Boycott Controversy: ನನಗೆ ಬಾಯ್ ಗೊತ್ತು, ಗರ್ಲ್ ಗೊತ್ತು, ಕ್ಯಾಟ್ ಬಗ್ಗೆ ಚೆನ್ನಾಗಿ ಗೊತ್ತು – ಚಿಯಾನ್ ವಿಕ್ರಮ್
ಬಾಲಿವುಡ್ ನಲ್ಲಿ ಎಲ್ಲಿ ನೋಡಿದರು ಬಹಿಷ್ಕಾರದ ಟ್ರೆಂಡ್ ನಡೆಯುತ್ತಿದೆ. ಲಾಲ್ ಸಿಂಗ್ ಚಡ್ಡಾ ಮತ್ತು ರಕ್ಷಾ ಬಂಧನ್ ಚಿತ್ರಗಳನ್ನ ಹಲವು ಕಾರಣಗಳಿಗೆ ಬಹಿಷ್ಕರಿಸಲಾಗಿತ್ತು. ಬಾಯ್ ಕಟ್ ವಿರುದ್ಧ ಮಾತನಾಡಿದ್ದಕ್ಕೆ ಹೃತಿಕ್ ರೋಷನ್ ಮತ್ತು ವಿಜಯ್ ದೇವರಕೊಂಡ ಅವರ ಚಲನಚಿತ್ರಗಳನ್ನು ಬಹಿಷ್ಕರಿಸುವಂತೆ ಕೇಳಿಕೊಂಡಿದ್ದಾರೆ.
ಈ ಬಾಯ್ ಕಟ್ ಟ್ರೆಂಡ್ಗೆ ಪ್ರತಿಕ್ರಿಯಿಸುವಂತೆ ತಮಿಳು ಹೀರೋ ಚಿಯಾನ್ ವಿಕ್ರಂ ಅವರನ್ನ ಕೇಳಿದಾಗ ತಮಾಷೆಯ ಉತ್ತರ ನೀಡಿದ್ದಾರೆ. ಬಾಯ್ ಕಟ್ ಸ್ಪೆಲಿಂಗ್ ಹೇಳಿ ನನಗೆ ಬಾಯ್ ಗೊತ್ತು, ಗರ್ಲ್ ಗೊತ್ತು ಕ್ಯಾಟ್ ಬಗ್ಗೆ ಚೆನ್ನಾಗಿ ಗೊತ್ತು. ನೀವು ಯಾವುದರ ಬಗ್ಗೆ ಕೇಳುತ್ತಿದ್ದೀರ ಎಂದು ತಮಾಷೆ ಮಾಡಿದ್ದಾರೆ.
ಚಿಯಾನ್ ವಿಕ್ರಮ್ ಅವರ ಇತ್ತೀಚಿನ ಚಿತ್ರ ‘ಕೋಬ್ರಾ’. ತೆಲುಗು, ತಮಿಳು ಮತ್ತು ಹಿಂದಿ ಭಾಷೆಗಳಲ್ಲಿ ನಿರ್ಮಾಣವಾಗಿದೆ. ಇದು ಆಗಸ್ಟ್ 31 ರಂದು ವಿಶ್ವದಾದ್ಯಂತ ಬಿಡುಗಡೆಯಾಗಲಿದೆ. ಈ ಹಿನ್ನಲೆಯಲ್ಲಿ ಚಿತ್ರತಂಡ ಪ್ರಚಾರ ಕಾರ್ಯವನ್ನು ಚುರುಕುಗೊಳಿಸಿದೆ. ಪ್ರಚಾರದ ಭಾಗವಾಗಿ ವಿಕ್ರಮ್ ತೆಲುಗು ಮಾಧ್ಯಮಗಳೊಂದಿಗೆ ಮಾತನಾಡಿದರು.
ಈ ಸಂದರ್ಭದಲ್ಲಿ ಪತ್ರಕರ್ತರೊಬ್ಬರು ಬಾಯ್ ಕಟ್ ಟ್ರೆಂಡ್ ಬಗ್ಗೆ ಕೇಳಿದ್ದಕ್ಕೆ “ಸದ್ಯ ನಾನು ಕೋಬ್ರಾ ಬಗ್ಗೆ ಯೋಚಿಸುತ್ತಿದ್ದೇನೆ. ಬಾಯ್ ಕಟ್ ಎಂದರೇನು? ನೀವು ಯಾವ ಭಾಷೆಯಲ್ಲಿ ಕೇಳುತ್ತೀರಿ? ಸ್ಪೆಲಿಂಗ್ ಒಮ್ಮೆ ಹೇಳಿ. ‘ನನಗೆ ಬಾಯ್ ಗೊತ್ತು, ಗರ್ಲ್ ಗೊತ್ತು ಕ್ಯಾಟ್ ಬಗ್ಗೆ ಚೆನ್ನಾಗಿ ಗೊತ್ತು. ಎಂದು ಹೇಳಿದ್ದಕ್ಕೆ ಪ್ರೆಸ್ ಮೀಟ್ ನಲ್ಲಿ ನಗೆಗಡಲಲ್ಲಿ ತೇಲಿತು.
‘ಕೋಬ್ರಾ’ ಚಿತ್ರದಲ್ಲಿ ಶ್ರೀನಿಧಿ ಶೆಟ್ಟಿ ನಾಯಕಿಯಾಗಿ ನಟಿಸಿದ್ದರು. ಕೋಬ್ರಾ ಚಿತ್ರದಲ್ಲಿ ವಿಕ್ರಮ್ ಗಣಿತಶಾಸ್ತ್ರಜ್ಞನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿ ಕ್ರಿಕೆಟಿಗೆ ಇರ್ಫಾನ್ ಪಠಾಣ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಎ ಆರ್ ರೆಹಮಾನ್ ಸಂಗೀತ ಸಂಯೋಜನೆ ಮಾಡಿದ್ದಾರೆ.
