IPL 2022 | ಟೂರ್ನಿಯಿಂದ ಔಟ್.. ಸೂರ್ಯ ಎಮೋಷನಲ್ ಪೋಸ್ಟ್
15ನೇ ಆವೃತ್ತಿಯ ಇಂಡಿಯನ್ ಪ್ರಿಮಿಯರ್ ಲೀಗ್ ನಲ್ಲಿ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಯಾವುದೂ ಕೂಡಿ ಬರುತ್ತಿಲ್ಲ. ಕಳಫೆ ಪ್ರದರ್ಶನದೊಂದಿಗೆ ಈಗಾಗಲೇ ಪ್ಲೇ ಆಫ್ಸ್ ಹಾದಿಯಿಂದ ದೂರ ಸರಿದಿರುವ ಮುಂಬೈ ಇಂಡಿಯನ್ಸ್ ಗೆ ಇದೀಗ ಸೂರ್ಯ ಕುಮಾರ್ ಯಾದವ್ ಮೂಲಕ ಮತ್ತೊಂದು ಆಘಾತ ಎದುರಾಗಿದೆ.
ಹೌದು…! ಇಂಡಿಯನ್ ಪ್ರೀಮಿಯರ್ ಲೀಗ್ 15ನೇ ಆವೃತ್ತಿಯ ಆರಂಭದ ಪಂದ್ಯಗಳಿಗೆ ಅಲಭ್ಯರಾಗಿದ್ದ ಮುಂಬೈ ಇಂಡಿಯನ್ಸ್ ಬ್ಯಾಟ್ಸ್ಮನ್ ಸೂರ್ಯ ಕುಮಾರ್ ಯಾದವ್ ಈಗ ಮತ್ತೆ ಗಾಯಗೊಂಡಿದ್ದಾರೆ. ಮುಂಗೈ ಗಾಯಕ್ಕೆ ಒಳಗಾಗಿರುವ ಸೂರ್ಯ ಕುಮಾರ್ ಯಾದವ್ ಮುಂಬೈ ಆಡುವ ಉಳಿದ4 ಪಂದ್ಯಗಳಿಂದ ಹೊರಗುಳಿಯಲಿದ್ದಾರೆ.
ಈ ಹಿಂದೆ ವೆಸ್ಟ್ ಇಂಡೀಸ್ ವಿರುದ್ಧದ ಟಿ20 ಸರಣಿ ಬಳಿಕ ಗಾಯಗೊಂಡಿದ್ದ ಸೂರ್ಯ ಕುಮಾರ್ ಯಾದವ್ ಎನ್ಸಿಎನಲ್ಲಿ ರಿಹ್ಯಾಬಿಲಿಟೇಷನ್ ಕ್ಯಾಂಪ್ ನಲ್ಲಿದ್ದರು. ಹೀಗಾಗಿ ಐಪಿಎಲ್ನ ಆರಂಭದ ಮೊದಲ ಪಂದ್ಯಗಳಿಗೆ ಲಭ್ಯರಾಗಿರಲಿಲ್ಲ. ಚೇತರಿಕೆ ಬಳಿಕ ಸೂರ್ಯ ಮುಂಬೈ ತಂಡ ಸೇರಿ ಬ್ಯಾಟಿಂಗ್ ಬಲ ತುಂಬಿದ್ದರು. ಆದರೆ ಗುಜರಾತ್ ವಿರುದ್ಧದ ಪಂದ್ಯದ ವೇಳೆ ಮತ್ತೆ ಗಾಯಗೊಂಡು ಐಪಿಎಲ್ ನ ಅಂತಿಮ ಪಂದ್ಯಗಳಿಗೆ ಲಭ್ಯವಿಲ್ಲ.
With all your good wishes and support, I will be back in no time 😇
To my MI family, I will be cheering for you from the other side, this time. Let’s finish the tournament on a high note and display our true character on field. 💪 pic.twitter.com/WXfd2iwZIW
— Surya Kumar Yadav (@surya_14kumar) May 9, 2022
ಸೂರ್ಯ ಕುಮಾರ್ಗೆ ಆಗಿರುವ ಗಾಯ ಎಷ್ಟರ ಮಟ್ಟಿಗೆ ದೊಡ್ಡದು ಅನ್ನುವ ಬಗ್ಗೆ ಮಾಹಿತಿ ಸಿಕ್ಕಿಲ್ಲ. ಆದರೆ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿಗೆ ಸೂರ್ಯ ಲಭ್ಯರಾಗುವ ನೀರಿಕ್ಷೆ ಇದೆ.
