ಹೊಸಪೇಟೆ (ಬಳ್ಳಾರಿ)ಯಲ್ಲಿ ಮೇ 20, 2025ರಂದು ನಡೆಯಲಿರುವ ಕಾಂಗ್ರೆಸ್ ಸರ್ಕಾರದ ಸಾಧನಾ ಸಮಾವೇಶಕ್ಕೆ ಒಂದು ದಿನ ಬಾಕಿಯಿರುವಾಗ, ರಾಜ್ಯ ಬಿಜೆಪಿ ‘ಕರ್ನಾಟಕ ಲೂಟಿ – ಕಾಂಗ್ರೆಸ್ ಡ್ಯೂಟಿ’ ಎಂಬ ವ್ಯಂಗ್ಯ ಶೀರ್ಷಿಕೆಯ ಹೊಸ ಪೋಸ್ಟರ್ ಬಿಡುಗಡೆ ಮಾಡಿದೆ.
ಪೋಸ್ಟರ್ ಅನಾವರಣ ವೇಳೆ ಮಾತನಾಡಿದ ರಾಜ್ಯ ಬಿಜೆಪಿ ಮುಖ್ಯ ವಕ್ತಾರ ಡಾ. ಸಿ.ಎನ್. ಅಶ್ವತ್ಥನಾರಾಯಣ, ಸರ್ಕಾರ ತನ್ನ ಸಾಧನೆಯ ‘ಸಿನಿಮಾ’ ನೋಡಲು ಹೊಸಪೇಟೆಯಲ್ಲಿ ಗ್ರ್ಯಾಂಡ್ ಪ್ರದರ್ಶನಾ ವೇದಿಕೆ ಕಟ್ಟುತ್ತಿದ್ದಾರೆ. ಆದ್ರೆ ನಿನ್ನೆ ರಾತ್ರಿ ಬ್ರ್ಯಾಂಡ್ ಬೆಂಗಳೂರು ತಂತ್ರಜ್ಞಾನ ನಗರವೇ ಮಳೆಯಿಂದ ಮುಳುಗಿದದ್ದು ಆ ಸಿನಿಮಾದ ಟ್ರೇಲರ್ ಆಗಿ ಜನರ ಕಣ್ಣಿಗೆ ಬಂತು; ಇನ್ನು ಪೋಸ್ಟರ್ನಲ್ಲಿರುವ ಸಾಧನೆಯ ಚಿತ್ರ ಹೇಗಿರುತ್ತೋ ನೋಡೋಣ ಎಂದು ವ್ಯಂಗ್ಯವಾಡಿದ್ದಾರೆ.
ಮೇ 18, 2025ರಂದು ಬೆಂಗಳೂರಿನಲ್ಲಿ 100 ಮಿಮೀಕ್ಕಿಂತ ಜಾಸ್ತಿ ಪ್ರೀ-ಮನ್ಸೂನ್ ಮಳೆಯು ಬಿರುಸಿನಿಂದ ಸುರಿದು, ಮಹದೇವಪುರ, ಯಲಹಂಕ, ಕೇ.ಆರ್.ಪುರ ಮುಂತಾದ ವಲಯಗಳಲ್ಲಿ ಮನೆ–ಮಾರ್ಗ ಜಲಾವೃತಗೊಂಡವು.
ಕೆಲವೆಡೆ ಮರಗಳು ಧರೆಗುರುಳಿ, ಗೋಡೆ ಕುಸಿತದಿಂದ ಹಾನಿ ದಾಖಲಾಗಿದೆ.
ಕಾಂಗ್ರೆಸ್ ಸರ್ಕಾರದ ಸಾಧನಾ ಸಮಾವೇಶದಲ್ಲಿ ಸಿಎಂ ಸಿದ್ಧರಾಮಯ್ಯ, ಡಿಸಿಎಂ ಡಿಕೆ ಶಿವಕುಮಾರ್, ಮತ್ತು ಕೇಂದ್ರೀಯ ನಾಯಕರು ರಾಹುಲ್ ಗಾಂಧಿ ಹಾಗೂ ಮಲ್ಲಿಕಾರ್ಜುನ ಖರ್ಗೆ ಸೇರಿದಂತೆ ರಾಷ್ಟ್ರ-ಮಟ್ಟದ ಮುಖಂಡರು ಪಾಲ್ಗೊಳ್ಳಲಿದ್ದಾರೆ.
