2026ರ ಫಿಫಾ ವಿಶ್ವಕಪ್ನ ಅಡಿಡಾಸ್ ಟ್ರಿಯೋಂಡಾ ಚೆಂಡಿನ ವಿಶೇಷತೆಗಳೇನು..?
ಫಿಫಾ ವಿಶ್ವಕಪ್.. ಇದು ಪ್ರತಿ ನಾಲ್ಕು ವರ್ಷಗಳಿಗೆ ಒಮ್ಮೆ ನಡೆಯುವ ಕಾಲ್ಚೆಂಡಿನ ಮಹಾಕುಂಭಮೇಳ. ವಿಶ್ವ ಕ್ರೀಡಾಲೋಕದಲ್ಲಿ ಕಣ್ಮನ ಸೆಳೆಯುವ ಆತ್ಯಾಧುನಿಕ ಮಾದರಿಯ ಐತಿಹಾಸಿಕ ಕ್ರೀಡಾಜಾತ್ರೆ. 48 ರಾಷ್ಟ್ರಗಳ ನಡುವೆ ನಡೆಯುವ 104 ಪಂದ್ಯಗಳ ಮಹೊನ್ನತ ಸ್ಪರ್ಧೆ. ನವ ರಸಗಳ ಶೃಂಗಾರ ಕಾವ್ಯದಂತೆ ತುದಿಗಾಲಿನಲ್ಲಿ ನಿಂತು ರೋಮಾಂಚನಗೊಳಿಸುವ ತಾಕತ್ತು ಈ ಪಂದ್ಯಗಳಿಗಿದೆ.
ಹೌದು, ಫುಟ್ಬಾಲ್ ಆಟ ಅಂದ್ರೆ ಅದು ಚಕ್ರವ್ಯೂಹದಂತೆ. ರಕ್ಷಣಾಗೋಡೆಗಳನ್ನು ಭೇದಿಸಿ ಎದುರಾಳಿಗಳ ಕೋಟೆಯನ್ನು ಧ್ವಂಸಗೊಳಿಸುವ ಪರಿಯೇ ಅತ್ಯದ್ಭುತ. ತಂಡಗಳ ರಣತಂತ್ರ. ಆಟಗಾರರ ಚಾಕಚಕ್ಯತೆ, ಶರವೇಗದಲ್ಲಿ ನಡೆಯುವ 22 ಆಟಗಾರರ ಹೋರಾಟವನ್ನು ನೋಡುವುದೇ ಕಣ್ಣಿಗೆ ಹಬ್ಬ. ಇನ್ನು ಬೇಟೆಗಾರರನ್ನೇ ಬೇಟೆಯಾಡುವ ರಣ ಬೇಟೆಗಾರರ ರೌದ್ರಾವತರಕ್ಕೆ ಪ್ರೇಕ್ಷಕರ ಜಯ ಘೋಷಗಳು ಭೋರ್ಗರೆಯುವ ನದಿಯಂತೆ ಕ್ರೀಡಾಂಗಣದ ಮೂಲೆ ಮೂಲೆಗಳಲ್ಲೂ ಪ್ರತಿಧ್ವನಿಸುತ್ತವೆ.
ಮಿಂಚಿನ ವೇಗ. ಚೆಂಡಿನ ಜೊತೆ ನಡೆಸುವ ಸರಸ -ವಿರಸ. ಜಾದೂಗಾರರನ್ನು ಬೆರಗುಗೊಳಿಸುವ ಚಲನವಲನ. ಆಕ್ರಮಣಕಾರಿ ಪ್ರವೃತ್ತಿ. ಸೋಲಿನ ಪರಿವೇ ಇಲ್ಲದೆ ಗೆಲುವಿನತ್ತ ಮುನ್ನುಗ್ಗುವ ಎದೆಗಾರಿಕೆ. ಬುದ್ಧಿವಂತಿಕೆಯ ನಡೆ. ಆಟದ ಕೌಶಲ್ಯಗಳ ಜೊತೆಗೆ ತಂತ್ರಜ್ಞಾನದ ಬಳಕೆ. ಹೀಗೆ ಒಬ್ಬ ಫುಟ್ಬಾಲ್ ಆಟಗಾರ ದೈಹಿಕ, ಮಾನಸಿಕವಾಗಿ ಬಲಿಷ್ಠವಾಗುವುದರ ಜೊತೆಗೆ ಆಟದ ಆಧುನಿಕ ಟೆಕ್ನಾಲಾಜಿಯನ್ನು ಮೈಗೂಡಿಸಿಕೊಳ್ಳಲೇಬೇಕಾದ ಅನಿವಾರ್ಯತೆ ಇದೆ.
