ಪ್ರಧಾನಿ ಮೋದಿಯವರ 70 ನೇ ಹುಟ್ಟುಹಬ್ಬದ ಪ್ರಯಕ್ತ ರಸಪ್ರಶ್ನೆ- ವಿಜೇತರಿಗೆ ಮೋದಿ ಆಟೋಗ್ರಾಫ್
ಹೊಸದಿಲ್ಲಿ, ಸೆಪ್ಟೆಂಬರ್17: ಪ್ರಧಾನಿ ನರೇಂದ್ರ ಮೋದಿಯವರ 70 ನೇ ಹುಟ್ಟುಹಬ್ಬದ ಪ್ರಯುಕ್ತ ಆಡಳಿತಾರೂಢ ಬಿಜೆಪಿ ಸೇವಾ ಸಪ್ತಾಹ ಆಯೋಜಿಸಿದೆ. ಈ ಹಿನ್ನೆಲೆಯಲ್ಲಿ ಗುರುವಾರ (ಸೆಪ್ಟೆಂಬರ್ 17, 2020) ನಮೋ ಬಗ್ಗೆ ರಸಪ್ರಶ್ನೆ (Know NaMo quiz) ಘೋಷಿಸಿ, ವೆಬ್ಸೈಟ್ ಉದ್ಘಾಟಿಸಿದೆ. ಪ್ರಧಾನಿ ಮೋದಿಯವರ 70 ನೇ ಹುಟ್ಟುಹಬ್ಬದ ಸ್ಮರಣಾರ್ಥ ಇ-ಪುಸ್ತಕ ಬಿಡುಗಡೆ ಮಾಡಿದೆ.
ಪ್ರಧಾನಿ ಮೋದಿ ಅವರ ಜನ್ಮದಿನದಂದು ದೆಹಲಿಯ ಬಿಜೆಪಿ ಕೇಂದ್ರ ಕಚೇರಿಯಲ್ಲಿ ಕೇಂದ್ರ ಸಚಿವ ಪ್ರಕಾಶ್ ಜಾವ್ದೇಕರ್ ಮತ್ತು ಬಿಜೆಪಿ ಉಪಾಧ್ಯಕ್ಷ ಶ್ಯಾಮ್ ಎಸ್ ಜಾಜು ಅವರು ವೆಬ್ಸೈಟ್ ಉದ್ಘಾಟಿಸಿ ಇ-ಪುಸ್ತಕ ಬಿಡುಗಡೆ ಮಾಡಿದರು.
ಪ್ರಧಾನಿ ಮೋದಿ ಅವರ ಜನ್ಮದಿನದಂದು, ಅವರ ಬಗ್ಗೆಗಿನ ಕೆಲವು ವಿಷಯಗಳು:
ಬಿಜೆಪಿ ಪಕ್ಷವು ಪ್ರಧಾನಿ ನರೇಂದ್ರ ಮೋದಿಯವರಿಗೆ ಅವರ ಜನ್ಮದಿನದಂದು ನಮೋ ಆ್ಯಪ್ ಮೂಲಕ ಶುಭ ಹಾರೈಸಲು ಜನರನ್ನು ಕೇಳಿಕೊಂಡಿದ್ದರೆ, Know NaMo ರಸಪ್ರಶ್ನೆಯ ವಿಜೇತರು ಪ್ರಧಾನಮಂತ್ರಿಯವರ ಆಟೋಗ್ರಾಫ್ ಇರುವ ಪುಸ್ತಕವನ್ನು ಪಡೆಯುತ್ತಾರೆ ಎಂದು ಘೋಷಿಸಿದೆ.
ಇಂದು ಪ್ರಾರಂಭವಾದ ಪಿಎಂ ನರೇಂದ್ರ ಮೋದಿಯವರ ಬಗ್ಗೆ ನಿಮಗೆ ಎಷ್ಟು ಗೊತ್ತು? ರಸಪ್ರಶ್ನೆಯಲ್ಲಿ ಪಿಎಂ ಮೋದಿ ಮತ್ತು ಬಿಜೆಪಿ ಬಗ್ಗೆಗಿನ ಪ್ರಶ್ನೆಗಳಿವೆ.
