ಕೊರೊನಾ…ಸದ್ಯ ದೇಶ, ವಿದೇಶಗಳಲ್ಲಿ ತನ್ನ ಕದಂಬ ಬಾಹುಗಳನ್ನು ಚಾಚುತ್ತಿದೆ. ಎಲ್ಲ ಜನಸಾಮಾನ್ಯರಲ್ಲಿ ಆತಂಕ ಸೃಷ್ಟಿ ಮಾಡಿದೆ. ನಿನ್ನೆಯಷ್ಟೇ ಕರ್ನಾಟಕದಲ್ಲೂ ಕೊರೊನಾ ವೈರಸ್ ಪತ್ತೆಯಾಗಿದೆ. ಇದು ರಾಜ್ಯದ ಜನರನ್ನು ಮತ್ತಷ್ಟು ಆತಂಕಕ್ಕೆ ನೂಕಿದೆ.
ಕೊರೊನಾ ವೈರಸ್ ಸೋಂಕಿತರ ಕಣ್ಣು, ಬಾಯಿ, ಮೂಗು, ಮತ್ತು ಸ್ಪರ್ಶದಿಂದ ಕೊರೊನಾ ಎಂಬ ಭೂತ ಹಬ್ಬುತ್ತದೆ. ಯಾರಾದರೂ ಸ್ನೇಹಿತರು, ಗಣ್ಯರು ಭೇಟಿಯಾದರೆ ಕೈ ಕುಲುಕಿ ಮಾತನಾಡುತ್ತಿದ ಜನ, ಕೊರೊನಾ ಬೀತಿಯಿಂದ ಕೈ ಜೋಡಿಸಿ ನಮಸ್ಕಾರ ಮಾಡುವ ಪರಿಪಾಠ ಬೆಳೆಸಿಕೊಳ್ಳುತ್ತಿದ್ದಾರೆ.
ಮೊಬೈಲ್ ನಲ್ಲಿದೆ ಅಪಾಯಕಾರಿ ವೈರಸ್
ಅಧುನಿಕ ಕಾಲದಲ್ಲಿ ಹೊಸ ಟ್ರೆಂಡ್ ನ ಗಾದೆ ಮಾತೊಂದು ಸೃಷ್ಟಿಯಾಗಿದೆ. “ಕಟ್ಟಿಕೊಂಡ ಹೆಂಡತಿಯನ್ನು ಬೀಡುತ್ತೇನೆ, ಮೊಬೈಲ್ ನ ಮಾತ್ರ ಬಿಡುವುದಿಲ್ಲ” ಎನ್ನುವಷ್ಟರ ಮಟ್ಟಿಗೆ ಜನ ಸಾಮಾನ್ಯರು ಮೊಬೈಲ್ ಬಳಕೆ ಮಾಡುತ್ತಾರೆ. ಕುಳಿತರು, ನಿಂತರು, ಮಲಗಿದರು, ಬೈಕ್ ನಲ್ಲಿ ಇದ್ದರು, ಬಾತ್ ರೂಮ್, ಟಾಯ್ಲೆಟ್ ನಲ್ಲೂ ಹೀಗೆ ಎಲ್ಲಾ ಕಡೆನೂ ಮೊಬೈಲ್ ಬಳಸುವಷ್ಟರ ಮಟ್ಟಿಗೆ, ಮೊಬೈಲ್ ಮಾನವ ಜೀವನದ ಅವಿಭಾಜ್ಯ ಅಂಗವಾಗಿದೆ. ಆದರೆ ಇದೆ ಮೊಬೈಲ್ ನಿಂದಾಗಿ ಭೂತದಂತಹ ಕೊರೊನಾ ವೈರಸ್ ಹರಡುವ ಸಾಧ್ಯತೆ ಇರುವುದು ಕಂಡರೆ ಎಲ್ಲರೂ ಬೆಚ್ಚಿ ಬೀಳುತ್ತಾರೆ.
ಹೌದು ಸ್ಮಾರ್ಟ್ ಪೋನ್ ಗಳಿಂದಲೂ ಕೊರೊನಾ ವೈರಸ್ ಹರಡುತ್ತದೆ ಎಂದು ಜರ್ನಲ್ ಆಫ್ ಹಾಸ್ಪಿಟಲ್ ಇನ್ಪೆಕ್ಷನ್ ತನ್ನ ಅಧ್ಯಯನದಲ್ಲಿ ತಿಳಿಸಿದೆ.
ಈ ಹಿಂದೆ, ದಿನ ನಿತ್ಯ ಬಳಕೆಯಲ್ಲಿರುವ ಮೊಬೈಲ್ ಸ್ಕ್ರೀನ್ ಮೇಲೆ ಆರು ಸಾವಿರಕ್ಕೂ ಅಧಿಕ ಬ್ಯಾಕ್ಟೀರಿಯಾಗಳು ಇರುತ್ತವೆ ಎಂಬದು ಅಧ್ಯಯನವೊಂದರ ಮೂಲಕ ದೃಢಪಟ್ಟಿತ್ತು. ಈಗ ಅದೆ ಮಾದರಿಯಲ್ಲಿ ಕೊರೊನಾ ವೈರಸ್ ಮೊಬೈಲ್ ಸ್ಕ್ರೀನ್ ಮೇಲೆ ಬಂದರೆ, ಒಂಬತ್ತು ದಿನಗಳ ಕಾಲ ಜೀವಿಸುವ ಶಕ್ತಿ ಹೊಂದಿದೆ ಎಂಬುದು ಅಧ್ಯಯನದಿಂದ ತಿಳಿದು ಬಂದಿದೆ. ಹಾಗಾಗಿ ಸಾರ್ವಜನಿಕರು ತಮ್ಮ ಕೈಗಳನ್ನು ಶುಭ್ರವಾಗಿ ಇಟ್ಟುಕೊಳ್ಳುವಂತೆ , ತಮ್ಮ ಮೊಬೈಲ್ ಗಳನ್ನು ಸ್ವಚ್ಛ ವಾಗಿ ಇರುವಂತೆ ನೋಡಿಕೊಳ್ಳಬೇಕು ಎಂದು ತಜ್ಞರು ಸಲಹೆ ನೀಡಿದ್ದಾರೆ.
