ಮಹಿಳೆಯರಿಗೆ ಭರ್ಜರಿ ಗುಡ್ ನ್ಯೂಸ್ – NDA ಪ್ರವೇಶಿಸಲು ಮಹಿಳೆಯರಿಗೆ ಅವಕಾಶ

1 min read

ಮಹಿಳೆಯರಿಗೆ ಭರ್ಜರಿ ಗುಡ್ ನ್ಯೂಸ್ – NDA ಪ್ರವೇಶಿಸಲು ಮಹಿಳೆಯರಿಗೆ ಅವಕಾಶ

ಕೇಂದ್ರ ಸರ್ಕಾರವು ಮಹಿಳೆಯರಿಗೆ ಭರ್ಜರಿ ಗುಡ್ ನ್ಯೂಸ್ ನೀಡಿದೆ. ರಾಷ್ಟ್ರೀಯ ರಕ್ಷಣಾ ಅಕಾಡೆಮಿಗೆ (NDA) ಮಹಿಳಾ ಪ್ರವೇಶವನ್ನು ಅನುಮತಿಸುವ ನಿರ್ಧಾರವನ್ನು ತೆಗೆದುಕೊಂಡಿಎರುವುದಾಗಗಿ ಸುಪ್ರೀಂ ಕೋರ್ಟ್ ಗೆ ತಿಳಿಸಿದೆ. ಇದುವರೆಗೆ ಸಶಸ್ತ್ರ ಪಡೆಗಳ ನೇಮಕಾತಿಗಾಗಿ ಪುರುಷ ಭದ್ರಕೋಟೆಯಾಗಿದೆ. ಇನ್ನೂ ಮೂರೂ ಸೇವೆಗಳ ಮುಖ್ಯಸ್ಥರು , ಭಾರತೀಯ ಮಹಿಳಾ ರಕ್ಷಣಾ ಸಿಬ್ಬಂದಿಗೆ ಶಾಶ್ವತ ಆಯೋಗವನ್ನು ನೀಡಲು ಹಾಗೂ NDA ಪ್ರವೇಶಿಸಲು ಅನುಮತಿ ನೀಡಿರುವುದಾಗಿ ಕೇಂದ್ರ ತಿಳಿಸಿದೆ.

ಈ ನಿರ್ಧಾರವು ಕಾಗದದ ರೂಪದಲ್ಲಿ ಔಪಚಾರಿಕವಾಗಿ ಪ್ರಕಟವಾದಲ್ಲಿ 12 ನೇ ತರಗತಿ ಪಾಸಾದ ನಂತರದಲ್ಲಿ ಮಹಿಳೆಯರು ತಕ್ಷಣವೇ ಸಶಸ್ತ್ರ ಪಡೆಗಳಲ್ಲಿ ವೃತ್ತಿಗೆ ಸೇರಿಕೊಳ್ಳಬಬಹುದಾಗಿದೆ. ಅತ್ಯುನ್ನತ ಮಟ್ಟದಲ್ಲಿ ಪಡೆಗಳು ಮತ್ತು ಸರ್ಕಾರವು ರಾಷ್ಟ್ರೀಯ ರಕ್ಷಣಾ ಅಕಾಡೆಮಿ ಮೂಲಕ ಮಹಿಳೆಯರನ್ನು ಶಾಶ್ವತ ಆಯೋಗಕ್ಕೆ ಸೇರಿಸಿಕೊಳ್ಳುವ ನಿರ್ಧಾರವನ್ನು ತೆಗೆದುಕೊಂಡಿದೆ ಎಂದು ಹೆಚ್ಚುವರಿ ಸಾಲಿಸಿಟರ್ ಜನರಲ್ ಐಶ್ವರ್ಯ ಭಾಟಿ ನ್ಯಾಯಮೂರ್ತಿಗಳಾದ ಸಂಜಯ್ ಕಿಶನ್ ಕೌಲ್ ಮತ್ತು ಎಂಎಂ ನೇತೃತ್ವದ ಪೀಠಕ್ಕೆ ತಿಳಿಸಿದರು.