ಯಾಕಂದ್ರೆ ಇವತ್ತು ಫುಟ್ಬಾಲ್ ಅಂದ್ರೆ ಮಾಮೂಲಿ ಚೆಂಡು ಅಲ್ಲ. ಇದು ಕೃತಕ ಬುದ್ಧಿಮತ್ತೆ (ಎಐ) ಮತ್ತು ಸೆನ್ಸಾರ್ ತಂತ್ರಜ್ಞಾನದಿಂದ ಸಮ್ಮೀಲನಗೊಂಡಿರುವ ವಿಸ್ಮಯಕಾರಿ ಕಾಲ್ಚೆಂಡು. ಕಾಲ ಬದಲಾದಂತೆ ಆಟದ ಶೈಲಿ ಮಾತ್ರವಲ್ಲ. ಆಟದ ಪರಿಕರಗಳು ಬದಲಾಗುವುದು ಸಹಜ. ಆದ್ರೆ ಇತ್ತೀಚಿನ ವರ್ಷಗಳಲ್ಲಿ ಆಟದ ಜೊತೆ ಕ್ರೀಡಾಪರಿಕರಗಳು ಸಹ ಡಿಜಿಟಲೀಕರಣಗೊಂಡಿವೆ. 2022ರ ಕತಾರ್ ವಿಶ್ವಕಪ್ನ ಅಡಿಡಾಸ್ ಆಲ್ ರಿಹ್ಲಾ ಚೆಂಡು ಮತ್ತು 2026ರ ಫಿಫಾ ವಿಶ್ವಕಪ್ನ ಅಡಿಡಾಸ್ ಟ್ರಿಯೋಂಡಾ ಚೆಂಡುಗಳು ಹೈಟೆಕ್ ಸ್ಪರ್ಶವನ್ನು ಪಡೆದುಕೊಂಡಿವೆ.
ಅಂದ ಹಾಗೇ, 2026ರ ಫಿಫಾ ವಿಶ್ವಕಪ್ ಟೂರ್ನಿಯನ್ನು ಅಮೆರಿಕಾ, ಕೆನಡಾ ಮತ್ತು ಮೆಕ್ಸಿಕೊ ದೇಶಗಳು ಜಂಟಿಯಾಗಿ ಸಂಘಟಿಸುತ್ತಿವೆ. ಟೂರ್ನಿಯ ಅಧಿಕೃತ ಚೆಂಡಿನ ಹೆಸರು ಅಡಿಡಾಸ್ ಟ್ರಿಯೋಂಡಾ. ಟ್ರಿಯೋಂಡಾ ಅಂದ್ರೆ ಮೂರು ಅಲೆಗಳು ಎಂಬ ಅರ್ಥ ಬರುತ್ತದೆ. ಅಮೆರಿಕಾ, ಮೆಕ್ಸಿಕೋ ಮತ್ತು ಕೆನಡಾ ದೇಶಗಳ ನೀಲಿ, ಕೆಂಪು ಮತ್ತು ಹಸಿರು ಬಣ್ಣಗಳನ್ನು ಈ ಚೆಂಡಿನ ಮೇಲೆ ಕಾಣಬಹುದು. ಹಾಗೇ ಅಮೆರಿಕಾದ ನಕ್ಷತ್ರ, ಕೆನಡಾದ ಮೇಪಲ್ ಎಲೆ ಮತ್ತು ಮೆಕ್ಸಿಕೋ ಹದ್ದಿನ ಚಿಹ್ನೆಗಳಿವೆ. ನಾಲ್ಕು ಪ್ಯಾನಲ್ಗಳಲ್ಲಿ ವಿನ್ಯಾಸಗೊಂಡಿರುವ ಈ ಚೆಂಡಿನ ವಿಶೇಷತೆ. ಅಲ್ಲದೆ ಇದು ಸ್ಥಿರವಾಗಿ ಮತ್ತು ನೇರವಾಗಿ ಚಲಿಸಲು ಸಹಾಯ ಮಾಡುತ್ತದೆ.
