Hassan Mixi Blast : ಕೊರಿಯರ್ ಕಚೇರಿಯಲ್ಲಿ ಮಿಕ್ಸಿ ಸ್ಪೋಟ – ಅಂತರಾಷ್ಟ್ರೀಯ ಅಪಾಯ ಇಲ್ಲ ಎಂದ ಎಸ್ಪಿ
ಹಾಸನದಲ್ಲಿ ಮಿಕ್ಸಿ ಸ್ಪೋಟ ಪ್ರಕರಣ
ಕೊರಿಯರ್ ಕಚೇರಿಯಲ್ಲಿ ಮಿಕ್ಸಿ ಬ್ಲಾಸ್ಟ್
ಅಂಗಡಿ ಮಾಲೀಕನಿಗೆ ಗಂಭೀರ ಗಾಯ
‘ಅಂತರಾಷ್ಟ್ರೀಯ ಅಪಾಯ ಅಂಶ ಇಲ್ಲ’
ಹಾಸನ ಎಸ್ಪಿ ಹರಿರಾಮ್ ಶಂಕರ್ ಮಾಹಿತಿ
ಹಾಸನ : ಹಾಸನದ ಕುವೆಂಪು ನಗರದ ಕೊರಿಯರ್ ಕಚೇರಿಗೆ ಬಂದ ಪಾರ್ಸೆಲ್ ನಲ್ಲಿ ಇದ್ದ ಮಿಕ್ಸಿ ಸ್ಪೋಟಗೊಂಡಿದೆ… ಮಂಗಳೂರು ಕುಕ್ಕರ್ ಬ್ಲಾಸ್ಟ್ ಪ್ರಕರಣದ ನಂತರ ಸದ್ಯಕ್ಕೆ ರಾಜ್ಯದಲ್ಲಿ ಮಿಕ್ಸಿ ಸ್ಪೋಟ ಜನರನ್ನ ಆತಂಕಕ್ಕೀಡು ಮಾಡಿದೆ..
ಡಿಟಿಡಿಸಿ ಕೊರಿಯರ್ ಕಚೇರಿಯಲ್ಲಿ ಡಿಸೆಂಬರ್ 26 ಸಂಜೆ 8-30 ರ ಸಮಯದಲ್ಲಿ ಸ್ಪೋಟ ಸಂಭವಿಸಿದೆ. ಕೊರಿಯರ್ ಅಂಗಡಿ ಮಾಲೀಕ ಶಶಿ ಅವರಿಗೆ ಮಿಕ್ಸಿಯಲ್ಲಿದ್ದ ಬ್ಲೇಡ್ ಗಳು ಎದೆ, ಸೊಂಟ ಮತ್ತು ಕೈ ಭಾಗಗಳಿಗೆ ತಗಲಿ ಗಾಯಗಳಾಗಿವೆ. ಅವರನ್ನು ಹಾಸನದ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.
ಸುದ್ದಿ ತಿಳಿಯುತ್ತಿದ್ದಂತೆ ಸ್ಥಳಕ್ಕೆ ಭೇಟಿ ನೀಡಿದ ಜಿಲ್ಲಾ ಪೊಲೀಸ್ ಮುಖ್ಯಾಧಿಕಾರಿ ಹರಿರಾಮ್ ಶಂಕರ್ ಘಟನೆಯ ಬಗ್ಗೆ ಪರಿಶೀಲನೆ ನಡೆಸಿದರು.
ಬಳಿಕ ಪ್ರಕರಣ ಬಗ್ಗೆ ಮಾಹಿತಿ ನೀಡಿದ ಅವರು , ಪ್ರಕರಣ ಸಂಬಂಧ ಸ್ಪೋಟಕ ಅಧಿನಿಯಮ ಕಾಯಿದೆ 3&4 ಅಡಿಯಲ್ಲಿ FIR ದಾಖಲಾಗಿದೆ.
ಪ್ರಕರಣ ಸಂಬಂಧ ಇಬ್ಬರು ವ್ಯಕ್ತಿಗಳನ್ನ ವಿಚಾರಣೆ ನಡೆಸಲಾಗಿದೆ.. ಮೈಸೂರು ಪ್ಲೋರೆನ್ಸಿಕ್ ಲ್ಯಾಬ್ನವರು ಸ್ಯಾಂಪಲ್ ತೆಗೆದು ಕೊಂಡು ಮಾಹಿತಿ ಪಡೆದಿದ್ದಾರೆ. ಯಾವುದೇ ಅಂತರಾಷ್ಟ್ರೀಯ ಅಪಾಯ ಅಂಶ ಈ ಪ್ರಕರಣಕ್ಕಿಲ್ಲ ಎಂದು ತಿಳಿಸಿದ್ದಾರೆ..