ಮುಂದಿನ ವಿಚಾರಣೆಯ ದಿನಾಂಕವಾದ ಸೆಪ್ಟೆಂಬರ್ 22 ರೊಳಗೆ ಈ ಕುರಿತು ಅಫಿಡವಿಟ್ ಸಲ್ಲಿಸುವಂತೆ ಪೀಠವು ಸರ್ಕಾರವನ್ನು ಕೇಳಿದೆ. ಸಶಸ್ತ್ರ ಪಡೆಗಳು ಗೌರವಾನ್ವಿತ ಸಂಸ್ಥೆ ಎಂದು ಅದು ಹೇಳಿದೆ, ಆದರೆ ಲಿಂಗ ಸಮಾನತೆಗೆ ಸಂಬಂಧಿಸಿದಂತೆ ಹೆಚ್ಚು ಪ್ರಾತಿನಿಧ್ಯ ನೀಡಬೇಕು. ಅಲ್ಲದೇ ಈ ಕುರಿತಾಗಿ ಕೆಲಸ ಮಾಡುವಂತೆ ಅಧಿಕಾರಿಗಳ ಮೇಲೆ ಒತ್ತಡ ಹೇರುವುದು ಖುಷಿ ವಿಚಾರ ಅಲ್ಲ.. ಈ ಬಗ್ಗೆ ಅಧಿಕಾರಿಗಳೇ ಖುದ್ದು ಜವಾಬ್ದಾರಿ ತೆಗೆದುಕೊಂಡು ಕಾರ್ಯ ನಿರ್ವಹಿಸಬೇಕು ಎಂದಿದ್ದಾರೆ.

ಸಶಸ್ತ್ರ ಪಡೆಗಳಲ್ಲಿ ಕಾರ್ಯ ನಿರ್ವಹಿಸುವ ಆಸಕ್ತಿ ಹೊಂದಿರುವ ಮಹಿಳೆಯರ ಪರವಾಗಿ ಸಕ್ರಿಯ ಕ್ರಮಗಳನ್ನು ತೆಗೆದುಕೊಂಡಿದ್ದಕ್ಕಾಗಿ ಭಾಟಿಯರನ್ನು ನ್ಯಾಯಾಲಯವು ಪ್ರಶಂಸಿಸಿದೆ. ಪ್ರಸ್ತುತ ಶೈಕ್ಷಣಿಕ ವರ್ಷದಲ್ಲಿ ಎನ್‌ಡಿಎಗೆ ಪ್ರವೇಶದ ಬಗ್ಗೆ ಯಥಾಸ್ಥಿತಿ ಕಾಯ್ದುಕೊಳ್ಳುವಂತೆ ಭಾಟಿ ನ್ಯಾಯಾಲಯವನ್ನು ಕೇಳಿಕೊಂಡಿದ್ದಾರೆ. ಮೂಲತಃ ಸೆಪ್ಟೆಂಬರ್ 5 ಕ್ಕೆ ನಿಗದಿಯಾಗಿದ್ದ ಎನ್ ಡಿಎ ಪರೀಕ್ಷೆಯನ್ನು ನವೆಂಬರ್ ಗೆ ಮುಂದೂಡಲಾಗಿದೆ ಎಂದು ಕಾನೂನು ಅಧಿಕಾರಿ ತಿಳಿಸಿದ್ದಾರೆ.

“ಈ ಪರೀಕ್ಷೆ ಯಥಾಸ್ಥಿತಿಯಲ್ಲೇ ನಡೆಯಲಿರುವುದನ್ನ ಪರಿಗಣಿಸಿ ಮತ್ತು ಅದನ್ನು ಮುಂದುವರಿಸಲು ಬಿಡಿ, ಏಕೆಂದರೆ ಇದಕ್ಕೆ ನೀತಿ, ಕಾರ್ಯವಿಧಾನ, ತರಬೇತಿ ಮತ್ತು ಮೂಲಸೌಕರ್ಯ ಬದಲಾವಣೆಗಳು ಬೇಕಾಗುತ್ತವೆ ಎಂದು ತಿಳಿಸಿದ್ದಾರೆ. ಆಗಸ್ಟ್ 18 ರಂದು, ನ್ಯಾಯಾಲಯವು ಮಧ್ಯಂತರ ಆದೇಶವನ್ನು ಹೊರಡಿಸಿ ಮಹಿಳಾ ಅಭ್ಯರ್ಥಿಗಳಿಗೆ ಎನ್ಡಿಎ ಪರೀಕ್ಷೆಯನ್ನು ತೆಗೆದುಕೊಳ್ಳಲು ಅವಕಾಶ ನೀಡಿತು. ನಂತರ ಅದನ್ನು ಸೆಪ್ಟೆಂಬರ್ 5 ರಂದು ನಿಗದಿಪಡಿಸಲಾಗಿತ್ತು.
ಸಶಸ್ತ್ರ ಪಡೆಗಳಲ್ಲಿ ಸಹ-ಶಿಕ್ಷಣ ಏಕೆ ಸಮಸ್ಯೆ ಎಂದು ನ್ಯಾಯಾಲಯವು ಪ್ರಶ್ನಿಸಿತ್ತು.

