MI | ಮುಂಬೈ ಇಂಡಿಯನ್ಸ್ ಗೆ ಪೋಲಾರ್ಡ್ ಕ್ಯಾಪ್ಟನ್..!
ಐದು ಬಾರಿ ಐಪಿಎಲ್ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿರುವ ರೋಹಿತ್ ಮುಂದಾಳತ್ವ ಮುಂಬೈ ಇಂಡಿಯನ್ಸ್, 15ನೇ ಆವೃತ್ತಿಯ ಐಪಿಎಲ್ ನಲ್ಲಿ ನೀರಸ ಪ್ರದರ್ಶನ ನೀಡುತ್ತಿದೆ. ಮಾಜಿ ಚಾಂಪಿಯನ್ ಸತತ ಸೋಲುಗಳಿಂದ ಕಂಗೆಟ್ಟಿದೆ.
ಹಿಟ್ ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ ಅವರ ಫಾರ್ಮ್ ಬಗ್ಗೆ ಪ್ರಶ್ನೆಗಳು ಎದ್ದಿವೆ. ಜೊತೆಗೆ ರೋಹಿತ್ ಕ್ಯಾಪ್ಟನ್ಸಿ ಬಗ್ಗೆಯೂ ಚರ್ಚೆಗಳು ನಡೆಯುತ್ತಿದೆ.
ಟೀಂ ಇಂಡಿಯಾದ ನಾಯಕರಾಗಿ ರೋಹಿತ್ ಶರ್ಮಾ ಐಪಿಎಲ್ ನಲ್ಲಿ ಸತತ ಐದು ಸೋಲುಗಳನ್ನು ಅನುಭವಿಸಿರೋದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ.
ಮುಖ್ಯವಾಗಿ ರೋಹಿತ್ ಶರ್ಮಾ ಟೀಂ ಇಂಡಿಯಾದ ನಾಯಕರಾದ ಬಳಿಕ ಸಾಕಷ್ಟು ಬದಲಾಗಿದ್ದಾರೆ. ಅವರಲ್ಲಿ ಮೊದಲಿದ್ದ ಶಾಂತತೆ ಈಗ ಕಾಣಿಸ್ತಿಲ್ಲ. ಮೊದಲು ಕೂಲ್ ಆಗಿದ್ದ ರೋಹಿತ್ ಶರ್ಮಾ ಈಗ ಗರಂ ಗರಂ ಆಗಿದ್ದಾರೆ. ಇದು ಅವರ ಬ್ಯಾಟಿಂಗ್ ಮೇಲೆಯೂ ಪರಿಣಾಮ ಬೀರುತ್ತಿದೆ.
ಈ ಹಿಂದೆ ಪಂದ್ಯ ಸೋತಾಗ ಸ್ವತಃ ರೋಹಿತ್ ಶರ್ಮಾ ಅವರೇ ನಿರಾಸೆಯ ಮಾತುಗಳನ್ನಾಡಿದ್ದರು. ಪದೇ ಪದೇ ಸೋತ ನಾಯಕನಾಗಿ ಈ ಸ್ಥಿತಿಯಲ್ಲಿ ನಿಲ್ಲೋದು ಕಷ್ಟ ಆಗುತ್ತಿದೆ ಅಂದಿದ್ದರು. ಇದಾದ ಬಳಿಕ ಪಂಜಾಬ್ ವಿರುದ್ಧವೂ ಪಂದ್ಯ ಸೋತಿದ್ದು ರೋಹಿತ್ ಶರ್ಮಾಗೆ ಮತ್ತಷ್ಟು ನಿರಾಸೆಯನ್ನು ಮಾಡಿದೆ.
ಈ ನಡುವೆ ರೋಹಿತ್ ಶರ್ಮಾ ಅವರ ಬಗ್ಗೆ ಮಾತನಾಡಿರುವ ಸಂಜಯ್ ಮಾಂಜೇರ್ಕರ್, “ನನಗೆ ಅನಿಸಿದ ಮಟ್ಟಿಗೆ ರೋಹಿತ್ ಪ್ರಸಕ್ತ ಆವೃತ್ತಿಯ ಆರಂಭದಲ್ಲೇ ನಾಯಕತ್ವದಿಂದ ಹಿಂದೆ ಸರಿಯುತ್ತಾರೆ ಎಂದು ಅಂದುಕೊಂಡಿದ್ದೇವು.
