ಬ್ಯಾಂಕಿನ ಯಾವ ಕೆಲಸಗಳನ್ನು ವಾಟ್ಸಾಪ್ ಮೂಲಕ ನಿಭಾಯಿಸಬಹುದು ಮತ್ತು ಅದರ ಪ್ರಕ್ರಿಯೆ ಏನು
ಇತ್ತೀಚಿನ ದಿನಗಳಲ್ಲಿ ಜನರು ಸಾಕಷ್ಟು ಸಮಯವನ್ನು ಅಂತರ್ಜಾಲದಲ್ಲಿ ಕಳೆಯುತ್ತಾರೆ. ಇದರಲ್ಲೂ ಜನರು ಹೆಚ್ಚಿನ ಸಮಯವನ್ನು ವಾಟ್ಸಾಪ್ ಅಥವಾ ಸೋಷಿಯಲ್ ಮೀಡಿಯಾದಲ್ಲಿ ಕಳೆಯುತ್ತಾರೆ. ಆದರೆ, ಈಗ ನೀವು ಈ ವಾಟ್ಸಾಪ್ ಅನ್ನು ಮನರಂಜನೆಗಾಗಿ ಮಾತ್ರವಲ್ಲದೆ ಬ್ಯಾಂಕಿಂಗ್ಗೆ ಕೂಡ ಬಳಸಬಹುದು.
ಈಗ ನೀವು ವಾಟ್ಸಾಪ್ ಮೂಲಕವೂ ಬ್ಯಾಂಕಿಂಗ್ ಮಾಡಬಹುದು ಮತ್ತು ಬ್ಯಾಂಕಿಗೆ ಸಂಬಂಧಿಸಿದ ಕಾರ್ಯಗಳನ್ನು ವಾಟ್ಸಾಪ್ ಚಾಟ್ ಮೂಲಕ ಪೂರ್ಣಗೊಳಿಸಬಹುದು. ಈಗ ಬಹುತೇಕ ಪ್ರತಿಯೊಂದು ಬ್ಯಾಂಕ್, ವಾಟ್ಸಾಪ್ ಚಾಟ್ ಮೂಲಕ ಬ್ಯಾಂಕಿಂಗ್ ಮಾಡಲು ಅವಕಾಶವನ್ನು ನೀಡುತ್ತಿದೆ ಮತ್ತು ಗ್ರಾಹಕರು ತಮ್ಮ ಸಣ್ಣ ಕಾರ್ಯಗಳನ್ನು ಸುಲಭವಾಗಿ ಸುರಕ್ಷಿತ ರೀತಿಯಲ್ಲಿ ನಿಭಾಯಿಸಬಹುದು.
ಬ್ಯಾಂಕಿನ ಯಾವ ಕೆಲಸಗಳನ್ನು ವಾಟ್ಸಾಪ್ ಮೂಲಕ ನಿಭಾಯಿಸಬಹುದು ಮತ್ತು ಅದರ ಪ್ರಕ್ರಿಯೆ ಏನು
ವಾಸ್ತವವಾಗಿ, ಇತ್ತೀಚೆಗೆ ಐಸಿಐಸಿಐ ಬ್ಯಾಂಕ್ ತನ್ನ ಗ್ರಾಹಕರಿಗೆ ಮೇಲ್ ಮೂಲಕ ಅನೇಕ ಬ್ಯಾಂಕಿಂಗ್ ಕೆಲಸಗಳನ್ನು ವಾಟ್ಸಾಪ್ ಮೂಲಕ ಮಾಡಬಹುದೆಂದು ತಿಳಿಸಿದೆ. ನೋಂದಾಯಿತ ದೂರವಾಣಿ ಸಂಖ್ಯೆಯ ಮೂಲಕ ವಾಟ್ಸಾಪ್ ನಲ್ಲಿ ಸಾಕಷ್ಟು ಕೆಲಸಗಳನ್ನು ಮಾಡಬಹುದು ಮತ್ತು ಈ ಸೌಲಭ್ಯವನ್ನು 24 ಗಂಟೆಗಳ ಕಾಲ ಬಳಸಬಹುದು ಎಂದು ಬ್ಯಾಂಕ್ ತಿಳಿಸಿದೆ. ಇದಕ್ಕಾಗಿ ನಿಮಗೆ ಯಾವುದೇ ಪಾಸ್ವರ್ಡ್, ಒಟಿಪಿ ಅಗತ್ಯವಿಲ್ಲ ಮತ್ತು ನೀವು ಸುಲಭವಾಗಿ ವಾಟ್ಸಾಪ್ನಲ್ಲಿ ಬ್ಯಾಂಕ್ ಕೆಲಸ ಮಾಡಬಹುದು.