ರಸಪ್ರಶ್ನೆಯಲ್ಲಿ ಭಾಗವಹಿಸುವವರು,
ನಮೋ ಅಪ್ಲಿಕೇಶನ್ನಲ್ಲಿ `know Namo quiz` ತೆಗೆದುಕೊಳ್ಳಿ – http://nm4.in/dnldapp ಮತ್ತು ವಿಜೇತರು ಪಿಎಂ ನರೇಂದ್ರ ಮೋದಿಯವರು ಸಹಿ ಮಾಡಿದ ಪುಸ್ತಕಗಳನ್ನು ಬಹುಮಾನವಾಗಿ ಪಡೆಯಿರಿ ಎಂದು ಬಿಜೆಪಿ ಟ್ವೀಟ್ ಮಾಡಿದೆ.
Shri @PrakashJavdekar and Shri @ShyamSJaju inaugurate a website and release an e-book on PM Shri @narendramodi's birthday. #HappyBdayNaMo https://t.co/QFoKc9vuZo
— BJP Delhi (@BJP4Delhi) September 17, 2020
ಪ್ರಧಾನ ಮಂತ್ರಿಗೆ ಧನ್ಯವಾದ ಹೇಳಲು ಬಯಸುವವರು ಸಂದೇಶಗಳ ಮೂಲಕ ಅಥವಾ ಅಪ್ಲಿಕೇಶನ್ನಲ್ಲಿ ವೀಡಿಯೊ ಅಪ್ಲೋಡ್ ಮಾಡುವ ಮೂಲಕ ತಮ್ಮ ಅನಿಸಿಕೆಯನ್ನು ಪೋಸ್ಟ್ ಮಾಡಬಹುದಾಗಿದೆ.
ನಮೋ ಅವರ ಜನ್ಮದಿನದಂದು ಅವರಿಗೆ ಶುಭ ಹಾರೈಸಬೇಕೆಂದು ನೀವು ಭಾವಿಸುತ್ತೀರಾ? ನಮೋ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ ಮತ್ತು ವೀಡಿಯೊವನ್ನು ಒಂದೇ ಕ್ಲಿಕ್ನಲ್ಲಿ ಅಪ್ಲೋಡ್ ಮಾಡಿ ಎಂದು ಬಿಜೆಪಿ ಪಕ್ಷ ಟ್ವೀಟ್ ಮಾಡಿದೆ.
ಆ್ಯಪ್ ಬಳಕೆದಾರರು ಪ್ರಧಾನ ಮಂತ್ರಿಯ ಜೀವನವನ್ನು ಆಧರಿಸಿದ ಮೊದಲ ಬಾರಿಗೆ 360 ಡಿಗ್ರಿ ವರ್ಚುವಲ್ ಪ್ರದರ್ಶನವನ್ನು ಆನಂದಿಸಬಹುದು ಎಂದು ಅದು ಹೇಳಿದೆ.
`ಗ್ಲಿಂಪ್ಸಸ್ ಆಫ್ ನಮೋ- ಸ್ಪೂರ್ತಿದಾಯಕ ಜೀವನ` ಎಂಬ ಹೆಸರಿನ ಪ್ರದರ್ಶನವು ಗುಜರಾತ್ನ ವಾಡ್ನಗರದಿಂದ ಪ್ರಧಾನ ಮಂತ್ರಿಯಾಗಲು ಮತ್ತು ವಿಶ್ವ ನಾಯಕರಾದ ಅವರ ಪ್ರಯಾಣವನ್ನು ಪ್ರದರ್ಶಿಸುತ್ತದೆ.
ಆತ್ಮ ನಿರ್ಭರದ ಹರಿಕಾರ ಪ್ರಧಾನಿ ಮೋದಿ ಅವರಿಗೆ 70ನೇ ಹುಟ್ಟುಹಬ್ಬದ ಸಂಭ್ರಮ
ಈ ಸಂದರ್ಭವನ್ನು ಭಾರತೀಯ ಜನತಾ ಪಕ್ಷವು ಒಂದು ವಾರದವರೆಗೆ ಸೇವಾ ಸಪ್ತಾಹ ವನ್ನು ಆಯೋಜಿಸಿದೆ, ಇದರಲ್ಲಿ ಸ್ವಚ್ಛತೆ, ನೈರ್ಮಲ್ಯ ಪ್ಯಾಡ್ಗಳ ವಿತರಣೆ, ಗಾಲಿಕುರ್ಚಿಗಳು ಮತ್ತು ಸಾಮಾಜಿಕ ಸೇವೆಗೆ ಸಂಬಂಧಿಸಿದ ಕಾರ್ಯಕ್ರಮಗಳನ್ನು ಸೆಪ್ಟೆಂಬರ್ 14 ರಿಂದ 20 ರವರೆಗೆ ದೇಶಾದ್ಯಂತ ಆಯೋಜಿಸಲಾಗುತ್ತಿದೆ.