2022ರ ಕನೆಕ್ಟೆಡ್ ಬಾಲ್ ಟೆಕ್ನಾಲಾಜಿಯಂತೆ ಅಡಿಡಾಸ್ ಟ್ರಿಯೋಂಡಾ ಚೆಂಡಿನೊಳಗೆ 500 ಎಚ್ ಝೆಡ್ ಮೋಷನ್ ಸೆನ್ಸಾರ್ ಚಿಪ್ ಇದೆ. ಇದು ಒಂದು ಸೆಕೆಂಡಿಗೆ 500 ಬಾರಿ ಚೆಂಡಿನ ಚಲನೆಯನ್ನು ರೆಕಾರ್ಡ್ ಮಾಡುವ ಶರವೇಗದ ಡಿಜಿಟಲ್ ಸಾಧನವಾಗಿದೆ. ಹಾಗೇ, ಇದು ಚೆಂಡಿನ ವೇಗ, ಆಟಗಾರ ಎಷ್ಟು ವೇಗವಾಗಿ ಚೆಂಡನ್ನು ಕಿಕ್ ಮಾಡುತ್ತಾನೆ, ಪ್ರತಿ ಕ್ಷಣಗಳ ಚೆಂಡಿನ ಚಲನವಲನಗಳನ್ನು ನಿಖರವಾಗಿ ಪತ್ತೆ ಮಾಡಲು ನೆರವಾಗುತ್ತದೆ. ಹಾಗೇ, ವಿಡಿಯೋ ಅಸಿಸ್ಟೆಂಟ್ ರೆಫರಿಯ ನಿರ್ಧಾರಗಳಿಗೂ ಸಹಾಯ ಮಾಡುತ್ತದೆ. ಮ್ಯಾಚ್ ರೆಫ್ರಿಗಳ ಒತ್ತಡವನ್ನು ಕಡಿಮೆ ಮಾಡುತ್ತದೆ. ಕೋಚ್ಗಳಿಗೆ ಎಲ್ಲಿ ಎಡವಿದ್ದೇವೆ ಎಂಬುದನ್ನು ಕೂಡ ಪತ್ತೆ ಮಾಡಲು ಈ ತಂತ್ರಜ್ಞಾನದಿಂದ ಸಾಧ್ಯವಾಗುತ್ತದೆ.
ಅಂದ ಹಾಗೇ 500 ಎಚ್ ಝೆಡ್ ಮೋಷನ್ ಸೆನ್ಸಾರ್ ಚಿಪ್ ಅನ್ನು ಚೆಂಡಿನ ಮಧ್ಯ ಭಾಗದಲ್ಲಿ ಸಸ್ಪೆನ್ಷನ್ ಸಿಸ್ಟಮ್ ಬಳಸಿ ಅಳವಡಿಸಲಾಗಿದೆ. ಇದು ಮೈದಾನದಲ್ಲಿರುವ 12 ವಿಶೇಷ ಟ್ರ್ಯಾಕಿಂಗ್ ಕ್ಯಾಮೆರಾಗಳ ಜೊತೆ ಏಕಕಾಲದಲ್ಲಿ ಕೆಲಸ ಮಾಡುತ್ತದೆ. ಹೀಗಾಗಿ ಆಟಗಾರರ ಮತ್ತು ಚೆಂಡಿನ ಚಲನವಲನಗಳನ್ನು ಎರಡು ಮೂರು ಸೆಕೆಂಡ್ಗಳಲ್ಲಿ ನಿರ್ಧಾರ ಮಾಡಲು ಸಾಧ್ಯವಾಗುತ್ತದೆ.
