ನಾಳೆಯಿಂದ ನಮ್ಮ ಬೆಂಗಳೂರು ಮೆಟ್ರೋ ಸಂಚಾರ ಪುನರಾರಂಭ
ಬೆಂಗಳೂರು, ಸೆಪ್ಟೆಂಬರ್ 06: ಕೋವಿಡ್ -19 ಪರಿಸ್ಥಿತಿಯಿಂದಾಗಿ ಐದು ತಿಂಗಳ ಕಾಲ ಸ್ಥಗಿತಗೊಂಡಿದ್ದ ಬೆಂಗಳೂರು ನಮ್ಮ ಮೆಟ್ರೋ ಸಂಚಾರ ಸೆಪ್ಟೆಂಬರ್ 7ರಿಂದ ಪುನರಾರಂಭಿಸಲು ಎಂ ಆರ್ ಸಿ ಎಲ್ ಸಜ್ಜಾಗಿದೆ.
ನಾಳೆ (ಸೆಪ್ಟೆಂಬರ್ 7) ರಿಂದ ಮೆಟ್ರೋ ಸೇವೆಗಳನ್ನು ಪುನರಾರಂಭಿಸಲಿದ್ದು ನಮ್ಮ ಮೆಟ್ರೊ ರೈಲುಗಳು ಬೆಳಿಗ್ಗೆ 8 ರಿಂದ 11 ವರೆಗೆ ಮತ್ತು ಸಂಜೆ 4: 30 ರಿಂದ 7: 30 ರ ನಡುವೆ ಐದು ನಿಮಿಷಗಳ ಅಂತರದಲ್ಲಿ ಚಲಿಸುತ್ತವೆ.
ಬೆಂಗಳೂರು ಮೆಟ್ರೋ ರೈಲು ನಿಗಮ ಲಿಮಿಟೆಡ್ ಬಿಡುಗಡೆ ಮಾಡಿದ ಮಾಹಿತಿ ಪ್ರಕಾರ, ನೇರಳೆ ಮಾರ್ಗದಲ್ಲಿ ರೈಲುಗಳು ಸೆಪ್ಟೆಂಬರ್ 7 ರಿಂದ ಪ್ರಾರಂಭವಾಗಲಿದ್ದು, ಹಸಿರು ಮಾರ್ಗದಲ್ಲಿನ ರೈಲುಗಳು ಸೆಪ್ಟೆಂಬರ್ 9 ರಿಂದ ಪ್ರಾರಂಭವಾಗಲಿದೆ.
ಇದಲ್ಲದೆ, ಸೆಪ್ಟೆಂಬರ್ 11, 2020 ರಿಂದ ಎರಡೂ ಮಾರ್ಗಗಳಲ್ಲಿನ ರೈಲುಗಳು ಬೆಳಿಗ್ಗೆ 7 ರಿಂದ ರಾತ್ರಿ 9 ರವರೆಗೆ ಪೀಕ್ ಸಮಯದಲ್ಲಿ 5 ನಿಮಿಷಗಳ ಅಂತರ ಮತ್ತು ನೋನ್ ಪೀಕ್ ಸಮಯದಲ್ಲಿ ಪ್ರತಿ 10 ನಿಮಿಷಗಳ ಅಂತರದಲ್ಲಿ ಕಾರ್ಯನಿರ್ವಹಿಸಲಿವೆ.
ಪ್ರಯಾಣಕ್ಕಾಗಿ, ಪ್ರಯಾಣಿಕರು ಸ್ಮಾರ್ಟ್ ಕಾರ್ಡ್ಗಳನ್ನು ಬಳಸಬೇಕಾಗುತ್ತದೆ ಮತ್ತು ಮೆಟ್ರೋ ಆವರಣದಲ್ಲಿ ಎಲ್ಲಾ ಸಮಯದಲ್ಲೂ ಮಾಸ್ಕ್ಗಳನ್ನು ಧರಿಸುವುದು ಕಡ್ಡಾಯವಾಗಿದೆ.
2 ಮೀಟರ್ ಸಾಮಾಜಿಕ ದೂರವನ್ನು ಕಾಯ್ದುಕೊಳ್ಳುವಂತೆ ನಿಗಮವು ಪ್ರಯಾಣಿಕರನ್ನು ಕೋರಿದೆ ಮತ್ತು ಕೋವಿಡ್-19 ದೃಷ್ಟಿಯಿಂದ ಪರ್ಯಾಯ ಆಸನಗಳನ್ನು ಖಾಲಿ ಇಡುವುದರ ಜೊತೆಯಲ್ಲಿ , ಗರಿಷ್ಠ 400 ಪ್ರಯಾಣಿಕರಿಗೆ ಮಾತ್ರ ಪ್ರತಿ ರೈಲಿನಲ್ಲಿ ಪ್ರಯಾಣಿಸಲು ಅನುಮತಿ ನೀಡಲಾಗುವುದು ಎಂದು ಹೇಳಿದೆ.