ಮಹಿಳಾ ವಿಶ್ವಕಪ್ ನಲ್ಲಿ ಭಾರತ ಕ್ರಿಕೆಟ್ ತಂಡ ಫೈನಲ್ ಗೆ ಲಗ್ಗೆ ಇಟ್ಟಿದ್ದು, ದೇಶದ ಚಿತ್ತ ಮಹಿಳಾ ವಿಶ್ವಕಪ್ ನತ್ತ ನೆಟ್ಟಿದೆ. ಟೂರ್ನಿಯಲ್ಲಿ ಪ್ರಶಸ್ತಿ ಹಂತಕ್ಕೆ ತಲುಪಿರುವ ಹರ್ಮನ್ ಪ್ರೀತ್ ಕೌರ್ ಪಡೆಗೆ ಹಾರೈಕೆಗಳ ಮಹಾಪೂರವೇ ಹರಿದುಬರುತ್ತಿವೆ.
ಕೌರ್ ಪಡೆಗೆ ಶುಭಕೋರಿದ ಕ್ರಿಕೆಟ್ ದೇವರು
ಕ್ರಿಕೆಟ್ ದೇವರು, ಸಚಿನ್ ತೆಂಡೂಲ್ಕರ್, ಭಾರತದ ಮಹಿಳಾ ಕ್ರಿಕೆಟ್ ತಂಡಕ್ಕೆ ಶುಭ ಹಾರೈಸಿದ್ದಾರೆ. ಪ್ರತಿಕ್ಷಣದಲ್ಲೂ ಸಕಾರಾತ್ಮಕ ಮನೋಭಾವನೆಯಿಂದ ಮುನ್ನುಗ್ಗಿ ಆಡಿ, ಟ್ರೋಫಿ ಗೆಲ್ಲಿ. ಚೊಚ್ಚಲ ವಿಶ್ವಕಪ್ ಟ್ರೋಫಿಯ ಜೊತೆ ನಿಮ್ಮನ್ನ ನೋಡಲು ಸಂತೋಷವಾಗುತ್ತದೆ ಎಂದಿದ್ದಾರೆ.
ಇನ್ನು ಟೀಮ್ ಇಂಡಿಯಾ ಮಾಜಿ ಕ್ರಿಕೆಟರ್ ವೀರೇಂದ್ರ ಸೆಹ್ವಾಗ್ ಸಹ ಮಹಿಳಾ ತಂಡಕ್ಕೆ ಶುಭ ಕೋರಿದ್ದು, ಸೆಮಿಫೈನಲ್ನಲ್ಲಿ ನಿಮ್ಮ ಆಟವನ್ನು ನೋಡಲು ಕಾತುರನಾಗಿದ್ದೆ. ಆದ್ರೆ, ಇಂದ್ರ ದೇವ ಬಂದು ನಿಮ್ಮನ್ನು ಗೆಲ್ಲಿಸಿದ. ಗ್ರೂಪ್ ಹಂತದಲ್ಲಿ ನೀವು ಆಡಿದ ಉತ್ತಮ ಆಟದಿಂದ ನೀವು ಫೈನಲ್ಗೆ ಹೋಗಿದ್ದೀರಿ. ಈ ಭಾನುವಾರ ನಿಮಗೆ ಅದ್ಭುತವಾದ ಜಯ ತರಲಿ ಎಂದು ಟ್ವೀಟ್ ಮಾಡಿದ್ದಾರೆ.
ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಕೂಡಾ ಟ್ವಿಟ್ಟರ್ ನಲ್ಲಿ ಕೌರ್ ಪಡೆಗೆ ಶುಭ ಹಾರೈಸಿದ್ದಾರೆ. ಫೈನಲ್ಗೆ ಲಗ್ಗೆಯಿಟ್ಟಿರುವ ಮಹಿಳಾ ತಂಡಕ್ಕೆ ಶುಭಾಶಯ. ನೀವು ದೇಶಕ್ಕೆ ಹೆಮ್ಮೆ ತಂದಿದ್ದೀರಿ. ಟ್ರೋಫಿ ಗೆಲ್ಲುವ ಅದೃಷ್ಟ ನಿಮ್ಮದಾಗಲಿ ಎಂದು ಟ್ವೀಟ್ ಮಾಡಿದ್ದಾರೆ.