ಇನ್ನು ಈ ಚೆಂಡನ್ನು ಸ್ಮಾರ್ಟ್ ಫೋನ್ಗಳನ್ನು ಚಾರ್ಜ್ ಮಾಡುವಂತೆ ವೈರ್ಲೆಸ್ ಇಂಡಕ್ಷನ್ ತಂತ್ರಜ್ಞಾನದ ಮೂಲಕ ಜಾರ್ಜ್ ಮಾಡಲಾಗುತ್ತದೆ. ಒಂದು ಬಾರಿ ಪೂರ್ತಿ ಚಾರ್ಜ್ ಮಾಡಿದ್ರೆ ಸತತ 6 ಗಂಟೆಗಳ ತನಕ ಯಾವ ಸಮಸ್ಯೆಯೂ ಇರುವುದಿಲ್ಲ. ಹೀಗಾಗಿ ಪಂದ್ಯ ಮುಗಿಯುವ ತನಕ ಬ್ಯಾಟರಿ ಖಾಲಿ ಆಗುತ್ತೆ ಅನ್ನೋ ಭಯವಿರಲ್ಲ. ಇನ್ನು ಚೆಂಡನ್ನು ಬಳಸದೇ ಇದ್ರೂ ಬ್ಯಾಟರಿ ಬ್ಯಾಕ್ ಅಪ್ 18 ದಿನಗಳ ಕಾಲ ಇರುತ್ತದೆ.
ಕಾಲಚಕ್ರ ಉರುಳಿದಂತೆ ಕಾಲ್ಚೆಂಡಿನ ಕಥೆಯೂ ಬದಲಾಗಿದೆ. 96 ವರ್ಷಗಳ ಹಿಂದೆ ದನದ ಚರ್ಮದಿಂದ ತಯಾರಾದ ಒರಟು ಟಿ ಪ್ಯಾನಲ್ ಮಾದರಿಯ ಚೆಂಡಿನಿಂದ ಹಿಡಿದು ಇಂದಿನ ಅಲ್ಟ್ರಾ ಮಾರ್ಡನ್ ಡಿಜಿಟಲ್ ಚೆಂಡಿನ ತನಕ ಫಿಫಾ ವಿಶ್ವಕಪ್ನ ಚೆಂಡುಗಳು ಹಲವು ವಿನ್ಯಾಸ ಹಾಗೂ ತಂತ್ರಜ್ಞಾನಗಳ ಮೂಲಕ ಫುಟ್ಬಾಲ್ ಆಟಕ್ಕೆ ಮೆರಗು ನೀಡಿದೆ.
ಒಟ್ಟಿನಲ್ಲಿ ಫಿಫಾ ವಿಶ್ವಕಪ್ ಅಂದ್ರೆ ಬರೀ ತಂಡಗಳ ನಡುವಿನ ಸ್ಪರ್ಧೆ, ಆಟಗಾರರ ಶಕ್ತಿ – ಸಾಮಥ್ರ್ಯದ ಪರೀಕ್ಷೆಯಲ್ಲ. ಇದು ಮನುಷ್ಯನ ಬುದ್ಧಿವಂತಿಕೆ ಮತ್ತು ಅತ್ಯಾಧುನಿಕ ತಂತ್ರಜ್ಞಾನದ ಜುಗುಲ್ಬಂದಿ.
ಸನತ್ ರೈ
(1930ರ ಉರುಗ್ವೆ ವಿಶ್ವಕಪ್ನಿಂದ ಹಿಡಿದು ಇಲ್ಲಿಯ ತನಕ ಕಾಲ್ಚೆಂಡಿನಲ್ಲಿ ನಾನಾ ಬದಲಾವಣೆಗಳು ಆಗಿವೆ. ಪ್ರತಿ ಟೂರ್ನಿಗೂ ವಿಭಿನ್ನ ವಿನ್ಯಾಸದಲ್ಲಿ ಫಿಫಾ ಫುಟ್ಬಾಲ್ ಚೆಂಡುಗಳನ್ನು ತಯಾರು ಮಾಡಲಾಗುತ್ತಿತ್ತು. 1930ರ ದನದÀÀ ಚರ್ಮದಿಂದ ಸಿದ್ಧಗೊಂಡಿದ್ದ ಟಿ ಪ್ಯಾನಲ್ ಮಾದರಿಯ ಚೆಂಡಿನಿಂದ ಹಿಡಿದು 2018ರ ಹೈಟೆಕ್ ಚೆಂಡಿನ ತನಕ ಫಿಫಾ ವಿಶ್ವಕಪ್ನ ಚೆಂಡುಗಳು ಹಲವು ವಿಶೇಷತೆಗಳನ್ನು ಪಡೆದುಕೊಂಡಿವೆ. ಈ ಬಗ್ಗೆ ಸಂಪೂರ್ಣ ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ. )
