ಮೋಡ ಸೂರ್ಯನನ್ನು ಮರೆ ಮಾಚಲು ಆಗಲ್ಲ : ಸಿ.ಟಿ.ರವಿ
ಬೆಂಗಳೂರು : ಮೋಡ ಸೂರ್ಯನನ್ನು ಮರೆ ಮಾಚಲು ಆಗಲ್ಲ. ಒಂದು ವೇಳೆ ಮರೆ ಮಾಚಿದ್ರೂ ಎಷ್ಟು ಕಾಲ ಎಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ.ರವಿ ಹೇಳಿದ್ದಾರೆ.
ರಾಜ್ಯ ಬಿಜೆಪಿಯಲ್ಲಿನ ಗೊಂದಲಗಳ ಬಗ್ಗೆ ಬೆಂಗಳೂರಿನಲ್ಲಿ ಮಾತನಾಡಿದ ಅವರು, ಮೋಡ ಸೂರ್ಯನನ್ನು ಮರೆ ಮಾಚಲು ಆಗಲ್ಲ.
ಒಂದು ವೇಳೆ ಮರೆ ಮಾಚಿದ್ರೂ ಎಷ್ಟು ಕಾಲ? ನಮಗೆ ಯಾವ ಅಸಮಾಧಾನವೂ ಇಲ್ಲ. ಪಾರ್ಟಿ ಬೆಳವಣಿಗೆ ಹೊರತುಪಡಿಸಿ ಬೇರೇನೂ ಯೋಚನೆ ಮಾಡಿಲ್ಲ.
ವೈಯಕ್ತಿಕವಾಗಿ ಬೆಳೆಯಲು ಪಾರ್ಟಿಯನ್ನು ತುಳಿಯಬೇಕು ಅಂತಾ ಯಾವತ್ತೂ ಯೋಚನೆ ಮಾಡಿಲ್ಲ. ಪಕ್ಷದ ಬೆಳವಣಿಗೆ ಜೊತೆಗೆ ನಾವೂ ಬೆಳೆಯಬೇಕು ಅಂತಾ ಆಸೆಪಟ್ಟಿದ್ದೇವೆ, ಹಾಗೆಯೇ ಬೆಳೆದಿದ್ದೇವೆ.
ಪಾರ್ಟಿಯ ಜೊತೆಗೆ ಬೆಳೆಯಬೇಕು ಅಂತಾ ಆಸೆಪಡುತ್ತೇವೆಯೇ ಹೊರತು ಪಾರ್ಟಿಯನ್ನು ಮುಗಿಸಿ ಅಲ್ಲ ಎಂದು ಹೇಳಿದರು.
ನಾನು ಹೇಳಿದ್ದನ್ನು ಅವರವರು ಹೇಗೆ ಗ್ರಹಿಸುಯತ್ತಾರೋ ಹಾಗೆಯೇ ಅದರ ಅರ್ಥವಾಗುತ್ತದೆ. ಒಳ್ಳೆಯ ದೃಷ್ಟಿಯಿಂದ ಗ್ರಹಿಸಿದರೆ ಒಳ್ಳೆಯದ್ದಾಗುತ್ತದೆ.
ಕೆಟ್ಟ ದೃಷ್ಟಿಯಿಂದ ಗ್ರಹಿಸಿದರೆ ಕೆಟ್ಟದ್ದಾಗಿದೆ. ನನ್ನ ಪ್ರತಿ ಮಾತಿನ ಉದ್ದೇಶ ಸದುದ್ದೇಶದಿಂದ ಕೂಡಿರುತ್ತದೆ ಯಾವುದೇ ದುರುದ್ದೇಶ ಇಲ್ಲ ಎಂದು ಸ್ವಪಕ್ಷದಲ್ಲಿನ ತಮ್ಮ ವಿರೋಧಿಗಳಿಗೆ ಟಾಂಗ್ ನೀಡಿದರು.
