ಚೆನ್ನೈ ಸೂಪರ್ ಕಿಂಗ್ಸ್ ಆಲ್ರೆಡಿ ಪ್ಲೇ-ಆಫ್ನಲ್ಲಿ ತನ್ನ ಸ್ಥಾನವನ್ನು ಗಟ್ಟಿ ಮಾಡಿಕೊಂಡಿದೆ. ರಾಜಸ್ಥಾನ ರಾಯಲ್ಸ್ಗೆ ಇನ್ನುಳಿದ 3 ಪಂದ್ಯಗಳಲ್ಲಿ ಎಲ್ಲವನ್ನೂ ಗೆಲ್ಲಬೇಕಾದ ಸ್ಥಿತಿ. ಒಂದು ಪಂದ್ಯ ಸೋತರೂ ರಾಜಸ್ಥಾನ ಟೂರ್ನಿಯಿಂದ ಔಟ್. ಚೆನ್ನೈ ಸ್ಥಿತಿ ಹಾಗಲ್ಲ. ಆದರೆ ಟಾಪ್ ಟುನಲ್ಲಿ ಭದ್ರವಾಗಿ ಇರಬೇಕಾದರೆ ಇನ್ನೊಂದು ಪಂದ್ಯ ಗೆಲ್ಲಬೇಕು. ಹೀಗಾಗಿ ಅಬುಧಾಭಿಯಲ್ಲಿ ನಡೆಯುವ ಸಿಎಸ್ಕೆ ಮತ್ತು ರಾಜಸ್ಥಾನ ರಾಯಲ್ಸ್ ನಡುವಿನ ಹಣಾಹಣಿ ತೀವ್ರ ಕುತೂಹಲ ಕೆರಳಿಸಿದೆ.
ತಂಡಗಳ ಲೆಕ್ಕಾಚಾರಕ್ಕೆ ಬಂದರೆ ಚೆನ್ನೈ ಆಲ್ಮೋಸ್ಟ್ ಪರ್ಫೆಕ್ಟ್ ಟೀಮ್ ಅನ್ನುವ ಹಾಗಿದೆ. ಬೌಲಿಂಗ್ನ ಸ್ಟೆಬಿಲಿಟಿ ಮತ್ತು ಬ್ಯಾಟಿಂಗ್ನ ಡೆಪ್ತ್ ಚೆನ್ನೈ ತಂಡವನ್ನು ಸೋಲಿಲ್ಲದ ಸರದಾರ ಅನ್ನುವ ಹಾಗೆ ಮಾಡಿದೆ. ಶಾರ್ದೂಲ್ ಠಾಕೂರ್ ಮತ್ತು ದೀಪರ್ ಚಹರ್ ಬ್ಯಾಟಿಂಗ್ನಲ್ಲಿ 9 ಮತ್ತು 10ನೇ ಸ್ಥಾನದಲ್ಲಿ ಬರ್ತಾಇರೋದು ಚೆನ್ನೈ ಬ್ಯಾಟಿಂಗ್ನ ಸ್ಥಿರ ಆಟಕ್ಕೆ ಸಾಕ್ಷಿ.
ಚೆನ್ನೈ ಬ್ಯಾಟಿಂಗ್ ಲೈನ್ ಅಪ್ನಲ್ಲಿ ಸುರೇಶ್ ರೈನಾ ಒಬ್ಬರೇ ಕೊಂಚ ಗಲಿಬಿಲಿಗೊಂಡಂತೆ ಇದೆ. ಉಳಿದವರು ಸೂಪರ್. ಬೌಲಿಂಗ್ನಲ್ಲೂ ಅಷ್ಟೇ. ಕಂಟ್ರೋಲ್ ಮತ್ತು ಲೈನ್ ಅಂಡ್ ಲೆಂಗ್ತ್ ಚೆನ್ನಾಗಿ ಕಂಡು ಬರುತ್ತಿದೆ. ಚಹರ್, ಶಾರ್ದೂಲ್, ಬ್ರಾವೋ, ಜಡೇಜಾ ಮತ್ತು ಹ್ಯಾಜಲ್ವುಡ್ ಪಾರ್ಟನರ್ಶಿಪ್ ತಂಡವನ್ನು ಫರ್ಫೆಕ್ಟ್ ಮಾಡಿಬಿಟ್ಟಿದೆ. ಚೆನ್ನೈ 1 ಪಂದ್ಯಗಳಲ್ಲಿ 9ನ್ನು ಗೆದ್ದು 18 ಅಂಕ ಸಂಪಾದಿಸಿ ಪ್ಲೇ-ಆಫ್ಗೆ ಅರ್ಹತೆ ಪಡೆದಿದೆ.