ಫಿಫಾ ವಿಶ್ವಕಪ್.. ಇದು ಪ್ರತಿ ನಾಲ್ಕು ವರ್ಷಗಳಿಗೆ ಒಮ್ಮೆ ನಡೆಯುವ ಕಾಲ್ಚೆಂಡಿನ ಮಹಾಕುಂಭಮೇಳ. ವಿಶ್ವ ಕ್ರೀಡಾಲೋಕದಲ್ಲಿ ಕಣ್ಮನ ಸೆಳೆಯುವ ಆತ್ಯಾಧುನಿಕ ಮಾದರಿಯ ಐತಿಹಾಸಿಕ ಕ್ರೀಡಾಜಾತ್ರೆ. 48 ರಾಷ್ಟ್ರಗಳ ನಡುವೆ ನಡೆಯುವ 104 ಪಂದ್ಯಗಳ ಮಹೊನ್ನತ ಸ್ಪರ್ಧೆ. ನವ ರಸಗಳ ಶೃಂಗಾರ ಕಾವ್ಯದಂತೆ ತುದಿಗಾಲಿನಲ್ಲಿ ನಿಂತು ರೋಮಾಂಚನಗೊಳಿಸುವ ತಾಕತ್ತು ಈ ಪಂದ್ಯಗಳಿಗಿದೆ.
ಹೌದು, ಫುಟ್ಬಾಲ್ ಆಟ ಅಂದ್ರೆ ಅದು ಚಕ್ರವ್ಯೂಹದಂತೆ. ರಕ್ಷಣಾಗೋಡೆಗಳನ್ನು ಭೇದಿಸಿ ಎದುರಾಳಿಗಳ ಕೋಟೆಯನ್ನು ಧ್ವಂಸಗೊಳಿಸುವ ಪರಿಯೇ ಅತ್ಯದ್ಭುತ. ತಂಡಗಳ ರಣತಂತ್ರ. ಆಟಗಾರರ ಚಾಕಚಕ್ಯತೆ, ಶರವೇಗದಲ್ಲಿ ನಡೆಯುವ 22 ಆಟಗಾರರ ಹೋರಾಟವನ್ನು ನೋಡುವುದೇ ಕಣ್ಣಿಗೆ ಹಬ್ಬ. ಇನ್ನು ಬೇಟೆಗಾರರನ್ನೇ ಬೇಟೆಯಾಡುವ ರಣ ಬೇಟೆಗಾರರ ರೌದ್ರಾವತರಕ್ಕೆ ಪ್ರೇಕ್ಷಕರ ಜಯ ಘೋಷಗಳು ಭೋರ್ಗರೆಯುವ ನದಿಯಂತೆ ಕ್ರೀಡಾಂಗಣದ ಮೂಲೆ ಮೂಲೆಗಳಲ್ಲೂ ಪ್ರತಿಧ್ವನಿಸುತ್ತವೆ.
ಮಿಂಚಿನ ವೇಗ. ಚೆಂಡಿನ ಜೊತೆ ನಡೆಸುವ ಸರಸ -ವಿರಸ. ಜಾದೂಗಾರರನ್ನು ಬೆರಗುಗೊಳಿಸುವ ಚಲನವಲನ. ಆಕ್ರಮಣಕಾರಿ ಪ್ರವೃತ್ತಿ. ಸೋಲಿನ ಪರಿವೇ ಇಲ್ಲದೆ ಗೆಲುವಿನತ್ತ ಮುನ್ನುಗ್ಗುವ ಎದೆಗಾರಿಕೆ. ಬುದ್ಧಿವಂತಿಕೆಯ ನಡೆ. ಆಟದ ಕೌಶಲ್ಯಗಳ ಜೊತೆಗೆ ತಂತ್ರಜ್ಞಾನದ ಬಳಕೆ. ಹೀಗೆ ಒಬ್ಬ ಫುಟ್ಬಾಲ್ ಆಟಗಾರ ದೈಹಿಕ, ಮಾನಸಿಕವಾಗಿ ಬಲಿಷ್ಠವಾಗುವುದರ ಜೊತೆಗೆ ಆಟದ ಆಧುನಿಕ ಟೆಕ್ನಾಲಾಜಿಯನ್ನು ಮೈಗೂಡಿಸಿಕೊಳ್ಳಲೇಬೇಕಾದ ಅನಿವಾರ್ಯತೆ ಇದೆ.
