IPL 2022 : ಡೆಲ್ಲಿ ಮನೆಗೆ, ಆರ್ಸಿಬಿ ಪ್ಲೇ-ಅಫ್ಸ್ ಗೆ.. ಥಾಂಕ್ಯೂ ಮುಂಬೈ
ಇಂಡಿಯನ್ ಪ್ರಿಮಿಯರ್ ಲೀಗ್ ನ 69ನೇ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸೋಲುಂಡಿದೆ.
ಆ ಮೂಲಕ 15ನೇ ಆವೃತ್ತಿಯ ಪ್ಲೇ ಆಫ್ಸ್ ರೇಸ್ ನಿಂದ ದೂರ ಬಿದ್ದಿದೆ. ಇತ್ತ ಮುಂಬೈ ಇಂಡಿಯನ್ಸ್ ತಂಡ ಗೆಲುವಿನೊಂದಿಗೆ ಈ ಆವೃತ್ತಿಯ ಅಭಿಯಾನ ಮುಗಿಸಿದೆ.
ವಾಂಖೆಡೆಯಲ್ಲಿ ಮುಂಬೈ ಇಂಡಿಯನ್ಸ್ 5 ವಿಕೆಟ್ಗಳಿಂದ ಜಯ ಸಾಧಿಸುತ್ತಿದ್ದಂತೆ ಗೆದ್ದು ಬೀಗಿದ್ದು ಫಾಫ್ ಡು ಪ್ಲೆಸಿಸ್ ನೇತೃತ್ವದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ.
ಟಾಸ್ ಗೆದ್ದ ಮುಂಬೈ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತ್ತು. ಅದರಂತೆ ಆರಂಭದಲ್ಲೇ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಶಾಕ್ ನೀಡಿತ್ತು.
ಬಿಗ್ ಮ್ಯಾಚ್ ಪ್ಲೇಯರ್ ಡೇವಿಡ್ ವಾರ್ನರ್ 5 ರನ್ ಗಳಿಸಿ ಡೇನಿಯಮ್ ಸ್ಯಾಮ್ಸ್ಗೆ ವಿಕೆಟ್ ಒಪ್ಪಿಸಿದರು.
ಮಿಚೆಲ್ ಮಾರ್ಷ್ ರನ್ನು ಖಾತೆ ತೆರೆಯಲು ಬುಮ್ರಾ ಬಿಡಲಿಲ್ಲ. 24 ರನ್ಗಳಿಸಿ ಅಪಾಯಕಾರಿ ಆಗುತ್ತಿದ್ದ ಪೃಥ್ವಿ ಷಾ ಕೂಡ ಬುಮ್ರಾ ಎಸೆತದಲ್ಲಿ ಔಟಾದರು.
ಸರ್ಫರಾಜ್ ಖಾನ್ ಆಟಕ್ಕೆ ಮಾಯಾಂಕ್ ಮಾರ್ಕಂಡೆ ಫುಲ್ ಸ್ಟಾಪ್ ಇಟ್ಟರು.
ಈ ಸಂದರ್ಭದಲ್ಲಿ ಡೆಲ್ಲಿ ತಂಡಕ್ಕೆ ಕ್ಯಾಪ್ಟನ್ ರಿಷಬ್ ಪಂತ್ ಮತ್ತು ರೋವ್ ಮನ್ ಪೊವೆಲ್ ನೆರವಾದರು. 33 ಎಸೆತಗಳಲ್ಲಿ ರಿಷಬ್ ಪಂತ್ 39 ರನ್ ಗಳಿಸಿದರು.
ಇತ್ತ ರೋವ್ ಮನ್ ಪೊವೆಲ್ 34 ಎಸೆತಗಳಲ್ಲಿ 43 ರನ್ ಗಳಿಸಿದರು. ಆದ್ರೆ ಈ ಇಬ್ಬರೂ ಇನ್ನಿಂಗ್ಸ್ ಫಿನಿಷ್ ಮಾಡದೇ ಔಟ್ ಆದರು.
ಕೊನೆಯಲ್ಲಿ ಅಕ್ಸರ್ ಪಟೇಲ್ ಮಿಂಚಿನ ಪ್ರದರ್ಶನ ನೀಡಿದ್ರು, ಅಕ್ಷರ್ ಅಜೇಯ 19 ರನ್ಗಳಿಸಿದರು. ಪರಿಣಾಮ ನಿಗದಿತ 20 ಓವರುಗಳಲ್ಲಿ ಡೆಲ್ಲಿ 7 ವಿಕೆಟ್ ಕಳೆದುಕೊಂಡು 159 ರನ್ಗಳಿಸಿತು.
160 ರನ್ಗಳ ಟಾರ್ಗೆಟ್ ಬೆನ್ನು ಹತ್ತಿದ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಆರಂಭದಲ್ಲಿ ಶಾಕ್ ಎದುರಾಯ್ತು. 2 ರನ್ಗಳಿಸಿದ ನಾಯಕ ರೋಹಿತ್ ಶರ್ಮಾ ವಿಕೆಟ್ ಬೇಗನೆ ಕಳೆದುಕೊಂಡಿತು.
ಇಶಾನ್ ಕಿಶನ್ ಮತ್ತು ಡಿವಾಲ್ಡ್ ಬ್ರೆವಿಸ್ ಇನ್ನಿಂಗ್ಸ್ಗೆ ಚೇತರಿಕೆ ಕೊಟ್ಟರು. ಕಿಶನ್ 35 ಎಸೆತಗಳಲ್ಲಿ 3 ಫೋರ್ ಮತ್ತು 4 ಸಿಕ್ಸರ್ ನೆರವಿನಿಂದ 48 ರನ್ಗಳಿಸಿ ಔಟಾದರು.
ಬ್ರೆವಿಸ್ 37 ರನ್ ಗಳಿಸಿ ಮಿಂಚಿದರು. ಟಿಮ್ ಡೇವಿಡ್ ಆರಂಭದಲ್ಲಿ ಸಿಕ್ಕಿದ ಜೀವದಾನದ ಲಾಭ ಪಡೆದು ಕೇವಲ 11 ಎಸೆತಗಳಲ್ಲಿ 34 ರನ್ ಚಚ್ಚಿದರು.
ಇದು ಪಂದ್ಯವನ್ನು ಡೆಲ್ಲಿ ಕೈಯಿಂದ ಜಾರುವಂತೆ ಮಾಡಿತು. ತಿಲಕ್ ವರ್ಮಾ ಕೂಡ 21 ರನ್ಗಳಿಸಿ ಗೆಲುವಿಗೆ ಕೊಡುಗೆ ನೀಡಿದರು.
ರಮಣ್ ದೀಪ್ ಸಿಂಗ್ 20ನೇ ಓವರ್ನ ಮೊದಲ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಮುಂಬೈ ಗೆದ್ದರೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸಂಭ್ರಮ ಪಟ್ಟಿತು. ಡೆಲ್ಲಿ ಮಾಡಿದ ತಪ್ಪಿಗೆ ಪ್ಲೇ-ಆಫ್ ಸ್ಥಾನ ಕಳೆದುಕೊಂಡಿತು. IPL 2022 Delhi home to RCB play-offs Thank you Mumbai