ರಾಯಲ್ಸ್ ತಂಡದ ಚೆನ್ನೈ ತಂಡದ ವಿರುದ್ಧ ದಿಕ್ಕಿನಲ್ಲಿದೆ. ಬ್ಯಾಟಿಂಗ್ನಲ್ಲಿ ಸ್ಥಿರತೆ ಇಲ್ಲ. ಬೌಲಿಂಗ್ನಲ್ಲಿ ಪಂದ್ಯ ಗೆಲ್ಲಿಸಿಕೊಡಬಲ್ಲ ವಿಶ್ವಾಸವಿಲ್ಲ. ಹೀಗಾಗಿ ರಾಯಲ್ಸ್ ಪರದಾಟ ನಡೆಸುತ್ತಿದೆ. ಎವಿನ್ ಲೆವಿಸ್ ಕ್ರೀಸ್ನಲ್ಲಿ ನಿಂತುಕೊಂಡ್ರೆ ಸ್ಪೋಟಕ ಆಟ ಆಡುತ್ತಾರೆ. ಸಂಜುಸ್ಯಾಮ್ಸನ್ ಕೂಡ ಅಷ್ಟೇ. ಆದರೆ ಸ್ಥಿರತೆ ಇಲ್ಲದಿರುವುದು ಹೊಡೆತ ನೀಡಿದೆ. ಬೌಲಿಂಗ್ನಲ್ಲಿ ಕ್ರಿಸ್ಮೊರಿಸ್ ದುಬಾರಿ ಆಗ್ತಿದ್ದಾರೆ. ಉಳಿದ ಬೌಲರ್ಗಳು ಇಂಪಾಕ್ಟ್ ಆಗಿಲ್ಲ. ಹೀಗಾಗಿ ರಾಯಲ್ಸ್ ತಂಡವೇ ಅಸ್ಥಿರವಾಗಿದೆ. ರಾಯಲ್ಸ್ 11 ಪಂದ್ಯಗಳಿಂದ 8 ಅಂಕ ಸಂಪಾದಿಸಿ ಟೂರ್ನಿಯಿಂದ ಹೊರ ಹೋಗುವ ಭೀತಿಯಲ್ಲಿದೆ.
ಸಂಭಾವ್ಯ XI
ಚೆನ್ನೈ ಸೂಪರ್ ಕಿಂಗ್ಸ್
- ಫಾಫ್ ಡು ಪ್ಲೆಸಿಸ್, 2. ರುತುರಾಜ್ ಗಾಯಕ್ವಾಡ್, 3 ಮೊಯಿನ್ ಆಲಿ, 4. ಅಂಬಟಿ ರಾಯುಡು, 5. ಸುರೇಶ್ ರೈನಾ, 6. ಎಂ.ಎಸ್.ಧೋನಿ, 7. ರವೀಂದ್ರ ಜಡೇಜಾ, 8. ಡ್ವೈನ್ ಬ್ರಾವೋ, 9. ಶಾರ್ದೂಲ್ ಠಾಕೂರ್, 10. ದೀಪಕ್ ಚಹರ್, 11. ಜೋಶ್ ಹ್ಯಾಜಲ್ವುಡ್/ ಸ್ಯಾಮ್ ಕರ್ರನ್/ ಇಮ್ರಾನ್ ತಾಹಿರ್
ರಾಜಸ್ಥಾನ ರಾಯಲ್ಸ್
- ಎವಿನ್ ಲೆವಿಸ್, 2. ಯಶಸ್ವಿ ಜೈಸ್ವಾಲ್, 3 ಸಂಜು ಸ್ಯಾಮ್ಸನ್, 4. ಲಿಯಂ ಲಿವಿಂಗ್ಸ್ಟೋನ್, 5. ಮಹಿಪಾಲ್ ಲೊಮ್ರೊರ್, 6. ರಿಯಾನ್ ಪರಾಗ್, 7. ರಾಹುಲ್ ತೆವಾಟಿಯಾ, 8. ಕ್ರಿಸ್ ಮೊರಿಸ್, 9. ಚೇತನ್ ಸಕಾರಿಯಾ, 10. ಕಾರ್ತಿಕ್ ತ್ಯಾಗಿ, 11. ಮುಸ್ತಫಿಝುರ್ ರೆಹಮಾನ್.