ಯಾಕಂದ್ರೆ ಇವತ್ತು ಫುಟ್ಬಾಲ್ ಅಂದ್ರೆ ಮಾಮೂಲಿ ಚೆಂಡು ಅಲ್ಲ. ಇದು ಕೃತಕ ಬುದ್ಧಿಮತ್ತೆ (ಎಐ) ಮತ್ತು ಸೆನ್ಸಾರ್ ತಂತ್ರಜ್ಞಾನದಿಂದ ಸಮ್ಮೀಲನಗೊಂಡಿರುವ ವಿಸ್ಮಯಕಾರಿ ಕಾಲ್ಚೆಂಡು. ಕಾಲ ಬದಲಾದಂತೆ ಆಟದ ಶೈಲಿ ಮಾತ್ರವಲ್ಲ. ಆಟದ ಪರಿಕರಗಳು ಬದಲಾಗುವುದು ಸಹಜ. ಆದ್ರೆ ಇತ್ತೀಚಿನ ವರ್ಷಗಳಲ್ಲಿ ಆಟದ ಜೊತೆ ಕ್ರೀಡಾಪರಿಕರಗಳು ಸಹ ಡಿಜಿಟಲೀಕರಣಗೊಂಡಿವೆ. 2022ರ ಕತಾರ್ ವಿಶ್ವಕಪ್ನ ಅಡಿಡಾಸ್ ಆಲ್ ರಿಹ್ಲಾ ಚೆಂಡು ಮತ್ತು 2026ರ ಫಿಫಾ ವಿಶ್ವಕಪ್ನ ಅಡಿಡಾಸ್ ಟ್ರಿಯೋಂಡಾ ಚೆಂಡುಗಳು ಹೈಟೆಕ್ ಸ್ಪರ್ಶವನ್ನು ಪಡೆದುಕೊಂಡಿವೆ.
ಅಂದ ಹಾಗೇ, 2026ರ ಫಿಫಾ ವಿಶ್ವಕಪ್ ಟೂರ್ನಿಯನ್ನು ಅಮೆರಿಕಾ, ಕೆನಡಾ ಮತ್ತು ಮೆಕ್ಸಿಕೊ ದೇಶಗಳು ಜಂಟಿಯಾಗಿ ಸಂಘಟಿಸುತ್ತಿವೆ. ಟೂರ್ನಿಯ ಅಧಿಕೃತ ಚೆಂಡಿನ ಹೆಸರು ಅಡಿಡಾಸ್ ಟ್ರಿಯೋಂಡಾ. ಟ್ರಿಯೋಂಡಾ ಅಂದ್ರೆ ಮೂರು ಅಲೆಗಳು ಎಂಬ ಅರ್ಥ ಬರುತ್ತದೆ. ಅಮೆರಿಕಾ, ಮೆಕ್ಸಿಕೋ ಮತ್ತು ಕೆನಡಾ ದೇಶಗಳ ನೀಲಿ, ಕೆಂಪು ಮತ್ತು ಹಸಿರು ಬಣ್ಣಗಳನ್ನು ಈ ಚೆಂಡಿನ ಮೇಲೆ ಕಾಣಬಹುದು. ಹಾಗೇ ಅಮೆರಿಕಾದ ನಕ್ಷತ್ರ, ಕೆನಡಾದ ಮೇಪಲ್ ಎಲೆ ಮತ್ತು ಮೆಕ್ಸಿಕೋ ಹದ್ದಿನ ಚಿಹ್ನೆಗಳಿವೆ. ನಾಲ್ಕು ಪ್ಯಾನಲ್ಗಳಲ್ಲಿ ವಿನ್ಯಾಸಗೊಂಡಿರುವ ಈ ಚೆಂಡಿನ ವಿಶೇಷತೆ. ಅಲ್ಲದೆ ಇದು ಸ್ಥಿರವಾಗಿ ಮತ್ತು ನೇರವಾಗಿ ಚಲಿಸಲು ಸಹಾಯ ಮಾಡುತ್ತದೆ.
