ಜಪಾನ್ನ ಸ್ಟಾರ್ ಮಹಿಳಾ ಟೆನಿಸ್ ಆಟಗಾರ್ತಿ ನವೋಮಿ ಒಸಾಕಾ ಕಳೆದ 12 ತಿಂಗಳಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಮಹಿಳಾ ಆಟಗಾರ್ತಿಯಾಗಿದ್ದಾರೆ. ಮತ್ತು ರಷ್ಯಾದ ಮಾರಿಯಾ ಶರಪೋವಾ ಅವರ ಒಂದು ವರ್ಷದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ದಾಖಲೆ ಮುರಿದಿದ್ದಾರೆ.
ಅಮೆರಿಕ ಮೂಲದ ವಿಶ್ವ ಪ್ರಸಿದ್ಧ ನಿಯತಕಾಲಿಕೆ ಫೋರ್ಬ್ಸ್ ಪ್ರಕಾರ, 22 ವರ್ಷದ ಒಸಾಕಾ ಕಳೆದ 12 ತಿಂಗಳುಗಳಲ್ಲಿ ಬಹುಮಾನ ಹಣ ಮತ್ತು ಜಾಹೀರಾತುಗಳಿಂದ 347 ಲಕ್ಷ ಡಾಲರ್ ಗಳಿಸಿದ್ದಾರೆ, ಇದು ಅಮೆರಿಕಾದ ಸ್ಟಾರ್ ಟೆನಿಸ್ ಆಟಗಾರ್ತಿ ಸೆರೆನಾ ವಿಲಿಯಮ್ಸ್ ಗಿಂತ 14 ಲಕ್ಷ ಡಾಲರ್ ಹೆಚ್ಚಾಗಿದೆ.
ಒಸಾಕಾ ಮೊದಲು, ರಷ್ಯಾದ ಮಾರಿಯಾ ಶರಪೋವಾ 12 ತಿಂಗಳಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಮಹಿಳಾ ಆಟಗಾರ್ತಿ ಎಂಬ ದಾಖಲೆಯನ್ನು ಹೊಂದಿದ್ದರು. ಅವರು 2015 ರಲ್ಲಿ 299 ಲಕ್ಷ ಡಾಲರ್ ಗಳಿಸಿದ್ದರು.
ಒಸಾಕಾ 2018 ರಲ್ಲಿ ಯುಎಸ್ ಓಪನ್ ಮತ್ತು 2019 ರಲ್ಲಿ ಆಸ್ಟ್ರೇಲಿಯನ್ ಓಪನ್ ಗೆದ್ದರು. 38 ವರ್ಷದ ಸೆರೆನಾ ಕಳೆದ ನಾಲ್ಕು ವರ್ಷಗಳಿಂದ ವಿಶ್ವದಲ್ಲೇ ಅತಿ ಹೆಚ್ಚು ಗಳಿಕೆ ಮಾಡಿದ ಮಹಿಳಾ ಆಟಗಾರ್ತಿಯಾಗಿದ್ದರೆ.
ಜಪಾನ್ನ ಒಸಾಕಾ ಒಂದು ವರ್ಷದವಳಿದ್ದಾಗ ಸೆರೆನಾ 1999 ರಲ್ಲಿ ತನ್ನ ಮೊದಲ ಗ್ರ್ಯಾನ್ ಸ್ಲ್ಯಾಮ್ ಪ್ರಶಸ್ತಿ ಗೆದ್ದಿದ್ದಾರೆ. 19 ವರ್ಷಗಳ ನಂತರ ಯುಎಸ್ ಓಪನ್ನ ಫೈನಲ್ನಲ್ಲಿ ಒಸಾಕಾ ಸೆರೆನಾ ಅವರನ್ನು ಸೋಲಿಸಿ ತಮ್ಮ ಮೊದಲ ಗ್ರ್ಯಾನ್ ಸ್ಲಾಮ್ ಪ್ರಶಸ್ತಿಯನ್ನು ಗೆದ್ದರು.
ಅತಿ ಹೆಚ್ಚು ಗಳಿಸಿದ ಆಟಗಾರರಲ್ಲಿ ಒಸಾಕಾ 29 ನೇ ಸ್ಥಾನದಲ್ಲಿದ್ದರೆ, ಸೆರೆನಾ 33 ನೇ ಸ್ಥಾನದಲ್ಲಿದ್ದಾರೆ. 2016 ರ ನಂತರ ಇದೇ ಮೊದಲ ಬಾರಿಗೆ ಇಬ್ಬರು ಮಹಿಳಾ ಆಟಗಾರರು ಅತಿ ಹೆಚ್ಚು ಗಳಿಕೆ ಮಾಡಿದ ಅಗ್ರ 100 ಆಟಗಾರರಲ್ಲಿ ಸ್ಥಾನ ಪಡೆದಿದ್ದಾರೆ.
