IPL 2023 : ಚೆನ್ನೈಗೆ ಆಗಮಿಸಿದ ಸಿಎಸ್‌ಕೆ ತಂಡದ ಕ್ಯಾಪ್ಟನ್‌ ಎಂ. ಎಸ್. ಧೋನಿ
16ನೇ ಆವೃತ್ತಿಯ ಐಪಿಎಲ್‌ ಟೂರ್ನಿ ಹಿನ್ನೆಲೆಯಲ್ಲಿ ಚೆನ್ನೈ ಸೂಪರ್‌ ಕಿಂಗ್ಸ್‌(ಸಿಎಸ್‌ಕೆ) ತಂಡದ ಕ್ಯಾಪ್ಟನ್‌ ಎಂ.ಎಸ್.ಧೋನಿ ಚೆನ್ನೈಗೆ ಆಗಮಿಸಿದ್ದು, ಸಿಎಸ್‌ಕೆ ತಂಡವನ್ನ ಕೂಡಿಕೊಂಡಿದ್ದಾರೆ.
ಐಪಿಎಲ್‌ 2023ರ ಹಿನ್ನೆಲೆಯಲ್ಲಿ ಸಿಎಸ್‌ಕೆ ತಂಡ ಈಗಾಗಲೇ ಅಭ್ಯಾಸ ಆರಂಭಿಸಿದೆ. ಈ ನಡುವೆ 41 ವರ್ಷದ ಕ್ಯಾಪ್ಟನ್‌ ಕೂಲ್‌ ಪ್ರಸಕ್ತ ಐಪಿಎಲ್‌ ಟೂರ್ನಿಯಲ್ಲಿ ಚೆನ್ನೈ ತಂಡವನ್ನ ಮುನ್ನಡೆಸಲು ಸಜ್ಜಾಗಿದ್ದಾರೆ.
ಹಿರಿಯ ಆಟಗಾರ ಎಂಎಸ್‌. ಧೋನಿ ಐಪಿಎಲ್‌ನ ಅತ್ಯಂತ ಯಶಸ್ವಿ ಕ್ಯಾಪ್ಟನ್‌ಗಳಲ್ಲಿ ಒಬ್ಬರಾಗಿದ್ದು, ಐದು ಬಾರಿ ಐಪಿಎಲ್‌ ಪ್ರಶಸ್ತಿ ಗೆದ್ದಿರುವ ಹೆಗ್ಗಳಿಕೆ ಧೋನಿ ಹೆಸರಿಗಿದೆ.
ಸಿಎಸ್‌ಕೆ ತಂಡ ಪ್ರಸಕ್ತ ಐಪಿಎಲ್‌ ಟೂರ್ನಿಯ ಉದ್ಘಾಟನಾ ಪಂದ್ಯದಲ್ಲಿ ಗುಜರಾತ್‌ ಟೈಟನ್ಸ್‌ ತಂಡವನ್ನ ಎದುರಿಸಲಿದ್ದು, ಈ ಪಂದ್ಯ ಮಾರ್ಚ್‌ 31ರಂದು ಅಹಮ್ಮದಾಬಾದ್‌ನಲ್ಲಿ ನಡೆಯಲಿದೆ. ಕಳೆದ ಆವೃತ್ತಿಯಲ್ಲಿ ಸಾಕಷ್ಟು ಏರಿಳಿತ ಕಂಡಿದ್ದ ಚೆನ್ನೈ ಸೂಪರ್‌ ಕಿಂಗ್ಸ್‌, ನಿರೀಕ್ಷಿತ ಸಕ್ಸಸ್‌ ಕಂಡಿರಲಿಲ್ಲ.
ನಾಯಕ ಧೋನಿ ತಂಡದ ಕ್ಯಾಪ್ಟನ್‌ ಜವಾಬ್ದಾರಿಯನ್ನ ರವೀಂದ್ರ ಜಡೇಜಾ ಅವರಿಗೆ ನೀಡಿದ್ದರೂ, ನಂತರದಲ್ಲಿ ಟೂರ್ನಿಯ ಮಧ್ಯದಲ್ಲಿ ಮತ್ತೆ ಸಿಎಸ್‌ಕೆ ತಂಡದ ಜವಾಬ್ದಾರಿ ಧೋನಿ ಹೆಗಲಿಗೆ ಬಿದ್ದಿತ್ತು. ಹೀಗಾಗಿ ಎಂ.ಎಸ್. ಧೋನಿ ಈ ಬಾರಿಯ ಆವೃತ್ತಿಗೆ ಹೊಸ ಉತ್ಸಾಹದೊಂದಿಗೆ ತಂಡವನ್ನ ಮುನ್ನಡೆಸಲು ಸಜ್ಜಾಗಿದ್ದಾರೆ. ಇನ್ನೂ ಧೋನಿ ಚೆನ್ನೈಗೆ ಆಗಮಿಸಿರುವ ಫೋಟೋವನ್ನ ಸಿಎಸ್‌ಕೆ ತಂಡದ ಅಧಿಕೃತ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.
IPL 2023 : CSK team captain M. arrived in Chennai. S. Dhoni