2022ರ ಕನೆಕ್ಟೆಡ್ ಬಾಲ್ ಟೆಕ್ನಾಲಾಜಿಯಂತೆ ಅಡಿಡಾಸ್ ಟ್ರಿಯೋಂಡಾ ಚೆಂಡಿನೊಳಗೆ 500 ಎಚ್ ಝೆಡ್ ಮೋಷನ್ ಸೆನ್ಸಾರ್ ಚಿಪ್ ಇದೆ. ಇದು ಒಂದು ಸೆಕೆಂಡಿಗೆ 500 ಬಾರಿ ಚೆಂಡಿನ ಚಲನೆಯನ್ನು ರೆಕಾರ್ಡ್ ಮಾಡುವ ಶರವೇಗದ ಡಿಜಿಟಲ್ ಸಾಧನವಾಗಿದೆ. ಹಾಗೇ, ಇದು ಚೆಂಡಿನ ವೇಗ, ಆಟಗಾರ ಎಷ್ಟು ವೇಗವಾಗಿ ಚೆಂಡನ್ನು ಕಿಕ್ ಮಾಡುತ್ತಾನೆ, ಪ್ರತಿ ಕ್ಷಣಗಳ ಚೆಂಡಿನ ಚಲನವಲನಗಳನ್ನು ನಿಖರವಾಗಿ ಪತ್ತೆ ಮಾಡಲು ನೆರವಾಗುತ್ತದೆ. ಹಾಗೇ, ವಿಡಿಯೋ ಅಸಿಸ್ಟೆಂಟ್ ರೆಫರಿಯ ನಿರ್ಧಾರಗಳಿಗೂ ಸಹಾಯ ಮಾಡುತ್ತದೆ. ಮ್ಯಾಚ್ ರೆಫ್ರಿಗಳ ಒತ್ತಡವನ್ನು ಕಡಿಮೆ ಮಾಡುತ್ತದೆ. ಕೋಚ್ಗಳಿಗೆ ಎಲ್ಲಿ ಎಡವಿದ್ದೇವೆ ಎಂಬುದನ್ನು ಕೂಡ ಪತ್ತೆ ಮಾಡಲು ಈ ತಂತ್ರಜ್ಞಾನದಿಂದ ಸಾಧ್ಯವಾಗುತ್ತದೆ.
ಅಂದ ಹಾಗೇ 500 ಎಚ್ ಝೆಡ್ ಮೋಷನ್ ಸೆನ್ಸಾರ್ ಚಿಪ್ ಅನ್ನು ಚೆಂಡಿನ ಮಧ್ಯ ಭಾಗದಲ್ಲಿ ಸಸ್ಪೆನ್ಷನ್ ಸಿಸ್ಟಮ್ ಬಳಸಿ ಅಳವಡಿಸಲಾಗಿದೆ. ಇದು ಮೈದಾನದಲ್ಲಿರುವ 12 ವಿಶೇಷ ಟ್ರ್ಯಾಕಿಂಗ್ ಕ್ಯಾಮೆರಾಗಳ ಜೊತೆ ಏಕಕಾಲದಲ್ಲಿ ಕೆಲಸ ಮಾಡುತ್ತದೆ. ಹೀಗಾಗಿ ಆಟಗಾರರ ಮತ್ತು ಚೆಂಡಿನ ಚಲನವಲನಗಳನ್ನು ಎರಡು ಮೂರು ಸೆಕೆಂಡ್ಗಳಲ್ಲಿ ನಿರ್ಧಾರ ಮಾಡಲು ಸಾಧ್ಯವಾಗುತ್ತದೆ.
ಇನ್ನು ಈ ಚೆಂಡನ್ನು ಸ್ಮಾರ್ಟ್ ಫೋನ್ಗಳನ್ನು ಚಾರ್ಜ್ ಮಾಡುವಂತೆ ವೈರ್ಲೆಸ್ ಇಂಡಕ್ಷನ್ ತಂತ್ರಜ್ಞಾನದ ಮೂಲಕ ಜಾರ್ಜ್ ಮಾಡಲಾಗುತ್ತದೆ. ಒಂದು ಬಾರಿ ಪೂರ್ತಿ ಚಾರ್ಜ್ ಮಾಡಿದ್ರೆ ಸತತ 6 ಗಂಟೆಗಳ ತನಕ ಯಾವ ಸಮಸ್ಯೆಯೂ ಇರುವುದಿಲ್ಲ. ಹೀಗಾಗಿ ಪಂದ್ಯ ಮುಗಿಯುವ ತನಕ ಬ್ಯಾಟರಿ ಖಾಲಿ ಆಗುತ್ತೆ ಅನ್ನೋ ಭಯವಿರಲ್ಲ. ಇನ್ನು ಚೆಂಡನ್ನು ಬಳಸದೇ ಇದ್ರೂ ಬ್ಯಾಟರಿ ಬ್ಯಾಕ್ ಅಪ್ 18 ದಿನಗಳ ಕಾಲ ಇರುತ್ತದೆ.
