ಚೇತನ್ ಕುಮಾರ್ ನಿರ್ದೇಶನ ಮಾಡುತ್ತಿರುವ ಜೇಮ್ಸ್ ಚಿತ್ರದ ಚಿತ್ರೀಕರಣಕ್ಕೆ ಸದ್ಯ ಬ್ರೇಕ್ ನೀಡಲಾಗಿದೆ. ಹಾಗಂತ ಇದಕ್ಕೆ ದೊಡ್ಡ ಕಾರಣವೇನೂ ಇಲ್ಲ. ಸಮಸ್ಯೆನೂ ಆಗಿಲ್ಲ. ಹಾಗಾದ್ರೆ ಬ್ರೇಕ್ ಯಾಕೆ ನೀಡಿದ್ದು ಅಂತೀರಾ. ಉತ್ತರ ತುಂಬಾನೇ ಸಿಂಪಲ್ ಆಗಿದೆ.
ಜೇಮ್ಸ್ ಚಿತ್ರದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಮೂರು ನಾಲ್ಕು ಗೆಟಪ್ನಲ್ಲಿ ಕಾಣಸಿಕೊಳ್ಳುತ್ತಿದ್ದಾರೆ. ಪುನೀತ್ ಅವರ ಹೊಸ ಲುಕ್ ಗಾಗಿ ಚಿತ್ರ ತಂಡ ಸದ್ಯಕ್ಕೆ ಬ್ರೇಕ್ ನೀಡಿದೆ. ಅಪ್ಪು ಅವರು ಸ್ಟೈಲೀಶ್ ಆಗಿ ಗಡ್ಡದಲ್ಲಿ ಕಾಣಿಸಿಕೊಳ್ಳುತ್ತಿರುವುದರಿಂದ ಚಿತ್ರೀಕರಣಕ್ಕೆ ಸ್ವಲ್ಪ ವಿಶ್ರಾಂತಿ ನೀಡಲಾಗಿದೆ.
ಜೇಮ್ಸ್ ಚಿತ್ರದ ಚಿತ್ರೀಕರಣ ಬಹುತೇಕ ಮುಗಿದಿದೆ. ಈ ಚಿತ್ರದಲ್ಲಿ ಅಪ್ಪು ಈ ಹಿಂದಿನ ಚಿತ್ರಗಳಿಗಿಂತಲೂ ಡಿಫರೆಂಟ್ ಸ್ಟೈಲ್ ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪಕ್ಕಾ ಮನರಂಜನೆಯ ಜೊತೆ ಕಮರ್ಷಿಯಲ್ ಚಿತ್ರ. ಜೇಮ್ಸ್ ಚಿತ್ರಕ್ಕೆ ತಕ್ಕಂತೆ ಅಪ್ಪು ಅವರ ಪಾತ್ರವೂ ಇದೆ. ಪುನೀತ್ ಅವರ ಫೈಟ್ ಸೀನ್ ಗಳು ಅವರ ಅಭಿಮಾನಿಗಳಿಗೆ ಮುದವನ್ನು ನೀಡಲಿದೆ. ಹಾಗೇ ಮಂಗಳೂರು ಮತ್ತು ವಿದೇಶಗಳಲ್ಲಿ ಹಾಡಿನ ಚಿತ್ರೀಕರಣ ಮಾಡಲಾಗುವುದು.
ಜೇಮ್ಸ್ ಚಿತ್ರಕ್ಕೆ ಚರಣ್ ರಾಜ್ ಅವರು ಸಂಗೀತ ನಿದೇರ್ಶನ ಮಾಡಿದ್ದಾರೆ. ಶ್ರೀಷಾ ಅವರ ಕ್ಯಾಮೇರಾ ಕೈಚಳಕವಿದ್ದು, ಕಿಶೋರ್ ಪತ್ತಿಕೊಂಡ ಅವರು ನಿರ್ಮಾಣ ಮಾಡುತ್ತಿದ್ದಾರೆ.
ಒಟ್ಟಾರೆ, ಜೇಮ್ಸ್ ಚಿತ್ರದ ಬಗ್ಗೆ ಚಿತ್ರ ತಂಡ ಸಾಕಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿದೆ.
