ಹರ್ಷಲ್ ಬದ್ಲು RCB ಗೆ ಬಂದ ಮಾರಕ ವೇಗಿ..!!
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ತನ್ನ ಮುಂದಿನ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಎದುರಿಸಲಿದೆ.
ಈಗಾಗಲೇ ಟೂರ್ನಿಯಲ್ಲಿ ಮೂರು ಪಂದ್ಯಗಳನ್ನು ಗೆದ್ದಿರುವ ಆರ್ ಸಿಬಿ ನಾಲ್ಕನೇ ಪಂದ್ಯ ಗೆದ್ದು ಅಂಕ ಹೆಚ್ಚಿಸಿಕೊಳ್ಳಲು ತಯಾರಿ ನಡೆಸಿದೆ.
ಇತ್ತ ಸತತ ನಾಲ್ಕು ಪಂದ್ಯಗಳನ್ನು ಸೋತಿರುವ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಮೊದಲ ಗೆಲುವಿನ ಹಂಬಲದಲ್ಲಿದೆ. ಹೀಗಾಗಿ ಚೆನ್ನೈ ಮತ್ತು ಆರ್ ಸಿಬಿ ನಡುವಿನ ಪಂದ್ಯ ರಣ ರೋಚಕವಾಗಿರಲಿದೆ.
ಈ ನಡುವೆ ಚೆನ್ನೈ ವಿರುದ್ಧದ ಪಂದ್ಯಕ್ಕೆ ಆರ್ ಸಿಬಿಯ ವೇಗದ ಬೌಲರ್ ಹರ್ಷಲ್ ಪಟೇಲ್ ಮಿಸ್ ಆಗಲಿದ್ದಾರೆ. ಇದು ತಂಡದ ಮೇಲೆ ಪರಿಣಾಮ ಬೀರಲಿದೆ.
ಹರ್ಷಲ್ ಬೆಂಗಳೂರು ತಂಡದ ಪ್ರಮುಖ ಬೌಲರ್ ಆಗಿದ್ದು, ಅವರ ಸ್ಥಾನವನ್ನು ತುಂಬುವವರು ಯಾರು ಎಂದು ಪ್ರಶ್ನೆ ಎಲ್ಲರಲ್ಲೂ ಮೂಡಿದೆ.
ಇದಕ್ಕೆ ಉತ್ತರ ಎಂಬಂತೆ ಇದೀಗ ಆರ್ ಸಿಬಿ ತಂಡಕ್ಕೆ ಆಸ್ಟ್ರೇಲಿಯಾದ ಮಾರಕ ವೇಗಿಯ ಆಗಮನವಾಗಿದೆ.
ಆಸೀಸ್ ನ ಸ್ಪೀಡ್ ಸ್ಟಾರ್ ಜೋಷ್ ಹೇಜಲ್ ವುಡ್ ನೆಟ್ಸ್ ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ ಅವರು ಚೆನ್ನೈ ವಿರುದ್ದದ ಪಂದ್ಯದಲ್ಲಿ ಕಣಕ್ಕಿಳಿಯೋದು ಪಕ್ಕಾ ಎಂದು ಹೇಳಲಾಗುತ್ತಿದೆ.
ಹೆಂಜಲ್ ಈ ಹಿಂದೇ ಭಾರತಕ್ಕೆ ಬಂದರೂ ಇಷ್ಟು ದಿನ ಕ್ವಾರಂಟೈನ್ ನಲ್ಲಿದ್ದರು. ಇದೀಗ ಕ್ವರಂಟೈನ್ ಅವಧಿ ಮುಗಿದಿದ್ದು, ಪ್ರಾಕ್ಟೀಸ್ ಶುರು ಮಾಡಿದ್ದಾರೆ. ಹೀಗಾಗಿ ಹರ್ಷಲ್ ಅನುಪಸ್ಥಿತಿಯಲ್ಲಿ ಹೇಜಲ್ ವುಡ್ ವೇಗಿದ ಬೌಲಿಂಗ್ ಸಾರಥಿಯಾಗಲಿದ್ದಾರೆ.
ಮುಖ್ಯವಾಗಿ ಹೇಜಲ್ ವುಡ್ ಈ ಹಿಂದೆ ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡಿದ್ದರು. ಇದು ಅವರಿಗೆ ವರದಾನವಾಗಲಿದೆ ಎಂದು ಹೇಳಲಾಗುತ್ತಿದೆ.
ಜೊತೆಗೆ ಆರ್ ಸಿಬಿಯ ನಾಯಕ ಫಾಫ್ ಡುಪ್ಲಿಸಿ ಕೂಡ ಸಿಎಸ್ ಕೆ ಪಾಳಯದಲ್ಲಿ ಆಡಿಬಂದವರೇ ಆಗಿದ್ದಾರೆ.
ಹೀಗಾಗಿ ಈ ಇಬ್ಬರು ಇಂದಿನ ಪಂದ್ಯದಲ್ಲಿ ಹೇಗೆ ಸೆಣಸಲಿದ್ದಾರೆ ಅನ್ನೋದು ಸದ್ಯದ ಕುತೂಹಲವಾಗಿದೆ. ಇನ್ನು ಹೇಜಲ್ ವುಡ್ ತಂಡ ಸೇರಿಕೊಂಡರೇ ವಿಲ್ಲೆಯವರು ಬೆಂಚ್ ಗೆ ಸೀಮಿತವಾಗಬೇಕಾಗುತ್ತದೆ. hazelwood harshal patel RCB