ಕಾಲಚಕ್ರ ಉರುಳಿದಂತೆ ಕಾಲ್ಚೆಂಡಿನ ಕಥೆಯೂ ಬದಲಾಗಿದೆ. 96 ವರ್ಷಗಳ ಹಿಂದೆ ದನದ ಚರ್ಮದಿಂದ ತಯಾರಾದ ಒರಟು ಟಿ ಪ್ಯಾನಲ್ ಮಾದರಿಯ ಚೆಂಡಿನಿಂದ ಹಿಡಿದು ಇಂದಿನ ಅಲ್ಟ್ರಾ ಮಾರ್ಡನ್ ಡಿಜಿಟಲ್ ಚೆಂಡಿನ ತನಕ ಫಿಫಾ ವಿಶ್ವಕಪ್ನ ಚೆಂಡುಗಳು ಹಲವು ವಿನ್ಯಾಸ ಹಾಗೂ ತಂತ್ರಜ್ಞಾನಗಳ ಮೂಲಕ ಫುಟ್ಬಾಲ್ ಆಟಕ್ಕೆ ಮೆರಗು ನೀಡಿದೆ.
ಒಟ್ಟಿನಲ್ಲಿ ಫಿಫಾ ವಿಶ್ವಕಪ್ ಅಂದ್ರೆ ಬರೀ ತಂಡಗಳ ನಡುವಿನ ಸ್ಪರ್ಧೆ, ಆಟಗಾರರ ಶಕ್ತಿ – ಸಾಮಥ್ರ್ಯದ ಪರೀಕ್ಷೆಯಲ್ಲ. ಇದು ಮನುಷ್ಯನ ಬುದ್ಧಿವಂತಿಕೆ ಮತ್ತು ಅತ್ಯಾಧುನಿಕ ತಂತ್ರಜ್ಞಾನದ ಜುಗುಲ್ಬಂದಿ.
ಸನತ್ ರೈ
(1930ರ ಉರುಗ್ವೆ ವಿಶ್ವಕಪ್ನಿಂದ ಹಿಡಿದು ಇಲ್ಲಿಯ ತನಕ ಕಾಲ್ಚೆಂಡಿನಲ್ಲಿ ನಾನಾ ಬದಲಾವಣೆಗಳು ಆಗಿವೆ. ಪ್ರತಿ ಟೂರ್ನಿಗೂ ವಿಭಿನ್ನ ವಿನ್ಯಾಸದಲ್ಲಿ ಫಿಫಾ ಫುಟ್ಬಾಲ್ ಚೆಂಡುಗಳನ್ನು ತಯಾರು ಮಾಡಲಾಗುತ್ತಿತ್ತು. 1930ರ ದನದÀÀ ಚರ್ಮದಿಂದ ಸಿದ್ಧಗೊಂಡಿದ್ದ ಟಿ ಪ್ಯಾನಲ್ ಮಾದರಿಯ ಚೆಂಡಿನಿಂದ ಹಿಡಿದು 2018ರ ಹೈಟೆಕ್ ಚೆಂಡಿನ ತನಕ ಫಿಫಾ ವಿಶ್ವಕಪ್ನ ಚೆಂಡುಗಳು ಹಲವು ವಿಶೇಷತೆಗಳನ್ನು ಪಡೆದುಕೊಂಡಿವೆ. ಈ ಬಗ್ಗೆ ಸಂಪೂರ್ಣ ಮಾಹಿತಿಗಾಗಿ ಈ ಲಿಂಕ್ ಅನ್ನು ಕ್ಲಿಕ್ ಮಾಡಿ. )
