IPL 2023 : ತಮ್ಮ ಜೀವನ ಬದಲಾಯಿಸಿದ ಅನುಭವದ ಬಗ್ಗೆ ವಿರಾಟ್ ಮಾತು..!!!
ಹೆಚ್ಚು ನಿರೀಕ್ಷಿತ 2023 ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 16 ನೇ ಆವೃತ್ತಿಯು ಇನ್ನೇನು ಮಾರ್ಚ್ 31 ರಿಂದ ಆರಂಭವಾಗಲಿದೆ.
ಮತ್ತೆ RCBಯ ಕ್ರೇಜ್ ಹೆಚ್ಚಾಗಲಿದೆ , ಕಪ್ ನಮ್ದೇ ಟ್ರೆಂಡ್ ಶುರುವಾಗಲಿದೆ..
15 ಸೀಸನ್ ಗಳಿಂದ ಕಪ್ ಗಾಗಿ ಚಾತಕ ಪಕ್ಷಿಗಳಂತೆ ಅಭಿಮಾನಿಗಳು ಕಾಯುತ್ತಿದ್ದು ಈ ಬಾರಿಯಾದ್ರೂ ವಿರಾಟ್ ಪಡೆ ಕಪ್ ಗೆಲ್ಲುತ್ತಾ ಕಾದು ನೋಡ್ಬೇಕಿದೆ..
ಅಂದ್ಹಾಗೆ ಐಪಿಎಲ್ ಆರಂಭಕ್ಕೂ ಮುನ್ನ ಆರ್ ಸಿಬಿಗೆ ನೀಡಿದ ಸಂದರ್ಶನದಲ್ಲಿ ವಿರಾಟ್ ಜೀವನವನ್ನು ಬದಲಾಯಿಸುವ ಅನುಭವದ ಬಗ್ಗೆ ಮಾತನಾಡಿದ್ದಾರೆ.
ಅದರ ವೀಡಿಯೊವನ್ನು ಗುರುವಾರ ಫ್ರಾಂಚೈಸ್ ನ ಅಧಿಕೃತ ಟ್ವಿಟರ್ ನಲ್ಲಿ ಹಂಚಿಕೊಳ್ಳಲಾಗಿದೆ..
ವಿರಾಟ್ ತಮ್ಮ ನಟ ಪತ್ನಿ ಅನುಷ್ಕಾ ಶರ್ಮಾ ಅವರನ್ನು ಭೇಟಿಯಾದ ನಂತರ ಪರಿಸ್ಥಿತಿ ಹೇಗೆ ಸುಧಾರಿಸಿತು ಎಂಬುದನ್ನು ಅವರು ನೆನಪಿಸಿಕೊಂಡಿದ್ದಾರೆ.
ಅನುಷ್ಕಾ ಅವರನ್ನು ಭೇಟಿಯಾದ ನಂತರ ಜೀವನದಲ್ಲಿ ಹಿಂದೆಂದೂ ನೋಡಿರದ ಹೊಸತನ ಕಂಡೆ ಎಂದಿದ್ದಾರೆ. ಅನುಷ್ಕಾ ಜೊತೆ ಡೇಟಿಂಗ್ ಮಾಡಿದ ನಂತರ ತುಂಬಾ ಬದಲಾದೆ ಎಂದಿದ್ದಾರೆ.
ವಿಷಯಗಳನ್ನು ವಿಭಿನ್ನವಾಗಿ ನೋಡುವುದು ಮತ್ತು ಹೊಸ ಆಲೋಚನೆಗಳನ್ನ ಬೆಳೆಸಿಕೊಂಡಿದ್ದಾಗಿ ಹೇಳಿದ್ದಾರೆ. ತಮ್ಮ ತಂದೆಯ ಮರಣದ ನಂತರದ ಘಟನೆಗಳ ಬಗ್ಗೆಯೂ ಮಾತನಾಡಿದ್ದಾರೆ..
“ನನ್ನ ತಂದೆ ತೀರಿಕೊಂಡಾಗ, ವಿಷಯಗಳ ಬಗ್ಗೆ ನನ್ನ ದೃಷ್ಟಿಕೋನ ಬದಲಾಯಿತು, ಆದರೆ ನನ್ನ ಜೀವನವು ಬದಲಾಗಲಿಲ್ಲ. ಸುತ್ತಮುತ್ತಲಿನ ಜೀವನವು ಮೊದಲಿನಂತೆಯೇ ಇತ್ತು. ಈ ಘಟನೆಯು ನನಗೆ ಸಾಕಷ್ಟು ಸ್ಥಿತಿಸ್ಥಾಪಕತ್ವವನ್ನು ನೀಡಿತು ಎಂದು ವಿರಾಟ್ ಹೇಳಿದ್ದಾರೆ.
“ನಾನು ಅನುಷ್ಕಾಳನ್ನು ಭೇಟಿಯಾದಾಗ ಜೀವನ ಬದಲಾದ ಕ್ಷಣ ಎಂದು ನಾನು ಹೇಳುತ್ತೇನೆ, ಏಕೆಂದರೆ ನಾನು ಜೀವನದ ವಿಭಿನ್ನ ಮುಖವನ್ನು ನೋಡಿದೆ. ಅದು ನನ್ನ ಪರಿಸರಕ್ಕೆ ಹೋಲುವಂತಿಲ್ಲ.. ಇದು ವಿಭಿನ್ನ ದೃಷ್ಟಿಕೋನ, ಏಕೆಂದರೆ ನೀವು ಪ್ರೀತಿಯಲ್ಲಿ ಬಿದ್ದಾಗ, ನೀವು ಆ ಬದಲಾವಣೆಗಳನ್ನು ನಿಮ್ಮೊಳಗೆ ಪ್ರಕ್ರಿಯೆಗೊಳಿಸಲು ಪ್ರಾರಂಭಿಸುತ್ತೀರಿ, ಏಕೆಂದರೆ ನೀವು ಒಟ್ಟಿಗೆ ಚಲಿಸಬೇಕಾಗುತ್ತದೆ, ಆದ್ದರಿಂದ, ಅದನ್ನು ಮಾಡಲು, ನೀವು ನಿಮ್ಮನ್ನು ಮುಕ್ತವಾಗಿಸಿಕೊಳ್ಳಬೇಕು.. ನೀವು ಬಹಳಷ್ಟು ವಿಷಯಗಳನ್ನು ಒಪ್ಪಿಕೊಳ್ಳಬೇಕು..
ಅದು ನನ್ನ ಜೀವನವನ್ನು ಬದಲಾಯಿಸಿತು ಎಂದು ಟೀಮ್ ಇಂಡಿಯಾ ಮಾಜಿ ಕ್ಯಾಪ್ಟನ್ ಹೇಳಿದ್ದಾರೆ..
ಅಂದ್ಹಾಗೆ ವಿರಾಟ್ ಡಿಸೆಂಬರ್ 2017 ರಲ್ಲಿ ಅನುಷ್ಕಾ ಅವರನ್ನು ವಿವಾಹವಾದರು. 2021 ರಲ್ಲಿ ಅವರಿಗೆ ಮಗಳು ಜನಿಸಿದ್ದು ಮುದ್ದು ಮಗಳಿಗೆ ವಮಿಕಾ ಎಂದು ಹೆಸರಿಟ್ಟಿದ್ದಾರೆ..
IPL 2023 : Virat talks about his life changing experience..!!!
