ICMR – ಡೆಂಗ್ಯೂ ಮತ್ತು ಚಿಕೂನ್ಗುನ್ಯಾ ತಡೆಗಟ್ಟಲು ಹೆಣ್ಣು ಸೊಳ್ಳೆ ಸೃಷ್ಟಿಸಿದ ICMR
ಸೊಳ್ಳೆಗಳಿಂದ ಹರಡುವ ಡೆಂಗ್ಯೂ ಮತ್ತು ಚಿಕೂನ್ಗುನ್ಯಾದಂತಹ ರೋಗಗಳನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಐಸಿಎಂಆರ್ ಉತ್ತಮ ಯಶಸ್ಸು ಸಾಧಿಸಿದೆ. ಡೆಂಗ್ಯೂ ಮತ್ತು ಚಿಕೂನ್ಗುನ್ಯಾ ರೋಗಗಳನ್ನು ಹರಡುವ ಸೊಳ್ಳೆಗಳನ್ನ ನಿರ್ಮೂಲ ಮಾಡಲು ICMR ಹೆಣ್ಣು ಸೊಳ್ಳೆಗಳನ್ನ ಹೊಸದಾಗಿ ಸೃಷ್ಟಿಸಿದೆ. ಇದರಿಂದ ಉತ್ಪತ್ತಿಯಾಗುವ ಲಾರ್ವಾಗಳಲ್ಲಿ ವೈರಸ್ ಗಳು ಇರುವುದಿಲ್ಲ ಎಂದು ICMR ತಿಳಿಸಿದೆ.
#WATCH | Puducherry| Prepared mosquitoes to replace Dengue & Chikungunya mosquitoes. Will release female ones which will mate with males&produce larvae who don't have these viruses. We've prepared mosquitoes&eggs & can release them anytime: Dr Ashwani Kumar Director ICMR-VCRC pic.twitter.com/zKx7Yb3s1Y
— ANI (@ANI) July 6, 2022
ಈ ಕುರಿತು ಐಸಿಎಂಆರ್-ವಿಸಿಆರ್ಸಿ ನಿರ್ದೇಶಕ ಡಾ.ಅಶ್ವಿನಿ ಕುಮಾರ್ ಮಾತನಾಡಿ, ಗಂಡು ಸೊಳ್ಳೆಗಳ ಸಂಪರ್ಕಕ್ಕೆ ಬರುವ ಇಂತಹ ಹೆಣ್ಣು ಸೊಳ್ಳೆಗಳನ್ನ ಹೊಸದಾಗಿ ಕಂಡುಹಿಡಿದಿದ್ದು, ಶೀಘ್ರದಲ್ಲೇ ಬಿಡುಗಡೆ ಮಾಡುತ್ತೇವೆ. ಇಂಥಹ ಸಂಪರ್ಕದಿಂದ ಉತ್ಪತ್ತಿಯಾಗುವ ಲಾರ್ವಗಳಲ್ಲಿ ಡಂಗ್ಯೂ ಚಿಕನ್ ಗುನ್ಯಾ ವೈರಸ್ ಗಳು ಇರುವುದಿಲ್ಲ. ನಾವು ಇಂಥಹ ಸೊಳ್ಳೆ ಮತ್ತು ಮೊಟ್ಟೆಗಳನ್ನ ಸಿದ್ಧಪಡಿಸಿದ್ದೇವೆ ಮತ್ತು ಅವುಗಳನ್ನು ಯಾವಾಗ ಬೇಕಾದರೂ ಬಿಡಬಹುದು ಎಂದು ಅವರು ಹೇಳಿದರು.
ತಂತ್ರಜ್ಞಾನದಲ್ಲಿ ಉತ್ತಮ ಸಾಮರ್ಥ್ಯದಿಂದ ಈ ಪ್ರಯೋಗ ಮತ್ತು ಅಧ್ಯಯನ ನಾಲ್ಕು ವರ್ಷಗಳ ಹಿಂದೆ ಪ್ರಾರಂಭವಾಗಿದ್ದು, ಈಗ ಪೂರ್ಣಗೊಂಡಿದೆ ಆದರೆ ಸರ್ಕಾರದ ಅನುಮೋದನೆಗಳು ಇನ್ನೂ ಬಾಕಿ ಉಳಿದಿವೆ ಎಂದು ಡಾ. ಅಶ್ವನಿ ಕುಮಾರ್ ಮಾಹಿತಿ ನೀಡಿದ್ದಾರೆ.