ಕಾಂಗ್ರೆಸ್ ಸಂಸ್ಥಾಪನಾ ದಿನ – ಸೋನಿಯಾ ಗಾಂಧಿ ಧ್ವಜಾರೋಹಣದ ವೇಳೆ ಬಿದ್ದ ಭಾವುಟ
ಕಾಂಗ್ರೆಸ್ ಸಂಸ್ಥಾಪನಾ ದಿನದ ಅಂಗವಾಗಿ ಪಕ್ಷದ ಹಂಗಾಮಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಧ್ವಜಾರೋಹಣ ಮಾಡುವಾಗ ಧ್ವಜ ಕಳಚಿಕೊಂಡು ಅವರ ಮೇಲೆಯೇ ಬಿದ್ದ ಘಟನೆ ನಡೆಯಿತು..
137ನೇ ಸಂಸ್ಥಾಪನಾ ದಿನಾಚರಣೆಯನ್ನು ಆಚರಿಸಲು ದೆಹಲಿಯ ಪಕ್ಷದ ಪ್ರಧಾನ ಕಚೇರಿಗೆ ಸೋನಿಯಾ ಆಗಮಿಸಿದ್ದರು, ಧ್ವಜಾರೋಹಣ ಸಂಧರ್ಭದಲ್ಲಿ ದಾರವನ್ನು ಎಳೆದ ತಕ್ಷಣ ಧ್ವಜ ಅವರ ಮೇಲೆ ಬಿದ್ದಿತು. ಧ್ವಜವು ಅವರ ಮೇಲೆ ಬಿದ್ದಮೇಲೆ . ಈ ಅನಿರೀಕ್ಷಿತ ಘಟನೆಯಿಂದ ಅಲ್ಲಿದ್ದ ಎಲ್ಲ ಕಾಂಗ್ರೆಸ್ಸಿಗರು ಒಮ್ಮೆ ಗಲಿಬಿಲಿಗೊಂಡರು. ಇದಾದ ನಂತರ ಮಹಿಳಾ ಕಾರ್ಯಕರ್ತೆ ಓಡಿ ಬಂದು ಧ್ವಜಾರೋಹಣಕ್ಕೆ ಸಹಾಯ ಮಾಡಲು ಪ್ರಯತ್ನಿಸಿದರು, ಆದರೆ ಅದು ಸಾಧ್ಯವಾಗಲಿಲ್ಲ. ಅಂತಿಮವಾಗಿ ಸೋನಿಯಾ ಗಾಂಧಿಯವರೆ ಕೈಯಿಂದ ಧ್ವಜ ಹಾರಿಸಿದರು.
#WATCH | Congress flag falls off while being hoisted by party's interim president Sonia Gandhi on the party's 137th Foundation Day#Delhi pic.twitter.com/A03JkKS5aC
— ANI (@ANI) December 28, 2021
ಈ ಘಟನೆಯ ಸಂಪೂರ್ಣ ಸಮಯದಲ್ಲಿ ಸೋನಿಯಾ ಎಲ್ಲಿಯೂ ವಿಚಲಿತರಾಗಿ ಕಾಣಿಸಲಿಲ್ಲ, ಅವರ ಪ್ರತಿಕ್ರಿಯೆ ತುಂಬಾ ಶಾಂತವಾಗಿತ್ತು.
ಸಂಸ್ಥಾಪನಾ ದಿನದಂದು ಸೋನಿಯಾ ಗಾಂಧಿ ಮಾತನಾಡಿ “ನಮ್ಮ ಪರಂಪರೆಯ ಗಂಗಾ-ಯಮುನ ಸಂಸ್ಕೃತಿಯನ್ನು ನಿರ್ಮೂಲನೆ ಮಾಡಲು ಪ್ರಯತ್ನಿಸಲಾಗುತ್ತಿದೆ. ದೇಶದ ಸಾಮಾನ್ಯ ನಾಗರಿಕರು ಅಭದ್ರತೆಯ ಭಾವನೆಯಲ್ಲಿದ್ದಾರೆ. ಪ್ರಜಾಪ್ರಭುತ್ವ ಮತ್ತು ಸಂವಿಧಾನವನ್ನು ಬದಿಗೊತ್ತಲಾಗುತ್ತಿದೆ, ಇಂತಹ ಸಮಯದಲ್ಲಿ ಕಾಂಗ್ರೆಸ್ ಮೌನವಾಗಿರಲು ಸಾಧ್ಯವಿಲ್ಲ. ಎಂದು ಹೇಳಿದರು.
ಕಾಂಗ್ರೆಸ್ ಪಕ್ಷದ ಸಂಸ್ಥಾಪನಾ ದಿನದಂದು ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ ಶುಭ ಹಾರೈಸಿದ್ದಾರೆ., ‘ನಾವು ಕಾಂಗ್ರೆಸ್ – ನಮ್ಮ ದೇಶದಲ್ಲಿ ಪ್ರಜಾಪ್ರಭುತ್ವವನ್ನು ಸ್ಥಾಪಿಸಿದ ಪಕ್ಷ ಮತ್ತು ಈ ಪರಂಪರೆಯ ಬಗ್ಗೆ ನಮಗೆ ಹೆಮ್ಮೆ ಇದೆ. ಎಂದು ರಾಹುಲ್ ಗಾಂಧಿ ಟ್ವೀಟ್ ಮಾಡಿದ್ದಾರೆ..
