Pro kabaddi : ಸೆಮೀಸ್ ಗೆ ಗೂಳಿಗಳ ಎಂಟ್ರಿ – ಜೈಪುರದ ಜೊತೆಗೆ ಕಾದಾಟ..!!
ಎಲಿಮಿನೇಟರ್ ಬೆಂಗಳೂರು ಗೂಳಿಗಳು ಅಬ್ಬರಿಸಿ ಬೊಬ್ಬಿರಿದಿದ್ದಾರೆ.. ಹಾಲಿ ಚಾಂಪಿಯನ್ ದೆಹಲಿ ತಂಡವನ್ನ ಅತ್ಯಂತ ಹೀನಾಯವಾಗಿ ಸೋಲಿಸಿದೆ.. ದೆಹಲಿಯನ್ನ ಟೂರ್ನಿಯಿಂದ ಹೊರದಬ್ಬಿದ್ದಾರೆ ನಮ್ಮಕ ಗೂಳಿಗಳು.. ಈ ಮೂಲಕ ಬೆಂಗಳೂರು ಬುಲ್ಸ್ ಸೆಮಿಫೈನಲ್ ಗೆ ಪ್ರವೇಶ ಪಡೆದಿದ್ದು , ಬೆಂಗಳೂರು ಅಭಿಮಾನಿಗಳಂತೂ ಫುಲ್ ಖುಷ್ ಆಗಿದ್ದಾರೆ..
ಮುಂಬೈನಲ್ಲಿ ನಡೆದ ಮೊದಲ ಎಲಿಮಿನೇಟರ್ ಪಂದ್ಯದಲ್ಲಿ56-24 ಅಂಕಗಳಿಂದ ದಬಾಂಗ್ ಡೆಲ್ಲಿ ತಂಡವನ್ನು ಮಣಿಸಿದೆ. ಆರಂಭದಿಂದಲೇ ಆರ್ಭಟಿಸಿದ ಬೆಂಗಳೂರು ಗೂಳಿಗಳು, ದಬಾಂಗ್ ಡೆಲ್ಲಿ ತಂಡವನ್ನು ಒಟ್ಟು ನಾಲ್ಕು ಬಾರಿ ಆಲೌಟ್ ಮಾಡಿದವು.
ರೈಡಿಂಗ್ ಹಾಗೂ ಡಿಫೆಂಡಿಂಗ್ ನಲ್ಲಿ ಆಕ್ರಮಣಕಾರಿ ಆಟವಾಡಿದ ಬೆಂಗಳೂರು ಬುಲ್ಸ್ ಅಂತಿಮವಾಗಿ ದಬಾಂಗ್ ಡೆಲ್ಲಿ ತಂಡವನ್ನು 56-24 ಅಂಕಗಳಿಂದ ಸೋಲಿಸುವ ಮೂಲಕ ಸೆಮಿಫೈನಲ್ ಪ್ರವೇಶಿಸಿದೆ.
ಬೆಂಗಳೂರು ಬುಲ್ಸ್, ಮೊದಲ ಅವಧಿಯ ಆಟದ ಮುಕ್ತಾಯದ ವೇಳೆಗೆ 31-15ರ ಮುನ್ನಡೆ ಕಂಡುಕೊಂಡಿತ್ತು. ಈ ಅವಧಿಯಲ್ಲಿ ಎರಡು ಬಾರಿ ಡೆಲ್ಲಿ ತಂಡವನ್ನು ಆಲೌಟ್ ಮಾಡಿದ್ದ ಬೆಂಗಳೂರು ಬುಲ್ಸ್, 2ನೇ ಅವಧಿಯ ಆಟದಲ್ಲೂ ಎರಡು ಬಾರಿ ಆಲೌಟ್ ಮಾಡಿತು. ಅಂದ್ಹಾಗೆ ಈ ಸೀಸನ್ ನಲ್ಲಿ ಡೆಲ್ಲಿ ವಿರುದ್ಧ ಆಡಿದ ಮೂರೂ ಪಂದ್ಯಗಳಲ್ಲಿ ಬೆಂಗಳೂರು ಗೆಲುವು ಸಾಧಿಸಿದೆ..
ಅಂದ್ಹಾಗೆ ನಿನ್ನೆಯ ಪಂದ್ಯದಲ್ಲಿ ರೈಡರ್ ಭರತ್ ತಂಡಕ್ಕೆ 15 ಅಂಕ ತಂದುಕೊಟ್ಟು ಮಿಂಚಿದ್ರೆ , ವಿಕಾಸ್ ಖಂಡೋಲ ಕೂಡ ಭರ್ಜರಿ ಆಟವನ್ನೇ ಆಡಿದ್ದಾರೆ.. ತಂಡಕ್ಕೆ 12 ಅಂಕ ಗಳಿಸಿಕೊಟ್ಟರು..
ಇತ್ತ ಡಿಫೆಂಡಿಂಗ್ ನಲ್ಲಿ ಪೊನ್ ಪಾರ್ಥಿಬನ್ 7 ಅಂಕ ಮತ್ತು ಸೌರಭ್ ನಂದಲ್ 05 ಗಳಿಸಿ ಅದ್ಭುತ ಪ್ರದರ್ಶನ ನೀಡಿ ತಂಡದ ಗೆಲುವಿಗೆ ಪ್ರಮುಖ ಪಾತ್ರವಹಿಸಿದರು.
ಆದ್ರೆ ಸೆಮಿಫೈನಲ್ ನಲ್ಲಿ ಈ ಋತಿವಿನ ಅತ್ಯಂತ ಬಲಶಾಲಿ ತಂಡವೇ ಎನಿಸಿಕೊಂಡಿರುವ ಜೈಪುರದ ವಿರುದ್ಧ ನಮ್ಮ ಗೂಳಿಗಳು ಸೆಣಸಾಡಲಿದ್ದು , ಹೈ ವೋಲ್ಟೇಜ್ ಪಂದ್ಯ ಇದಾಗಿರಲಿದೆ..
ಇನ್ನೂ ಎರಡನೇ ಎಲಿಮಿನೇಟರ್ ಪಂದ್ಯವೂ ಸಾಕಷ್ಟು ರೋಚಕತೆಯಿಂದಲೇ ಕೂಡಿತ್ತು.. ಯುಪಿ ಯೋಧಾಸ್ ತಮಿಳ್ ತಲೈವಾಸ್ ಎಲಿಮಿನೇಟರ್ ಪಂದ್ಯದಲ್ಲಿ ಸಮಬಲದ ಕಾದಾಟ ನಡೆಸಿ ಟೈ ಮಾಡಿಕೊಂಡವು.. ಆದ್ರೆ ಪಾಯಿಂಟ್ಸ್ ಲೆಕ್ಕಾಚಾರದಲ್ಲಿ ಯುಪಿ ಹಿಂದೆ ಬಿದ್ದು , ತಲೈವಾಸ್ ಗೆ ಸೆಮಿಫೈನಲ್ಸ್ ಟಿಕೆಟ್ ಸಿಕ್ಕಿದೆ.. ಸೆಮಿಫೈನಲ್ ನಲ್ಲಿ ತಲೈವಾಸ್ ಹಾಗೂ ಪುಣೆ ನಡುವೆ ಕಾದಾಟ ನಡೆಯಲಿದೆ..
Pro kabaddi , bengaluru bulls enters semi Final , saakshatv