CSK vs RR Match | ರಾಯಲ್ಸ್ ಬೇಟೆಗೆ ಕಿಂಗ್ಸ್ ತಂಡ ಹೇಗಿರಲಿದೆ.?
ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಈ ಬಾರಿಯ ಇಂಡಿಯನ್ ಪ್ರಿಮಿಯರ್ ಲೀಗ್ ನಲ್ಲಿ ಯಾವುದೂ ಕೂಡಿ ಬಂದಿಲ್ಲ. ಸತತ ಗಾಯಗಳು, ಸೋಲುಗಳು, ನಾಯಕತ್ವ ಬದಲಾವಣೆ, ಹಿರಿಯ ಆಟಗಾರರ ಕಳಪೆ ಪ್ರದರ್ಶನ, ಅಂಪೈರಿಂಗ್ ತಪ್ಪುಗಳು.. ಹೀಗೆ ಪ್ರತಿಯೊಂದು ಸಂದರ್ಭದಲ್ಲೂ ತಂಡಕ್ಕೆ ದುರದೃಷ್ಟವೇ ಎದುರಾಗಿದೆ. ನಾಯಕತ್ವದ ಬಳಿಕ ಬಂದ ಗೆಲುವುಗಳು ಕೂಡ ಪ್ಲೇ ಆಫ್ಸ್ ತಲುಪಿಸಲು ಸಾಧ್ಯವಾಗಿಲ್ಲ. ಇಂದಿನ ಪಂದ್ಯದೊಂದಿಗೆ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಅಭಿಯಾನ ಕೊನೆಯಾಗಲಿದೆ.
ಇಂದು ಚೆನ್ನೈ ಸೂಪರ್ ಕಿಂಗ್ಸ್ ತಂಡ ತನ್ನ 14 ನೇ ಪಂದ್ಯವನ್ನಾಡಲಿದೆ. ಈ ಬಾರಿ ಚೆನ್ನೈ ತಂಡ ಬಲಿಷ್ಠ ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಎದುರಿಸಲಿದೆ. ಮುಂಬೈನ ಬ್ರೆಬೋರ್ನ್ ಅಂಗಳದಲ್ಲಿ ಈ ಪಂದ್ಯ ನಡೆಯಲಿದೆ. ಚೆನ್ನೈ ತಂಡ ಇಂದಿನ ಪಂದ್ಯ ಗೆದ್ದು ಗೆಲುವಿನೊಂದಿಗೆ ಟೂರ್ನಿಯ ಅಭಿಯಾನ ಮುಗಿಸುವ ಪ್ಲಾನ್ ಮಾಡಿಕೊಂಡಿದೆ.
ಎಂ.ಎಸ್.ಧೋನಿ ಸಾರಥ್ಯದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಈ ಆವೃತ್ತಿಯಲ್ಲಿ ಈವರೆಗೂ 13 ಪಂದ್ಯಗಳನ್ನಾಡಿದೆ. ಈ ಪೈಕಿ ನಾಲ್ಕು ಪಂದ್ಯಗಳಲ್ಲಿ ಗೆದ್ದು, ಎಂಟು ಅಂಕಗಳೊಂದಿಗೆ ಒಂಭತ್ತನೇ ಸ್ಥಾನದಲ್ಲಿದೆ. ಕಳೆದ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಗುಜರಾತ್ ಟೈಟಾನ್ಸ್ ವಿರುದ್ಧ ಸೆಣಸಿತ್ತು. ಇದರಲ್ಲಿ ಟೈಟಾನ್ಸ್ ತಂಡ ಏಳು ವಿಕೆಟ್ ಗಳಿಂದ ಗೆಲುವು ಸಾಧಿಸಿದೆ. ಆದ್ರೂ ಈ ಪಂದ್ಯದಲ್ಲಿ ಜಗದೀಶನ್ 39 ರನ್, ರುತುರಾಜ್ ಗಾಯಕ್ವಾಡ್ 53 ರನ್ ಗಳಿಸಿದ್ದರು.
