ಫ್ರೆಂಚ್ ಓಪನ್ 2021 – ತಾಳ್ಮೆ ಕಳೆದುಕೊಂಡ ಫೆಡರರ್, ಜಾಕೊವಿಕ್ ಮೂರನೇ ಸುತ್ತಿಗೆ ಎಂಟ್ರಿ..!
ಟೆನಿಸ್ ಮಾಸ್ಟರ್ ರೋಜರ್ ಫೆಡರರ್ ಅವರು ರೊಲ್ಯಂಡ್ ಗ್ಯಾರೋಸ್ ಅಂಗಣದಲ್ಲಿ ತಾಳ್ಮೆ ಕಳೆದುಕೊಂಡ ಘಟನೆ ನಡೆದಿದೆ. ಎರಡನೇ ಸುತ್ತಿನ ಪಂದ್ಯದ ಎರಡನೇ ಸೆಟ್ ಅನ್ನು ಕಳೆದುಕೊಂಡಾಗ ರೋಜರ್ ಫೆಡರರ್ ಅವರು ಚೇರ್ ಅಂಪೈರ್ ಜೊತೆ ಸಿಟ್ಟಿನಿಂದಲೇ ವಾಗ್ವಾದ ಮಾಡಿಕೊಂಡಿದ್ದಾರೆ.
ಆದ್ರೆ ಎರಡನೇ ಸುತ್ತಿನ ಪಂದ್ಯದಲ್ಲಿ ರೋಜರ್ ಫೆಡರರ್ ಅವರು 6-2, 2-6, 6-7, 6-2ರಿಂದ ಮರಿನ್ ಸಿಲಿಕ್ ಅವರನ್ನು ಸೋಲಿಸಿ ಮೂರನೇ ಸುತ್ತು ಪ್ರವೇಶಿಸಿದ್ದಾರೆ.
20 ಗ್ರ್ಯಾಂಡ್ ಸ್ಲ್ಯಾಂ ಪ್ರಶಸ್ತಿಗಳನ್ನು ಗೆದ್ದಿರುವ ರೋಜರ್ ಫೆಡರರ್ ಅವರು 17 ತಿಂಗಳ ವಿಶ್ರಾಂತಿಯ ಬಳಿಕ ಪ್ರತಿಷ್ಠಿತ ಫ್ರೆಂಚ್ ಓಪನ್ ಟೂರ್ನಿಯಲ್ಲಿ ಆಡುತ್ತಿದ್ದಾರೆ. ಮೂರನೇ ಸುತ್ತಿನ ಪಪಂದ್ಯದಲ್ಲಿ ರೋಜರ್ ಫೆಡರರ್ ಅವರು ಜರ್ಮನಿಯ ಡಾಮಿನಿಕ್ ಕೊಯಿಪ್ಫೆರ್ ಅವರನ್ನು ಎದುರಿಸಲಿದ್ದಾರೆ.
ಪುರುಷರ ಇನ್ನೊಂದು ಸಿಂಗಲ್ಸ್ ನಲ್ಲಿ ಸರ್ಬಿಯಾದ ನೊವಾಕ್ ಜಾಕೊವಿಕ್ ಕೂಡ ಸುಲಭವಾಗಿ ಮೂರನೇ ಸುತ್ತಿಗೆ ಎಂಟ್ರಿಯಾಗಿದ್ದಾರೆ. ವಿಶ್ವದ ನಂಬರ್ ವನ್ ಆಟಗಾರ ನೊವಾಕ್ ಜಾಕೊವಿಕ್ 6-3, 6-2, 6-4ರಿಂದ ಉರುಗ್ವೆಯ ಪಾಬ್ಲೊ ಕ್ಯುವಾಸ್ ಅವರನ್ನು ಮಣಿಸಿದ್ರು.
ಮೂರನೇ ಸುತ್ತಿನ ಪಂದ್ಯದಲ್ಲಿ ನೊವಾಕ್ ಜಾಕೊವಿಕ್ ಅವರು ಲುಥಿಯಾನದ ರಿಚಡ್ರ್ಸ್ ಬೆರಾಂಕಿಸ್ ಅವರನ್ನು ಎದುರಿಸಲಿದ್ದಾರೆ. ರಿಚಡ್ರ್ಸ್ ಬೆಕಾಂಕಿಸ್ ಅವರು 7-5, 2-6, 7-6, 6-0ಯಿಂದ ಆಸ್ಟ್ರೇಲಿಯಾದ ಜೇಮ್ಸ್ ಡಕ್ ವರ್ಥ್ ಅವರನ್ನು ಮಣಿಸಿ ಮೂರನೇ ಸುತ್ತು ಪ್ರವೇಶಿಸಿದ್ದಾರೆ.