ಇನ್ನು ಟೂರ್ನಿಯಿಂದಾ ಹೊರ ನಡೆದಿರುವ ಸೂರ್ಯಕುಮಾರ್ ಯಾದವ್, ಟ್ವಿಟ್ಟರ್ ನಲ್ಲಿ ತಮ್ಮ ಅಭಿಮಾನಿಗಳನ್ನು ಉದ್ದೇಶಿಸಿ ಭಾವುಕ ಪೋಸ್ಟ್ ಮಾಡಿದ್ದಾರೆ. ಸೂರ್ಯ ಟ್ವಿಟ್ಟರ್ ನಲ್ಲಿ ತಮ್ಮ ಪೋಸ್ಟ್ ಶೇರ್ ಮಾಡುತ್ತಾ.. ನಿಮ್ಮ ಆಶೀರ್ವಾದ, ಅಭಿಮಾನ, ಸಹಕಾರದದೊಂದಿಗೆ ಅತಿ ಶೀಘ್ರದಲ್ಲಿ ವಾಪಸ್ ಆಗುವೆ. ಆದ್ರೆ ಮುಂಬೈ ಇಂಡಿಯನ್ಸ್ ಪರ ಮಾತ್ರ ಮತ್ತೆ ಮುಂಬರುವ ಐಪಿಎಲ್ ಸೀಸನಲ್ಲಿಯೇ ಕಾಣಿಸಿಕೊಳ್ಳುತ್ತೇನೆ. ನಾನು ಈ ಕ್ಷಣದಲ್ಲಿ ಮುಂಬೈ ಫ್ಯಾಮಿಲಿಯನ್ನ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ಈ ಸೀಸನ್ ನಲ್ಲಿ ನಮಗೆ ಯಾವುದೂ ಕೂಡಿ ಬರಲಿಲ್ಲ. ಈಗಾಗಲೇ ಪ್ಲೇ ಆಫ್ಸ್ ಅವಕಾಶಗಳನ್ನು ಮಿಸ್ ಮಾಡಿಕೊಂಡಿದ್ದೇವೆ. ಇನ್ನುಳಿದ ಪಂದ್ಯಗಳಲ್ಲಿ ಗೆದ್ದು ಜಯದೊಂದಿಗೆ ಸೀಸನ್ ಮುಗಿಸುವ ಪ್ರಯತ್ನ ಮಾಡಿ.. ಮಿಸ್ ಯು ಮುಂಬೈ ಇಂಡಿಯನ್ಸ್ ತಂಡು ಸೂರ್ಯ ಬರೆದುಕೊಂಡಿದ್ದಾರೆ.
ಅಂದಹಾಗೆ ಸೂರ್ಯ ಕುಮಾರ್ ಈ ಬಾರಿಯ ಐಪಿಎಲ್ನಲ್ಲಿ ಮುಂಬೈ ಪರವಾಗಿ 8 ಇನ್ನಿಂಗ್ಸ್ಗಳಲ್ಲಿ 43.28 ಸರಸಾರಿಯಲ್ಲಿ 303 ರನ್ಗಳಿಸಿದ್ದಾರೆ. ಇದರಲ್ಲಿ ಮೂರು ಅರ್ಧಶತಕಗಳಿವೆ. ಮುಂಬೈ ಈ ಸೀಸನ್ ನಲ್ಲಿ ಗೆದ್ದಿರುವ ಎರಡು ಪಂದ್ಯಗಳಲ್ಲೂ ಸೂರ್ಯ ಕುಮಾರ್ ಪಾತ್ರ ಮಹತ್ವದ್ದಾಗಿದೆ. ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಸೂರ್ಯ ಕುಮಾರ್ ಯಾದವ್ 39 ಎಸೆತಗಳಲ್ಲಿ 51 ರನ್ ಗಳಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.ipl-2022-surya-kumar-yadav-emotional-post
