ಪ್ರೀತಿ ನಿರಾಕರಿಸಿದ ಈ ಯುವತಿಗೆ ಅದೆಂಥಾ ಗತಿ ತಂದಿಟ್ಟ ನೋಡಿ ಈ ಕಿರಾತಕ..!
ಹೈದರಾಬಾದ್: ಯುವತಿಯೊಬ್ಬಳು ತನ್ನ ಪ್ರೀತಿಯನ್ನು ನಿರಾಕರಿಸಿದಕ್ಕೆ ವಿದ್ಯಾರ್ಥಿಯೊಬ್ಬ ಆಕೆಯ ಚಾರಿತ್ರ್ಯ ಹರಣ ಮಾಡುವ ಪ್ರಯತ್ನ ಮಾಡಿ ಇದೀಗ ಸಿಕ್ಕಿಬಿದ್ದಿದ್ದಾನೆ.
ಹೌದು ಹೈದ್ರಾಬಾದ್ ನಲ್ಲಿ ಈ ಘಟನೆ ನಡೆದಿದ್ದು, ರಾಚಕೊಂಡ ಸೈಬರ್ ಕ್ರೈಂ ಪೊಲೀಸರು ಆರೋಪಿಯನ್ನ ಬಂಧಿಸಿ ವಿಚಾರಣೆಗೊಳಪಡಿಸಿದ್ದಾರೆ.
ಬಂಧಿತ ವಿದ್ಯಾರ್ಥಿಯನ್ನು ಸಮೀರ್ ಎಂದು ಗುರುತಿಸಲಾಗಿದೆ. ಕಿಂಗ್ ಕೋಥಿ ನಿವಾಸಿಯಾಗಿರುವ ಸಮೀರ್ ಇಬ್ರಾಹಿಂಪಟ್ನಂ ಬಳಿಯ ಎಂಆರ್ಎಂ ಕಾಲೇಜಿನಲ್ಲಿ ಎಂಬಿಎ ವಿದ್ಯಾಭದ್ಯಾಸ ಮಾಡ್ತಿದ್ದಾನೆ.
ಆತ ನಾನು ನಿನ್ನ ಕ್ಲಾಸ್ಮೇಟ್ ಎಂದು ಯುವತಿಯೊಬ್ಬಳನ್ನು ಪರಿಚಯ ಮಾಡಿಕೊಂಡಿದ್ದ. ಬಳಿಕ ಇಬ್ಬರ ನಡುವೆ ಸ್ನೇಹ ಬೆಳೆದಿತ್ತು. ಪ್ರತಿನಿತ್ಯ ಇಬ್ಬರು ಪರಸ್ಪರ ಚಾಟ್ ಮಾಡುತ್ತಿದ್ದರು.
ಸಮೀರ್ ಗೆ ಯುವತಿಯ ಮೇಲೆ ಲವ್ ಆಗಿತ್ತು. ಒಂದು ವರ್ಷದ ಬಳಿಕ ಸಮೀರ್ ತನ್ನ ಪ್ರೀತಿಯನ್ನ ಹೇಳಿಕೊಂಡಿದ್ದ. ಆದರೆ ಯುವತಿಒ ಆತನ ಪ್ರೀತಿಯನ್ನು ನಿರಾಕರಿಸಿದ್ದಳು.
ಇದರಿಂದ ಸಿಟ್ಟಿಗೆದ್ದ ಯುವಕ ಆಕೆಯ ಚಾರಿತ್ರ್ಯ ಹರಣ ಮಾಡುವ ಪ್ರಯತ್ನ ಮಾಡಿದ್ದಾನೆ. ಆಕೆಯ ಫೋಟೋವನ್ನ ಅಶ್ಲೀಲ ವೆಬ್ ಸೈಟ್ ನಲ್ಲಿ ಹಾಕಿ ಕಾಲ್ ಗರ್ಲ್ ಎಂದು ಬಿಂಬಿಸಿ ಜೊತೆಗೆ ಆಕೆಯ ನಂಬರ್ ಸಹ ಶೇರ್ ಮಾಡಿದ್ದಾನೆ.
ಸಮೀರ್ ತನ್ನ ಸ್ಮಾರ್ಟ್ಫೋನ್ನಲ್ಲಿ ಹೊಸ ಜಿಮೇಲ್ ಖಾತೆ ತೆರೆದು ಡೇಟಿಂಗ್ ವೆಬ್ಸೈಟ್ನಲ್ಲಿ ನಕಲಿ ಖಾತೆ ಸೃಷ್ಟಿಸಿ, ಇಂಟರ್ನೆಟ್ ಮೂಲಕ ಪೋರ್ನ್ ಫೋಟೋಗಳನ್ನು ಡೌನ್ಲೋಡ್ ಮಾಡಿಕೊಂಡು ಅದನ್ನು ನಕಲಿ ಖಾತೆಯಲ್ಲಿ ಪೋಸ್ಟ್ ಮಾಡುತ್ತಿದ್ದ.
ಖಾತೆಯ ಪ್ರೊಫೈಲ್ಗೆ ಯುವತಿಯ ಫೋಟೋ ಬಳಸಿದ್ದ. ಅಲ್ಲದೆ, ಕಾಲ್ಗರ್ಲ್ ಎಂದು ಬರೆದು ಆಕೆಯ ನಂಬರ್ ಸಹ ಉಲ್ಲೇಖಿಸಿದ್ದ. ಇದರಿಂದಾಗಿ ಯುವತಿಗೆ ಅನೇಕ ಅನಾಮಿಕ ಕರೆಗಳು ಬರತೊಡಗಿದವು. ಅಶ್ಲೀಲವಾಗಿ ಮಾತನಾಡಲು ಆರಂಭಿಸಿದರು.
ಇದರಿಂದ ಬೇಸರಗೊಂಡಿದ್ದ ಯುವತಿಗೆ ಸಮೀರ್ ನ ಕೃತ್ಯ ಹೇಗೋ ಬಯಲಾಗಿದೆ. ತಕ್ಷಣ ರಾಚಕೊಂಡ ಠಾಣೆಯಲ್ಲಿ ಯುವತಿ ದೂರು ದಾಖಲಿಸಿದ್ದಾಳೆ.
ಇತ್ತ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಶುಕ್ರವಾರ ಸಮೀರ್ನನ್ನು ಬಂಧಿಸಿ ಆತನಿಂದ ಸಿಮ್ ಕಾರ್ಡ್ ಮತ್ತು ಸ್ಮಾರ್ಟ್ಫೋನ್ ಅನ್ನು ವಶಪಡಿಸಿಕೊಂಡಿದ್ದಾರೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
