New Rules Of Cricket | ಇನ್ಮುಂದೆ ಮಂಕಡ್ ನಿಷೇಧ.. ಕ್ರಿಕೆಟ್ ನಲ್ಲಿ ನ್ಯೂ ರೂಲ್ಸ್
ಈ ವರ್ಷದ ಅಕ್ಟೋಬರ್ನಲ್ಲಿ ಕ್ರಿಕೆಟ್ನಲ್ಲಿ ಹೊಸ ನಿಯಮಗಳು ಜಾರಿಗೆ ಬರಲಿವೆ. ಮಂಕಡ್ (ನಾನ್-ಸ್ಟ್ರೈಕರ್ ಬ್ಯಾಟರ್ ರನೌಟ್) ಅನ್ನೋದು ಕ್ರೀಡಾ ಸ್ಫೂರ್ತಿಗೆ ವಿರುದ್ಧದವಾಗಿದೆ.
ಇನ್ಮುಂದೆ ಮಂಕಡ್ ಗೆ ಅವಕಾಶವಿಲ್ಲ ಎಂದು, ಅದನ್ನ ಕ್ರಿಕೆಟ್ ರೂಲ್ಸ್ ಯಿಂದ ತೆಗೆದು ಹಾಕುವುದಾಗಿ MCC (ಮೆರಿಲ್ ಬೋರ್ನ್ ಕ್ರಿಕೆಟ್ ಅಸೋಸಿಯೇಷನ್) ಘೋಷಿಸಿದೆ.
ಜೊತೆಗೆ, MCC ಕೆಲವು ಹೊಸ ನಿಯಮಗಳನ್ನು ಘೋಷಿಸಿದೆ. ಇನ್ನು ಕೆಲವೇ ದಿನಗಳಲ್ಲಿ ಈ ಕುರಿತು ಪ್ರಕಟಣೆ ಹೊರಬೀಳಲಿದೆ.
ಸ್ಟ್ರೈಕಿಂಗ್ ಗೆ ಹೊಸ ಬ್ಯಾಟರ್…?
ಪಂದ್ಯದ ವೇಳೆ ಕ್ಯಾಚ್ ಔಟ್ ಗೆ ಸಂಬಂಧಿಸಿದಂತೆ ಎಂಸಿಸಿ ಸಣ್ಣ ಬದಲಾವಣೆ ಮಾಡಿದೆ. ಫೀಲ್ಡರ್ ಕ್ಯಾಚ್ ಪಡೆಯುವ ಮೊದಲು ಕ್ರೀಸ್ನಲ್ಲಿ ಇಬ್ಬರು ಬ್ಯಾಟ್ಸ್ಮನ್ಗಳು ಪರಸ್ಪರ ದಾಟಿದರೆ.. ಕ್ರೀಸ್ಗೆ ಬರುವ ಹೊಸ ಬ್ಯಾಟ್ಸ್ಮನ್ ಇನ್ನು ಮುಂದೆ ಸ್ಟ್ರೈಕಿಂಗ್ ಎಂಡ್ಗೆ ಹೋಗಬೇಕು.
ಈ ಹಿಂದೆ ಬ್ಯಾಟ್ಸ್ಮನ್ ಔಟ್ ಆದ್ರೆ.. ಕ್ರೀಸ್ಗೆ ಬರುವ ಹೊಸ ಬ್ಯಾಟರ್ ನಾನ್ಸ್ಟ್ರೈಕ್ ಎಂಡ್ಗೆ ಹೋಗಬೇಕು ಎಂಬ ಷರತ್ತು ಇತ್ತು. MCC ಇತ್ತೀಚೆಗೆ ಇದನ್ನು ಪರಿಷ್ಕರಿಸಿದೆ.
ಮಂಕಡ್ ಮೇಲೆ ನಿಷೇಧ
ಬೌಲರ್ ಬೌಲಿಂಗ್ ಮಾಡುವ ಮೊದಲು ಬ್ಯಾಟ್ಸ್ಮನ್ ನಾನ್-ಸ್ಟ್ರೈಕ್ ಎಂಡ್ನಲ್ಲಿ ಕ್ರೀಸ್ ದಾಟಿದರೆ, ಬೌಲರ್ ಔಟ್ ಮಾಡುವ ಅವಕಾಶವನ್ನು ಮಂಕಡ್ ಎಂದು ಕರೆಯಲಾಗುತ್ತದೆ.
ಆದ್ರೆ ಮಂಕಡ್ ಕ್ರೀಡಾ ಸ್ಪೂರ್ತಿಗೆ ವಿರುದ್ಧವಾಗಿದೆ. ನಾನ್-ಸ್ಟ್ರೈಕ್ ಎಂಡ್ನಲ್ಲಿರುವ ಯಾವುದೇ ಬ್ಯಾಟ್ಸ್ಮನ್ ರನ್ಗೆ ಸಿದ್ಧರಾಗಿರಬೇಕು. ಅದರ ಭಾಗವಾಗಿ ಬ್ಯಾಟರ್ ಕ್ರೀಸ್ ಬಿಡುವುದು ಸಹಜ.
ಇನ್ನು ಮುಂದೆ ಬೌಲರ್ ಮಂಕಡ್ ಮಾಡುವ ಅವಕಾಶವಿಲ್ಲ. ಕ್ರಿಕೆಟ್ ನಿಯಮಗಳ ಭಾಗವಾಗಿ, ಲಾ-41 (ಆಟದ ನಿಯಮಗಳಿಗೆ ವಿರುದ್ಧವಾಗಿ) ಮತ್ತು ಲಾ-38 (ರನೌಟ್) ಅಡಿಯಲ್ಲಿ ಮಂಕಡ್ ಅನ್ನು ನಿಯಮಗಳಿಂದ ತೆಗೆದುಹಾಕಲಾಗಿದೆ.
ಇನ್ಮುಂದೆ ಬೌಲರ್ಗಳು ಚೆಂಡನ್ನು ಸ್ವಿಂಗ್ ಮಾಡಲು ಎಂಜಲು ಬಳಸಬಾರದು ಎಂದು ಎಂಸಿಸಿ ಹೇಳಿದೆ.
ಕ್ರಿಕೆಟ್ ಕಾಯಿದೆಯ ಕಾನೂನು 22.1ರ ಪ್ರಕಾರ, ಸ್ಟ್ರೈಕ್ ಎಂಡ್ ನಲ್ಲಿ ಇರುವ ಬ್ಯಾಟ್ ನಿಂತಿರುವ ಸ್ಥಾನದಿಂದ ಸ್ವಲ್ಪ ದೂರ ಬಾಲ್ ಹೋದರೂ ಅದನ್ನು ವೈಡ್ ಎಂದು ಪರಿಗಣಿಸಲಾಗುವುದು ಎಂಬ ಹೊಸ ನಿಯಮವನ್ನು ಜಾರಿಗೆ ತರಲಾಗುತ್ತದೆ.
new-rules-of-cricket-mcc-announced-new-cricket-code-laws
