ಇರಾನ್ – ಅಫ್ಘಾನ್ ಗಡಿಯಲ್ಲಿ ತೈಲ ಟ್ಯಾಂಕರ್ ಸ್ಫೋಟ: 500 ಟ್ರಂಕ್ ಗಳು ಬೆಂಕಿಗಾಹುತಿ, 20 ಮಂದಿಗೆ ಗಾಯ..!
ಕಾಬೂಲ್: ಇರಾನ್ – ಅಫ್ಘಾನ್ ಗಡಿಭಾಗವಾದ ಪಶ್ಚಿಮ ಹೇರತ್ ಪ್ರಾಂತ್ಯದಲ್ಲಿ ಪ್ರಮುಖ ಹೆದ್ದಾರಿಯೊಂದರಲ್ಲಿ ತೈಲ ಟ್ಯಾಂಕರ್ ಸ್ಪೋಟಿಸಿದೆ. ಬೆಂಕಿಯ ತೀವ್ರತೆ ಹೆಚ್ಚಾಗ್ತಲೇ ಇದ್ದು, ಆತಂಕ ಹೆಚ್ಚಿಸಿದೆ. ಘಟನೆಯಲ್ಲಿ 20 ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದು, ಅನೇಕರ ಸ್ಥಿತಿ ಗಂಭೀರವಾಗಿದೆ ಎನ್ನಲಾಗಿದೆ. ಇಸ್ಲಾಂ ಖ್ವಾಲಾ ಕ್ರಾಸಿಂಗ್ ಹೆದ್ದಾರಿಯಲ್ಲಿ ಸಾಲುಗಟ್ಟಿ ನಿಂತಿದ್ದ ನೈಸರ್ಗಿಕ ಅನಿಲ ಹಾಗೂ ತೈಲವನ್ನು ಒಯ್ಯುವ 500ಕ್ಕೂ ಅಧಿಕ ಟ್ರಂಕ್ ಗಳು ಬೆಂಕಿಗಾಹುತಿಯಾಗಿದ್ದು, ಇನ್ನೂ ಹೊತ್ತಿ ಉರಿಯುತ್ತಿವೆ.
ಇನ್ನೂ ಬೆಂಕಿಯ ತೀವ್ರತೆ ಹೆಚ್ಚಾಗ್ತಲೇ ಇದ್ದು, ಬೆಂಕಿಯನ್ನು ನಂದಿಸಲು ಅಗ್ನಿಶಾಮಕದಳದ ಸಿಬ್ಬಂದಿ ಹರಸಾಹಸಪಡುತ್ತಿದ್ದಾರೆ. ಹೇರತ್ ಪ್ರಾಂತದ ಗವರ್ನರ್ ವಾಹಿದ್ ಖತಾಲಿ ಈ ಬಗ್ಗೆ ಮಾಹಿತಿ ನೀಡಿದ್ದು, ಬೆಂಕಿ ನಿಯಂತ್ರಣಕ್ಕೆ ಬರುತ್ತಿಲ್ಲ. ನೈಸರ್ಗಿಕ ಅನಿಲದ ಸಿಲಿಂಡರ್ಳು ಸ್ಫೋಟಗೊಂಡು 100 ಮೀಟರ್ಗಿಂತಲೂ ಅಧಿಕ ಎತ್ತರಕ್ಕೆ ಚಿಮ್ಮುತ್ತಿರುವುದು ಕಾಣುತ್ತಿದೆ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ.
ಟ್ರಕ್ ಪಲ್ಟಿ : 15 ಮಂದಿ ಕೂಲಿ ಕಾರ್ಮಿಕರು ಸಾವು
ಅಲ್ದೇ ಸ್ಫೋಟ ಸಂಭವಿಸಿದ ಪ್ರದೇಶದಲ್ಲಿ ಗಾಳಿಯು ಜೋರಾಗಿ ಬೀಸುತ್ತಿರುವುದರಿಂದ ಬೆಂಕಿ ಇನ್ನಷ್ಟು ಕಡೆಗೆ ಹರಡುವ ಸಾಧ್ಯತೆಯಿದ್ದು, ಇನ್ನಷ್ಟು ತೈಲ ಹೊತ್ತ ಟ್ಯಾಂಕರ್ಗಲಿಗೆ ಬೆಂಕಿ ಹತ್ತಿಕೊಳ್ಳುವ ಅಪಾಯವಿದೆ ಎಂದು ಹೇರತ್ ಪ್ರಾಂತೀಯ ಗವರ್ನರ್ ವಾಹಿದ್ ಖತಾಲಿ ಹೇಳಿದ್ದಾರೆ. ಇನ್ನೂ ಅಫ್ಘಾನ್-ಇರಾನ್ ಗಡಿದಾಟು ಪ್ರದೇಶದಲ್ಲಿ ನಡೆದಿರುವ ಸ್ಫೋಟಗಳನ್ನು ನಾಸಾ ಉಪಗ್ರಹಗಳು ಕೂಡಾ ಗುರುತಿಸಿವೆ. ಮೊದಲನೆ ಸ್ಪೋಟವು ಶನಿವಾರ ಮಧ್ಯಾಹ್ನ 1:10ಕ್ಕೆ ಸಂಭವಿಸಿದ್ದರೆ, ಎರಡನೆಯ ಸ್ಪೋಟವು ಅರ್ಧತಾಸಿನ ಬಳಿಕ ಉಂಟಾಗಿತ್ತು ಎನ್ನಲಾಗಿದೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel