ನೆಟ್ ಫ್ಲಿಕ್ಸ್ ನೊಂದಿಗೆ ಕೇಂದ್ರದ ಸಹಯೋಗ – ಸಾಧಕರ ಕುರಿತು ಕಿರುಚಿತ್ರ ನಿರ್ಮಾಣ…
ಪ್ರಮುಖ OTT ಪ್ಲಾಟ್ ಫಾರ್ಮ್ ನೆಟ್‌ಫ್ಲಿಕ್ಸ್‌ನೊಂದಿಗೆ ಮಾಹಿತಿ ಮತ್ತು ಪ್ರಸಾರ ಇಲಾಖೆ ಸಹಯೋಗ ಮಾಡಿಕೊಂಡಿದೆ. 75 ವರ್ಷಗಳ ಸ್ವಾತಂತ್ರ್ಯದ ಅಂಗವಾಗಿ ಆಜಾದಿ ಕಾ ಅಮೃತ್ ಮಹೋತ್ಸವದ ಅಡಿಯಲ್ಲಿ ವ್ಯಕ್ತಿಗಳು ಮತ್ತು ಸ್ವಾತಂತ್ರ್ಯ ಹೋರಾಟದ ಸ್ಪೂರ್ತಿದಾಯಕ ಕಥೆಗಳ ಕುರಿತು ಕಿರುಚಿತ್ರಗಳ ಸರಣಿಯನ್ನ ನೆಟ್ ಫ್ಲಿಕ್ಸ್ ನಿರ್ಮಿಸುತ್ತಿದೆ. .
ಮಂಗಳವಾರ, ಮಾಹಿತಿ ಮತ್ತು ಪ್ರಸಾರ ಇಲಾಖೆ ಸಚಿವ ಅನುರಾಗ್ ಠಾಕೂರ್ ಅವರು ಮಹಿಳಾ ಸಾಧಕರನ್ನು ಒಳಗೊಂಡ ಮೂರು ಕಿರುಚಿತ್ರಗಳ ಸೆಟ್ ಅನ್ನು ಪ್ರಾರಂಭಿಸಿದರು – ಬಸಂತಿ ದೇವಿ (ಪರಿಸರವಾದಿ), ಹರ್ಷಿಣಿ ಕನ್ಹೇಕರ್ (ಭಾರತದ ಮೊದಲ ಮಹಿಳಾ ಅಗ್ನಿಶಾಮಕ ದಳದವರು) ಮತ್ತು ಅಂಶು ಜಮ್ಸೆನ್ಪಾ ( ಒಂದೇ ಋತುವಿನೊಳಗೆ ಎರಡು ಬಾರಿ ಮೌಂಟ್ ಎವರೆಸ್ಟ್ ಅನ್ನು ಏರಿದ ವಿಶ್ವದ ಮೊದಲ ಮಹಿಳೆ. ) ಅವರ ಕಿರು ಚಿತ್ರಗಳನ್ನ ಬಿಡುಗಡೆ ಮಾಡಿದರು.
ಎರಡು ತಿಂಗಳಲ್ಲಿ, ಸಚಿವಾಲಯ ಹಲವು ಸಾಧಕರ ಕುರಿತು ಕಿರುಚಿತ್ರಗಳನ್ನು ಬಿಡುಗಡೆ ಮಾಡಲಿದೆ – ಪೂನಮ್ ನೌಟಿಯಾಲ್, (ಉತ್ತರಾಖಂಡದ ಬಾಗೇಶ್ವರ್ ಜಿಲ್ಲೆಯಲ್ಲಿ ಹಳ್ಳಿಗರಿಗೆ ಲಸಿಕೆ ಹಾಕಲು ಮೈಲುಗಟ್ಟಲೆ ನಡೆದು ಬಂದ ಆರೋಗ್ಯ ಕಾರ್ಯಕರ್ತೆ), ಡಾ ಟೆಸ್ಸಿ ಥಾಮಸ್, (ಭಾರತದಲ್ಲಿ ಕ್ಷಿಪಣಿ ಯೋಜನೆಯ ಮುಖ್ಯಸ್ಥರಾದ ಮೊದಲ ಮಹಿಳಾ ವಿಜ್ಞಾನಿ) , ತನ್ವಿ ಜಗದೀಶ್, (ಭಾರತದ ಮೊದಲ ಸ್ಪರ್ಧಾತ್ಮಕ ಮಹಿಳಾ ಸ್ಟ್ಯಾಂಡ್-ಅಪ್ ಪ್ಯಾಡಲ್ಬೋರ್ಡರ್) ಮತ್ತು ಆರೋಹಿ ಪಂಡಿತ್ (ಅಟ್ಲಾಂಟಿಕ್ ಸಾಗರ ಮತ್ತು ಪೆಸಿಫಿಕ್ ಸಾಗರವನ್ನು ಲಘು-ಕ್ರೀಡಾ ವಿಮಾನದಲ್ಲಿ ದಾಟಿದ ಕಿರಿಯ ಮತ್ತು ಮೊದಲ ಮಹಿಳಾ ಪೈಲಟ್) ಇವರ ಕಿರುತ್ರಗಳ ಸರಣಿಯನ್ನ ಬಿಡುಗಡೆ ಮಾಡಲಿದೆ.
‘ಆಜಾದಿ ಕಿ ಅಮೃತ್ ಕಹಾನಿಯಾನ್’ ಸರಣಿಯ ಅಡಿಯಲ್ಲಿ ಈ ವೀಡಿಯೊಗಳು ದೂರದರ್ಶನದ ಎಲ್ಲಾ ಚಾನಲ್‌ಗಳಲ್ಲಿ ಪ್ರಸಾರವಾಗುತ್ತವೆ ಮತ್ತು ಸಚಿವಾಲಯ ಮತ್ತು ನೆಟ್‌ಫ್ಲಿಕ್ಸ್‌ನ ವಿವಿಧ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಲಭ್ಯವಿರುತ್ತವೆ. ಈ ಚಲನಚಿತ್ರಗಳನ್ನು ಗುಜರಾತಿ, ಮರಾಠಿ, ಬೆಂಗಾಲಿ, ತಮಿಳು, ಇಂಗ್ಲಿಷ್ ಮತ್ತು ಮಲಯಾಳಂ ಸೇರಿದಂತೆ ಇತರ ಭಾಷೆಗಳಿಗೆ ಅನುವಾದಿಸಲಾಗುತ್ತದೆ.
ಸಚಿವಾಲಯದ ಕಾರ್ಯದರ್ಶಿ ಅಪೂರ್ವ ಚಂದ್ರ ಮಾತನಾಡಿ, ಸ್ವಾತಂತ್ರ್ಯ ಹೋರಾಟ ಮತ್ತು ಜಗತ್ತಿಗೆ ಹೇಳಬೇಕಾದ ಕಥೆಗಳ ಕುರಿತು ಸರಣಿಯನ್ನು ಒಳಗೊಂಡ ಸಹಯೋಗವು ಕಾರ್ಯದಲ್ಲಿದೆ. ಇದು ನೆಟ್‌ಫ್ಲಿಕ್ಸ್‌ನೊಂದಿಗಿನ ದೀರ್ಘಾವಧಿಯ ಪಾಲುದಾರಿಕೆಯಾಗಿದೆ ಎಂದು ಠಾಕೂರ್ ಹೇಳಿದರು, ಅಲ್ಲಿ ವಿಭಿನ್ನ ಥೀಮ್‌ಗಳು ಮತ್ತು ವೈವಿಧ್ಯಮಯ ಕಥೆಗಳನ್ನು ಹೈಲೈಟ್ ಮಾಡಲಾಗುತ್ತದೆ.
Ministry ties up with Netflix to produce short films on inspirational figures