ಸರ್ವೋಚ್ಚ ನ್ಯಾಯಾಲಯವು ಸೈನ್ಯದಲ್ಲಿ ಮಹಿಳೆಯರಿಗಾಗಿ ಕಾಯಂ ಆಯೋಗಕ್ಕೆ ನಿರ್ದೇಶನ ನೀಡಿದ ನಂತರವೂ ಮಹಿಳೆಯರಿಗೆ NDA ಪರೀಕ್ಷೆಗೆ ಹಾಜರಾಗಲು ಅವಕಾಶ ನೀಡದಿರುವುದು “ಅಸಂಬದ್ಧ” ಎಂದು ನ್ಯಾಯಾಲಯ ಮೌಖಿಕವಾಗಿ ಗಮನಿಸಿದೆ. ಭಾರತೀಯ ಸೇನೆಯ ಮಹಿಳಾ ಅಧಿಕಾರಿಗಳು ಪಡೆಗೆ ಉತ್ತಮ ಪ್ರಶಂಸೆಯನ್ನ ತಂದಿದ್ದಾರೆ.

ರಾಷ್ಟ್ರಕ್ಕೆ ಅವರ ಸೇವೆಯ ದಾಖಲೆಯು ವರ್ಣಗೆ ಮೀರಿದ್ದು. ಲಿಂಗದ ಆಧಾರದ ಮೇಲೆ ಅವರ ಸಾಮರ್ಥ್ಯದ ಮೇಲೆ ನಿರ್ಧಾರ ತೆಗೆದುಕೊಳ್ಳುವುದು ಮಹಿಳೆಯರಾಗಿ ಅವರ ಘನತೆಗೆ ಮಾತ್ರವಲ್ಲದೆ ಭಾರತೀಯ ಸೇನೆಯ ಸದಸ್ಯರಿಗೆ – ಪುರುಷರು ಮತ್ತು ಮಹಿಳೆಯರಿಗೆ ಸಮಾನವಾದ ನಾಗರಿಕರಾಗಿ ಸೇವೆ ಸಲ್ಲಿಸುವ ಘನತೆಗೆ ಧಕ್ಕೆ ತರುತ್ತದೆ. ಸೇನೆಯಲ್ಲಿ ಮಹಿಳಾ ಅಧಿಕಾರಿಗಳು ಪುರುಷ ಪ್ರಾಬಲ್ಯದ ಸ್ಥಾಪನೆಗೆ ಸಹಾಯಕವಲ್ಲ ಎಂಬುದನ್ನು ಅರಿತುಕೊಳ್ಳುವ ಸಮಯ ಬಂದಿದೆ, ಅವರ ಉಪಸ್ಥಿತಿಯನ್ನು ಸಂಕುಚಿತ ಮಿತಿಗಳಲ್ಲಿ ‘ಸಹಿಸಿಕೊಳ್ಳಬೇಕು’ ಎಂದು ಸೇನಾ ಪ್ರಕರಣದಲ್ಲಿ 54 ಪುಟಗಳ ತೀರ್ಪಿನಲ್ಲಿ ನ್ಯಾಯಮೂರ್ತಿ ಚಂದ್ರಚೂಡ್ ಗಮನಿಸಿದ್ದರು.

Leave a Reply

Your email address will not be published. Required fields are marked *

YOU MUST READ

Copyright © All rights reserved | SaakshaTV | JustInit DigiTech Pvt Ltd