂ ಈ ಬಾರಿಯ ಬ್ರಾಡ್ಕಾಸ್ಟಿಂಗ್ ರೈಟ್ಸ್ ಅತೀ ಹೆಚ್ಚು ಮೊತ್ತಕ್ಕೆ ಹರಾಜಾಗಲಿದೆ ಎಂದು ಹೇಳಲಾಗುತ್ತಿದೆ. ಜಗತ್ತಿನ ಧೈತ್ಯ ಮೀಡಿಯಾ ಕಂಪನಿಗಳೇ ಈ ಟೆಂಡರ್ನಲ್ಲಿ ಭಾಗವಹಿಸಲಿವೆ.
ಐಪಿಎಲ್ 2021 ರ ಮಧ್ಯದಲ್ಲೇ ಮಾಧ್ಯಮ ಹಕ್ಕುಗಳನ್ನು ಮಾರಾಟದ ಟೆಂಡರ್ ಕರೆಯಲು ಬಿಸಿಸಿಐ ಮುಂದಾಗಿದೆ. ಬಿಸಿಸಿಐ ಅಕ್ಟೋಬರ್ 25 ರಂದು 2023 ರಿಂದ 2027 ಐಪಿಎಲ್ಗೆ ಮಾಧ್ಯಮ ಹಕ್ಕುಗಳಿಗಾಗಿ ಟೆಂಡರ್ ಕರೆದಿದೆ.
ಈ ನಿರ್ಧಾರ ಸಂಚಲನ ಮೂಡಿಸಿದೆ. ಐಪಿಎಲ್ನ ಮಾಧ್ಯಮ ಹಕ್ಕುಗಳನ್ನು ಪಡೆಯಲು ದೇಶ ಮತ್ತು ವಿದೇಶಗಳ ಕಂಪನಿಗಳು ಹೆಚ್ಚಿನ ಆಸಕ್ತಿವಹಿಸಿವೆ. ಇದೀಗ ಸ್ಟಾರ್ ಇಂಡಿಯಾ ಐಪಿಎಲ್ ಹಕ್ಕುಗಳನ್ನು ಹೊಂದಿದೆ.
2017 ರಲ್ಲಿ, ಅವರು 16,000 ಕೋಟಿ ರೂ.ಗಳಿಗಿಂತ ಹೆಚ್ಚು ಖರ್ಚು ಮಾಡುವ ಮೂಲಕ 2022 ರವರೆಗೆ ಮಾಧ್ಯಮ ಹಕ್ಕುಗಳನ್ನು ಪಡೆದುಕೊಂಡಿದ್ದರು.
ಮಾಧ್ಯಮ ಹಕ್ಕುಗಳ ಒತ್ತಡದಿಂದಾಗಿ ಬಿಸಿಸಿಐ ಕೊರೊನಾ ಅವಧಿಯಲ್ಲಿ ಐಪಿಎಲ್ ಅನ್ನು ರದ್ದುಗೊಳಿಸಲಿಲ್ಲ. ಈಗ ಹೊಸ ಮಾಧ್ಯಮ ಹಕ್ಕುಗಳಿಗಾಗಿ ಪ್ರಸಾರಕರ ನಡುವೆ ಸ್ಪರ್ಧೆ ನಡೆಯಲಿದೆ.
ಸ್ಟಾರ್ ಇಂಡಿಯಾ ಜೊತೆಗೆ, ಸೋನಿ-ಜಿ, ಅಮೆಜಾನ್ ನಂತಹ ಕಂಪನಿಗಳು ಐಪಿಎಲ್ ಹಕ್ಕುಗಳ ರೇಸ್ನಲ್ಲಿರುತ್ತವೆ. ಇವುಗಳ ಜೊತೆಗೆ, ರಿಲಯನ್ಸ್ ಕೂಡ ಕ್ಲೈಮ್ ಮಾಡಬಹುದು.
ಐಪಿಎಲ್ ಹಕ್ಕುಗಳನ್ನು ಇ-ಹರಾಜು ಮೂಲಕ ಮಾರಾಟ ಮಾಡಲಾಗುತ್ತದೆ. ಇದನ್ನು ಐದು ವರ್ಷಗಳ ಅವಧಿಗೆ ನೀಡಲಾಗುತ್ತದೆ. ಐಪಿಎಲ್ನ ಮಾಧ್ಯಮ ಹಕ್ಕುಗಳನ್ನು ಹಲವು ಸಣ್ಣ ಭಾಗಗಳಾಗಿ ವಿಂಗಡಿಸಲಾಗಿದೆ.
ಇದರ ಅಡಿಯಲ್ಲಿ, ಭಾರತದಲ್ಲಿ ಪ್ರಸಾರ ಹಕ್ಕುಗಳು, ಜಾಗತಿಕ ಪ್ರಸಾರ, ಟಿವಿ ಹಕ್ಕುಗಳು ಮತ್ತು ಡಿಜಿಟಲ್ ಹಕ್ಕುಗಳಿಗಾಗಿ ಬಿಡ್ಡಿಂಗ್ ಮಾಡಲಾಗುತ್ತದೆ.
ಕಂಪನಿಗಳು ಇವುಗಳನ್ನು ಪ್ರತ್ಯೇಕವಾಗಿ ಬಿಡ್ ಮಾಡಬಹುದು ಮತ್ತು ಒಟ್ಟಾಗಿ ಎಲ್ಲಾ ಹಕ್ಕುಗಳನ್ನು ಕೂಡ ಖರೀದಿಸಬಹುದು. ಪ್ರಸ್ತುತ, ಐಪಿಎಲ್ ಪಂದ್ಯದ ಪ್ರಸಾರ ಹಕ್ಕುಗಳ ವೆಚ್ಚ 54.5 ಕೋಟಿ ರೂ. ಸ್ಟಾರ್ ಇಂಡಿಯಾ ಬಿಸಿಸಿಐಗೆ ಇಷ್ಟು ಹಣವನ್ನು ಮಾತ್ರ ನೀಡುತ್ತಿದೆ.
ಇದು ಮುಂದಿನ ಟೆಂಡರ್ಗೆ ಮೂಲ ಬೆಲೆಯಾಗಿರುತ್ತದೆ ಎಂದು ನಂಬಲಾಗಿದೆ. ಈ ಹಿಂದೆ 2008ರಿಂದ 2017ರ ತನಕ ಕೇವಲ 8 ಸಾವಿರ ಕೋಟಿ ರೂಪಾಯಿಗಳಿಗೆ ಬ್ರಾಡ್ ಕಾಸ್ಟ್ ರೈಟ್ ಮಾರಾಟವಾಗಿತ್ತು.
ಈಗ ಅದರ ಮೊತ್ತ 30 ಸಾವಿರ ಕೋಟಿ ದಾಟಲಿದೆ ಎಂದು ಅಂದಾಜಿಸಲಾಗಿದೆ. ಮುಂದಿನ ಐಪಿಎಲ್ನಿಂದ 10 ತಂಡಗಳು ಇರುವುದರಿಂದ ಐಪಿಎಲ್ ಪಂದ್ಯಗಳ ಸಂಖ್ಖೆ ಮತ್ತು ದಿನಗಳು ಹೆಚ್ಚಾಗಲಿವೆ. ಇದು ಬ್ರಾಡ್ ಕಾಸ್ಟಿಂಗ್ ರೈಟ್ಸ್ನಲ್ಲಿ ಹೆಚ್ಚು ಸಂಪಾದನೆಗೆ ಅವಕಾಶ ಮಾಡಿಕೊಡಲಿದೆ ಎಂದು ಹೇಳಲಾಗಿದೆ.