ಕಳೆದ ಪಂದ್ಯದಲ್ಲಿನ ಸೋಲು ಚೆನ್ನೈ ತಂಡದ ಸಾಮರ್ಥ್ಯವನ್ನೇ ಪ್ರಶ್ನೆ ಮಾಡಿದೆ. ಹೀಗಾಗಿ ಇಂದಿನ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಅಬ್ಬರಿಸೋದು ಪಕ್ಕಾ ಎನ್ನುತ್ತಿದ್ದಾರೆ ಅಭಿಮಾನಿಗಳು. ಆದ್ರೆ ಅದು ಸುಲಭವಲ್ಲ. ಯಾಕಂದರೇ ಚೆನ್ನೈ ತಂಡದಲ್ಲಿ ಸಮಸ್ಯೆಗಳೆ ಹೆಚ್ಚಾಗಿವೆ. ಬ್ಯಾಟಿಂಗ್ ನಲ್ಲಿ ಮಿಡಲ್ ಆರ್ಡರ್ ಸಂಪೂರ್ಣವಾಗಿ ವೈಫಲ್ಯ ಅನುಭವಿಸಿದೆ. ಆರಂಭಿಕ ಕಾನ್ವೇ ಒಬ್ಬರೇ ಸ್ಥಿರ ಪ್ರದರ್ಶನ ನೀಡಿದ್ದಾರೆ. ಇನ್ನುಳಿದ ಬ್ಯಾಟರ್ ಗಳು ಮಿಂಚುತ್ತಿಲ್ಲ. ಅಂಬಾಟಿ ರಾಯುಡು, ದುಬೆ, ಮೊಯಿನ್ ಅಲಿ ಒಳ್ಳೆ ಟಚ್ ನಲ್ಲಿ ಕಾಣಿಸಿಕೊಳ್ಳುತ್ತಿದ್ದರೂ ಮ್ಯಾಚ್ ವಿನ್ನಿಂಗ್ ಪ್ರದರ್ಶನ ನೀಡುತ್ತಿಲ್ಲ. ಧೋನಿ ಅಬ್ಬರಿಸಿದ್ರೂ ಅವರಿಗೆ ಇತರೆ ಬ್ಯಾಟರ್ ಗಳಿಂದ ಉತ್ತಮ ಸಾಥ್ ಸಿಗುತ್ತಿಲ್ಲ. ಕಳೆದ ಪಂದ್ಯದಲ್ಲಿ ಮಾಡಿದಂತೆ ಇಂದಿನ ಪಂದ್ಯಕ್ಕಾಗಿ ಚೆನ್ನೈ ಪ್ಲೇಯಿಂಗ್ ಇಲೆವೆನ್ ನಲ್ಲಿ ಬದಲಾವಣೆಗಳನ್ನು ನಿರೀಕ್ಷೆ ಮಾಡಲಾಗಿದೆ.
ಆದ್ರೆ ಬೌಲಿಂಗ್ ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಉತ್ತಮವಾಗಿದೆ. ಮುಖೇಶ್ ಚೌಧರಿ ಆರಂಭದಲ್ಲಿಯೇ ವಿಕೆಟ್ ಬೇಟೆಯಾಡುತ್ತಿದ್ದಾರೆ. ಮಿಡಲ್ ಓವರ್ ಗಳಲ್ಲಿ ಮಹೀಶ್ ತೀಕ್ಷಣ ರನ್ ಗಳಿಗೆ ಕಡಿವಾಣ ಹಾಕುತ್ತಾ ವಿಕೆಟ್ ಪಡೆಯುತ್ತಿದ್ದಾರೆ. ಇವರಿಗೆ ಇತರರಿಂದ ಉತ್ತಮ ಸಾಥ್ ಸಿಗಬೇಕಿದೆ.
ಚೆನ್ನೈ ತಂಡದ ಪ್ಲೇಯಿಂಗ್ ಇಲೆವೆನ್
ರುತುರಾಜ್ ಗಾಯಕ್ವಾಡ್
ಡೆವೊನ್ ಕಾನ್ವೇ
ನಾರಾಯಣ್ ಜಗದೀಸನ್
ಮೊಯಿನ್ ಅಲಿ
ಎಂಎಸ್ ಧೋನಿ
ಶಿವಂ ದುಬೆ
ಮಿಚೆಲ್ ಸ್ಯಾಂಟ್ನರ್
ಸಿಮರ್ಜೀತ್ ಸಿಂಗ್
ಮುಖೇಶ್ ಚೌಧರಿ
ಪ್ರಶಾಂತ್ ಸೋಲಂಕಿ
ಮಥೀಶ ಪತಿರಾನ
csk-vs-rr-match-Chennai Super Kings playing 11