ಐಸಿಐಸಿಐ ಬ್ಯಾಂಕ್ ನೀಡಿದ ಮಾಹಿತಿಯ ಪ್ರಕಾರ ವಾಟ್ಸಾಪ್ ಮೂಲಕ ಬ್ಯಾಲೆನ್ಸ್ ಚೆಕ್ ಮಾಡಬಹುದು. ಇದಲ್ಲದೆ, ಎಫ್ಡಿ ಖಾತೆ ತೆರೆಯುವುದು, ಉಳಿತಾಯ ಖಾತೆ ತೆರೆಯುವುದು, ಬಿಲ್ಗಳನ್ನು ಪಾವತಿಸುವುದು, ಶಾಖೆ ಅಥವಾ ಎಟಿಎಂ ಹುಡುಕುವುದು, ಚೆಕ್ ಬುಕ್ ವಿತರಣೆಯನ್ನು ಪರಿಶೀಲಿಸುವುದು, ಮಿನಿ ಸ್ಟೇಟ್ಮೆಂಟ್ ವೀಕ್ಷಿಸುವುದು, ಕ್ರೆಡಿಟ್ ಕಾರ್ಡ್ ಮಿತಿಯನ್ನು ಪರಿಶೀಲಿಸುವುದು, ಪೂರ್ವ ಅನುಮೋದಿತ ಸಾಲವನ್ನು ಪರಿಶೀಲಿಸುವುದು ಇತ್ಯಾದಿ ಅನೇಕ ವಿಷಯಗಳನ್ನು ವಾಟ್ಸಾಪ್ ಮೂಲಕ ಮಾಡಬಹುದು.
ವಾಟ್ಸಾಪ್ ಮೂಲಕ ಬ್ಯಾಂಕಿಂಗ್ ಪ್ರಾರಂಭಿಸಲು ನೀವು ಹೆಚ್ಚು ಕೆಲಸ ಮಾಡುವ ಅಗತ್ಯವಿಲ್ಲ. ಬ್ಯಾಂಕ್ ಸಂಖ್ಯೆ 8640086400 ನಲ್ಲಿ ನೀವು ವಾಟ್ಸಾಪ್ ಮೂಲಕ ಎಚ್ಐ ಸಂದೇಶವನ್ನು ಕಳುಹಿಸಬೇಕು. ಇದರ ನಂತರ ನೀವು ಬ್ಯಾಂಕಿನ ಸ್ವಯಂಚಾಲಿತ ಉತ್ತರಗಳನ್ನು ಪಡೆಯಲು ಪ್ರಾರಂಭಿಸುತ್ತೀರಿ. ನಿಮ್ಮ ನೋಂದಾಯಿತ ಸಂಖ್ಯೆಯ ಮೂಲಕ ಮಾತ್ರ ನೀವು ಈ ಸಂದೇಶವನ್ನು ಕಳುಹಿಸಬೇಕಾಗುತ್ತದೆ ಮತ್ತು ಅದರ ನಂತರ ನೀವು ಮೇಲೆ ತಿಳಿಸಿದ ಕೆಲಸವನ್ನು ವಾಟ್ಸಾಪ್ ಮೂಲಕ ಮಾಡಬಹುದು.
ಎಚ್ಚರಿಕೆ – ದೇಶದಲ್ಲಿ ಕೊರೋನಾ ಸೋಂಕಿನ ಹಾವಳಿ ಕಡಿಮೆಯಾಗಿದ್ದರೂ ಸಂಪೂರ್ಣವಾಗಿ ನಿಂತಿಲ್ಲ. ಆದ್ದರಿಂದ ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಮತ್ತು ಕೊರೋನಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಿ. ಜೊತೆಗೆ ವ್ಯಾಕ್ಸಿನೇಷನ್ ಪಡೆಯುವುದನ್ನು ಮರೆಯದಿರಿ. ಇದು ಸಾಕ್ಷಾಟಿವಿ ಕಳಕಳಿ.
ಖಾಲಿ ಹೊಟ್ಟೆಯಲ್ಲಿ ಮೆಂತ್ಯ ನೀರು ಕುಡಿಯುವುದರ ಆರೋಗ್ಯ ಪ್ರಯೋಜನಗಳು#Saakshatv #healthtips #fenugreek https://t.co/43x8RyFjFo
— Saaksha TV (@SaakshaTv) June 24, 2021
ಹಾಗಲಕಾಯಿ ಚಿಪ್ಸ್#Saakshatv #cookingrecipe #hagalkayichips https://t.co/R8KZlW2nhb
— Saaksha TV (@SaakshaTv) June 24, 2021
ಒಂದು ಆಧಾರ್ ಕಾರ್ಡ್ನಿಂದ ಎಷ್ಟು ಸಿಮ್ ಕಾರ್ಡ್ ಖರೀದಿಸಬಹುದು?#simcard #aadhar https://t.co/9y7x1ZNuTY
— Saaksha TV (@SaakshaTv) June 22, 2021
ಲಸಿಕೆ ಪಡೆಯುವ ಮೊದಲು/ನಂತರ ಗಮನದಲ್ಲಿರಿಸಿಕೊಳ್ಳಬೇಕಾದ ವಿಷಯಗಳು#vaccinated https://t.co/cexv6VVMQa
— Saaksha TV (@SaakshaTv) June 22, 2021
#WhatsApp #chat
