Mumbai : ಲೈವ್ ಸ್ಟ್ರೀಮ್ ಮಾಡ್ತಿದ್ದ ಕೊರಿಯನ್ ಯುವತಿಗೆ ಕಿರುಕುಳ ಕೊಟ್ಟ ಪುಡಾರಿಗಳು – Video ವೈರಲ್
ದಕ್ಷಿಣ ಕೊರಿಯಾದ ಯುವತಿ ( YOUTUBER ) ಮುಂಬೈನಲ್ಲಿ ಲೈವ್ ಸ್ಟ್ರೀಮ್ ನಡೆಸುತ್ತಿರುವಾಗಲೇ ಅವರ ಮೇಲೆ ಲೈವ್ ನಲ್ಲಿಯೇ ಪುಂಡ ಪೋಕರಿಗಳು ಕಿರುಕುಳ ನೀಡಿರುವಂತಹ ಆಘಾತಕಾರಿ ಘಟನೆ ನಡೆದಿದೆ..
ಈ ವಿಡಿಯೋ ವೈರಲ್ ಆಗ್ತಿದ್ದಂತೆ ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದರು.. ಇದೀಗ ಈ ಇಬ್ಬರನ್ನೂ ಪೊಲೀಸರು ಬಂಧಿಸಿದ್ದಾರೆ..
ಯುವತಿ ಲೈವ್ ಸ್ಟ್ರೀಮ್ ನಡೆಸುತ್ತಿದ್ದ ವೇಳೆ ಒಬ್ಬ ಆರೋಪಿ ಯುವತಿಯನ್ನು ಕೈ ಹಿಡಿದು ಎಳೆದೊಯ್ಯುವುದು ವೀಡಿಯೋದಲ್ಲಿ ಕಂಡುಬಂದಿದೆ. ಅಪರಿಚಿತ ವ್ಯಕ್ತಿಯೊಡನೆ ಆತ್ಮೀಯತೆಯಿಂದ ಮಾತನಾಡಿಸಲು ಕೊರಿಯನ್ ಯುವತಿ ತೆರಳಿದ್ದಾಗ ಇಂತಹದೊಂದು ಘಟನೆ ನಡೆದಿದೆ.
ಪುಂಡನೊಬ್ಬ ಯುವತಿಗೆ ಆತನ ಗೆಳೆಯನೊಬ್ಬನ ಬೈಕಿನಲ್ಲಿ ಕುಳಿತುಕೊಳ್ಳುವಂತೆ ಒತ್ತಾಯಿಸಿ, ಆತ ನಿನಗೆ ಡ್ರಾಪ್ ನೀಡುತ್ತಾನೆ ಎಂದು ಹೇಳಿದ್ದಾನೆ. ಇದನ್ನು ಯುವತಿ ನಿರಾಕರಿಸಿದ್ದಾಳೆ. ಬಳಿಕ ಆತ ಯುವತಿಗೆ ಮುತ್ತಿಕ್ಕಲೂ ಪ್ರಯತ್ನಿಸಿದ್ದಾನೆ. ಇದರಿಂದ ಗಾಬರಿಗೊಂಡ ಯುವತಿ ಮನೆಗೆ ಹೋಗುವುದಾಗಿ ಹೇಳಿ ಅಲ್ಲಿಂದ ಹೊರಟು ಬಂದಿದ್ದಾರೆ..
ಆದರೂ ಆ ಇಬ್ಬರೂ ಪುಡಾರಿಗಳೂ ಆಕೆಯನ್ನು ಬೈಕಿನಲ್ಲಿ ಹಿಂಬಾಲಿಸಿದ್ದಾರೆ. ಆದ್ರೆ ಯುವತಿ ಗಾಬರಿಯಲ್ಲೇ ತಾನು ಹೋಗುವೆ ಇಲ್ಲೇ ಮನೆಯಿದೆ ಎಂದು ಹೇಳಿದ ನಂತರ ಆ ಇಬ್ಬರೂ ಅಲ್ಲಿಂದ ಹೋಗಿದ್ದಾರೆ..
ನಂತರ ೀ ಕರಾಳ ಅನುಭವವನ್ನ ಟ್ವಿಟ್ಟರ್ ನಲ್ಲಿ ಯುವತಿ ಹಂಚಿಕೊಂಡಿದ್ದಾಳೆ.. ಕಳೆದ ರಾತ್ರಿ ನನಗೆ ಒಬ್ಬ ಕಿರುಕುಳ ನೀಡಿದ್ದಾನೆ. ಆತ ತನ್ನ ಇನ್ನೊಬ್ಬ ಗೆಳೆಯನೊಂದಿಗೆ ಇದ್ದಿದ್ದರಿಂದ ನಾನು ಅಲ್ಲಿಂದ ತಪ್ಪಿಸಿಕೊಳ್ಳಲು ನನ್ನ ಕೈಲಾದಷ್ಟು ಪ್ರಯತ್ನಿಸಿದ್ದೇನೆ.
ನಾನು ಅಪರಿಚಿತರೊಂದಿಗೆ ಆತ್ಮೀಯತೆಯಿಂದ ಮಾತನಾಡಿದ್ದರಿಂದಲೇ ಹೀಗೆಲ್ಲಾ ಆಗಿದೆ ಎಂದು ಕೆಲವರು ತಿಳಿಸಿದ್ದಾರೆ. ಈ ಘಟನೆಯ ಬಳಿಕ ನಾನು ಮುಂದೆಯೂ ಸ್ಟ್ರೀಮಿಂಗ್ ಮಾಡಬೇಕೇ ಎಂಬ ಬಗ್ಗೆ ಯೋಚನೆ ಮಾಡುವಂತಾಗಿದೆ ಎಂದು ಯುವತಿ ಹೇಳಿಕೊಂಡಿದ್ಧಾರೆ.
ವಿಡಿಯೋ ವೈರಲ್ ಆಗ್ತಿದ್ದಂತೆ , ಮುಂಬೈ ಪೊಲೀಸರು ಸ್ವಯಂಪ್ರೇರಿತವಾಗಿ ಲೈಂಗಿಕ ದೌರ್ಜನ್ಯ ಪ್ರಕರಣ ದಾಖಲಿಸಿಕೊಂಡಿದ್ದು ಪುಡಾರಿಗಳನ್ನ ಬಂಧಿಸಿದ್ದಾರೆ..
korean girl harassed in mumbai
@MumbaiPolice A streamer from Korea was harassed by these boys in Khar last night while she was live streaming in front of a 1000+ people. This is disgusting and some action needs to be taken against them. This cannot go unpunished. pic.twitter.com/WuUEzfxTju
— Aditya (@Beaver_R6) November 30, 2022
