BIGGBOSS 8 – ದಿವ್ಯಾ – ಅರವಿಂದ್ ಜೋಡಿಯನ್ನು ದೂರ ಮಾಡಿದ ಮನೆ ಸದಸ್ಯರು..!
ದಿವ್ಯಾ ಅರವಿಂದ್ ಮನೆಯ ಕ್ಯೂಟ್ ಜೋಡಿಯಾಗಿಯೇ ಗುರುತಿಸಿಕೊಂಡಿದ್ದಾರೆ. ಇವರಿಬ್ಬರ ನಡುವೆ ಪಕ್ಕಾ ಲವ್ ಇದೆ ಅನ್ನೋದು ಕೇವಲ ಮನೆ ಸದಸ್ಯರ ವಾದ ಅಷ್ಟೇ ಅಲ್ಲ ಪ್ರೇಕ್ಷಕರ ಅಭಿಪ್ರಾಯವೂ ಹೌದು.. ಸದಾ ಒಟ್ಟಿಗೆ ಕುಳಿತುಕೊಳ್ಳುವುದರಿಂದ ಹಿಡಿದು, ಯಾವಾಗಲೂ ಜೊತೆಯಲ್ಲಿಯೇ ಇರುತ್ತಾರೆ. ಹೀಗಾಗಿ ಮನೆಯಲ್ಲಿ ಈ ಜೋಡಿಯ ಬಗ್ಗೆ ಗುಸು ಗುಸು ನಡೆಯುತ್ತಿರುತ್ತೆ. ಅಲ್ದೇ ಮನೆವರು ದಿವ್ಯಾ ಉರುಡುಗ ಹಾಗೇ ಅರವಿಂದ್ ಜೋಡಿಯ ಕಾಲೆಳೆಯುತ್ತಿರುತ್ತಾರೆ.
ಇದೀಗ ಮತ್ತೆ ಮನೆ ಸದಸ್ಯರೆಲ್ಲರೂ ಅದ್ರಲ್ಲೂ ರಾಜೀವ್ ಹಾಗೂ ಶುಭಾ, ಮಂಜು ಸೇರಿ ಪ್ರಣಯ ಪಕ್ಷಿಗಳನ್ನ ದೂರ ಮಾಡಿದ್ದಾರೆ.. ಹೌದು ಮನೆ ಸದಸ್ಯರು ಕೊಟ್ಟಿದ್ದ ಚಾಲೆಂಜ್ ನಲ್ಲಿ ಉರುಡುಗ ಸೋತು ಹೋಗಿದ್ದಾರೆ. ಪರಿಣಾಮ ಒಂದು ವಾರದ ಕಾಲ ಅರವಿಂದ್ ಪಕ್ಕದಲ್ಲಿ ಅವರು ಕುಳಿತು ಕೊಳ್ಳುವ ಹಾಗಿಲ್ಲ.
ದಿವ್ಯಾ ಉರುಡುಗ, ಶುಭಾ, ಮಂಜು, ಶಮಂತ್, ರಾಜೀವ್, ವಿಶ್ವನಾಥ್ ಕುಳಿತು ಮಾತನಾಡುತ್ತಿದ್ದರು. ಈ ವೇಳೆ ನಿನಗೆ ಏನೂ ಕೆಲಸ ಇಲ್ಲವಾದರೆ ಬಾ ಎಂದು ಅರವಿಂದ್ ದಿವ್ಯಾಳನ್ನು ಕರೆದಿದ್ದಾರೆ. ಈ ವೇಳೆ ಮಂಜು ಬರುತ್ತಾಳೆ. ಬರುತ್ತಾಳೆ ಹೋಗು ಕೆಲಸ ಇದ್ದರೂ, ಇಲ್ಲದೆ ಇದ್ದರೂ ಬರುತ್ತಾಳೆ ಎಂದು ಹೇಳಿ ತಮಾಷೆ ಮಾಡಿದ್ದಾರೆ. ಶುಭಾ ಹೌದು ದಿವ್ಯಾ ಇವತ್ತೆ ನಮ್ಮ ಜೊತೆಗೆ ಕುಳಿತುಕೊಂಡಿರುವುದು ಎಂದು ಹೇಳಿದ್ದಾರೆ. ಆಗ ದಿವ್ಯಾ ನಗುತ್ತಾ ನಾನು ನಿಮ್ಮ ಜೊತೆಗೆ ಕುಳಿತುಕೊಳ್ಳುವುದನ್ನು ಹೇಳುವುದಿಲ್ಲ ಅರವಿಂದ್ ಪಕ್ಕ ಕುಳಿತುಕೊಳ್ಳುವುದನ್ನು ಮಾತ್ರ ಹೇಳುತ್ತಿರಾ ಎಂದು ಹೇಳಿದ್ದಾರೆ.
ಇಷ್ಟಾದ್ರೂ ಸದಸ್ಯರ ಗುಸುಗುಸು ನಿಲ್ಲುವುದಿಲ್ಲ. ಹೀಗಾಗಿ ದಿವ್ಯಾ ನಾನು ಇವತ್ತೊಂದು ದಿನ ಅರವಿಂದ್ ಪಕ್ಕಾ ಕುಳಿತುಕೊಳ್ಳುವುದಿಲ್ಲ ಎಂದು ಹೇಳಿದ್ದಾರೆ. ಆಗ ಶುಭಾ ಇವತ್ತು ಕುಳಿತು ಸೋತರೆ ನೀನು ವಾರ ಪೂರ್ತಿಯಾಗಿ ಅರವಿಂದ್ ಪಕ್ಕಾ ಕುಳಿತುಕೊಳ್ಳುವ ಹಾಗೇ ಇಲ್ಲ ಎಂದು ಹೇಳಿದ್ದಾರೆ. ದಿವ್ಯಾ ಕೂಡಾ ಈ ಜಾಲೆಂಜ್ಗೆಂ ಒಪ್ಪಿಕೊಂಡಿದ್ದರು. ಆದರೆ ದಿವ್ಯಾ ಮರೆತು ಅರವಿಂದ್ ಪಕ್ಕಾ ಊಟ ಮಾಡುವಾಗ ಕುಳಿತುಕೊಂಡು ಬಿಟ್ಟಿದ್ದಾರೆ. ಇದನ್ನು ನೋಡಿದ ಮನೆಂದಿ ದಿವ್ಯಾ ನೀನು ಸೋತೆ ಒಂದುವಾರ ಕುಳಿತುಕೊಳ್ಳುವ ಹಾಗೇ ಇಲ್ಲ ಎಂದು ಹೇಳಿದ್ದಾರೆ. ಹೀಗೆ ಇಬ್ಬರನ್ನೂ ಮನೆ ಸದಸ್ಯರು ದೂರ ಮಾಡಿದ್ದಾರೆ.