ವಿರಾಟ್ ಕೊಹ್ಲಿ ಅವರಂತೆ ರೋಹಿತ್ ಸಹ ಬ್ಯಾಟಿಂಗ್ ಮೇಲೆ ಒತ್ತ ನೀಡಲು ಕಿರನ್ ಪೊಲಾರ್ಡ್ ಅವರಿಗೆ ಪಟ್ಟ ನೀಡಬೇಕಿತ್ತು” ಎಂದು ಅಭಿಪ್ರಾಯಪಟ್ಟಿದ್ದಾರೆ.
ರೋಹಿತ್ ಶರ್ಮಾ ಐಪಿಎಲ್ ನ ಯಶಸ್ವಿ ನಾಯಕ. ಇವರ ನಾಯಕತ್ವದಲ್ಲಿ ಮುಂಬೈ ಐದು ಬಾರಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿದೆ. ರೋಹಿತ್ ಶರ್ಮಾ ಐಪಿಎಲ್ ನ ಹಿಂದಿನ ಆವೃತ್ತಿಗಳಲ್ಲೂ ಹೇಳಿಕೊಳ್ಳುವ ಪ್ರದರ್ಶನ ನೀಡಿಲ್ಲ. ಪ್ರಸಕ್ತ ಸಾಲಿನಲ್ಲಿ ರೋಹಿತ್ ಒಟ್ಟು ಐದು ಪಂದ್ಯಗಳಲ್ಲಿ 108 ರನ್ ಸೇರಿಸಿದ್ದಾರೆ.
ಹೀಗಾಗಿ ಅವರು ಕ್ಯಾಪ್ಟನ್ಸಿಯಿಂದ ಕೆಳಗಿಳಿಯಬೇಕು. ಪೋಲಾರ್ಡ್ ಗೆ ಮುಂಬೈ ತಂಡದ ನಾಯಕತ್ವ ನೀಡಿದ್ರೆ ಅವರು ಉತ್ತಮವಾಗಿ ಮುನ್ನಡೆಸುತ್ತಾರೆ. ಅವರಿಗೆ ವಿವಿಧ ಲೀಗ್ ಗಳಲ್ಲಿ ತಂಡವನ್ನು ಮುನ್ನಡೆಸಿದ ಅನುಭವಿದೆ.
ಜೊತೆಗೆ ಅಂತರಾಷ್ಟ್ರೀಯ ಪಂದ್ಯಗಳನ್ನಾಡಿರುವ ಅನುಭವವಿದೆ. ಜೊತೆಗೆ ಪೋಲಾರ್ಡ್ ಗೆ ಕ್ಯಾಪ್ಟನ್ಸಿ ನೀಡುವುದರಿಂದ ಅವರ ಬ್ಯಾಟಿಂಗ್ ಕೂಡ ಉತ್ತಮಗೊಳ್ಳುತ್ತದೆ. ರೋಹಿತ್ ಕೂಡ ಬ್ಯಾಟಿಂಗ್ ಕಡೆ ಗಮನ ಹರಿಸಬಹುದು ಎಂದ್ದಾರೆ ಮಾಂರ್ಜೇಕರ್.
ಇನ್ನು ರೋಹಿತ್ 2021 ರಲ್ಲಿ 13 ಪಂದ್ಯಗಳಲ್ಲಿ 381 ರನ್ ಸಿಡಿಸಿದ್ದರು. 2020ರಲ್ಲಿ ಆಡಿದ 12 ಪಂದ್ಯಗಳಲ್ಲಿ 332 ರನ್ ಸಿಡಿಸಿದ್ದಾರೆ. 2019ರಲ್ಲಿ 15 ಪಂದ್ಯಗಳಲ್ಲಿ ರೋಹಿತ್ ಶರ್ಮಾ 405 ರನ್ ಸಿಡಿಸಿದ್ದರು. Pollard Captain to Mumbai Indians