ಬಾಗಲಕೋಟೆ: ಎಲೆಕ್ಷನ್ ಅಂದ್ ಮೇಲೆ ಸಿನಿಮಾ ಸ್ಟಾರ್ ಹೀರೋ, ಹೀರೋಯಿನ್ ಬರದೇ ಇದ್ರೆ ಕಣ ರಂಗೇರಬೇಕಲ್ಲವೇ. ಅದು ವಿಧಾನಸಭೆ ಎಲೆಕ್ಷನ್ ಆಗಲಿ, ಲೋಕಸಭೆ ಚುನಾವಣೆ ಆಗಲಿ. ಆದರೆ, ಹಳ್ಳಿಪೈಟ್‍ಗೆ ಸ್ಟಾರ್ಸ್ ಬರಲೇ ಬಾರದೇ. ಆದರೆ, ಇತ್ತೀಚಿನ ವರ್ಷಗಳಲ್ಲಿ ಗ್ರಾಮ ಪಂಚಾಯಿತಿ ಚುನಾವಣೆ ಕೂಡ ಯಾವ ಅಸೆಂಬ್ಲಿ ಎಲೆಕ್ಷನ್‍ಗಿಂತ ಕಮ್ಮಿ ಇಲ್ಲ. ಹಾಗೆನೆ ಸ್ಟಾರ್ ಪ್ರಚಾರ ಕೂಡ ಹಳ್ಳಿ ಅಖಾಡದಲ್ಲಿ ಜೋರಾಗೆ ಸೌಂಡ್ ಮಾಡುತ್ತಿದೆ.
ಬಾಗಲಕೋಟೆ ಜಿಲ್ಲೆ ಬೀಳಗಿ ತಾಲೂಕಿನ ಗಿರಿಸಾಗರ ಗ್ರಾಮದ ಅಖಾಡಕ್ಕೆ ಧುಮುಕಿದ ಪುಟ್ಟಗೌರಿ ಹಾಗೂ ಕನ್ನಡತಿ ಖ್ಯಾತಿಯ ಕಿರುತೆರೆ ನಟಿ ರಂಜನಿ ರಾಘವನ್ ತಮ್ಮ ನೆಚ್ಚಿನ ಅಭ್ಯರ್ಥಿಗಳ ಪರ ಮತಬೇಟೆ ನಡೆಸಿದ್ದಾರೆ. ಹೀಗಾಗಿ ಗಿರಿಸಾಗರ ಅಖಾಡಕ್ಕೆ ತಾರಾ ಮೆರುಗು ಬಂದಿದೆ.
ಗಿರಿಸಾಗರ ಗ್ರಾಮ ಪಂಚಾಯಿತಿ ಕ್ಷೇತ್ರಕ್ಕೆ ಸ್ಪರ್ಧಿಸುರುವ ವಿಜಯಲಕ್ಷ್ಮಿ ಹೂಗಾರ, ಯಂಕಪ್ಪ ನುಚ್ಚಿನ ಹಾಗೂ ಬಿ.ಎನ್. ಮೇತ್ರಿ ಪರ ರಂಜನಿ ರಾಘವನ್ ಮನೆಗೆ ತೆರಳಿ ಪ್ರಚಾರ ನಡೆಸಿದರು. ಜತೆಗೆ ಗ್ರಾಮದಲ್ಲಿ ರೋಡ್ ಶೋ ನಡೆಸಿ ಗಮನ ಸೆಳೆದರು. ಪುಟ್ಟಗೌರಿ ಧಾರಾವಾಯಿಯ ಜನಪ್ರಿಯತೆಯಿಂದಾಗಿ ರಂಜನಿ ರಾಘವನ್ ಕರ್ನಾಟಕದಾದ್ಯಂತ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಹೀಗಾಗಿ ರಂಜನಿ ಪ್ರಚಾರದ ವೇಳೆ ಅಭಿಮಾನಿಗಳೂ ತೆಗೆಸಿಕೊಳ್ಳಲು, ಸೆಲ್ಫಿ ತೆಗೆದುಕೊಳ್ಳಲು ಮುಗಿಬಿದ್ದ ಘಟನೆಯೂ ನಡೆಯಿತು. ಸೆಲ್ಫಿ ತೆಗೆದುಕೊಳ್ಳುವ ವೇಳೆ ಕೋವಿಡ್ ನಿಯಮ ಉಲ್ಲಂಘಿಸಿದ್ದಾರೆ ಎಂಬ ಆರೋಪವೂ ಕೇಳಿ ಬಂದಿದೆ.
ಗಿರಿಸಾಗರ ಗ್ರಾಮ ಪಂಚಾಯಿತಿ ಒಟ್ಟು 19 ಸ್ಥಾನಗಳಲ್ಲಿ 6 ಸ್ಥಾನಗಳಿಗೆ ಅವಿರೋಧ ಆಯ್ಕೆ ಆಗಿದೆ. ಉಳಿದ 13 ಸ್ಥಾನಗಳಿಗೆ ಚುನಾವಣೆ ನಡೆಯಲಿದ್ದು, ಮೂವರು ಅಭ್ಯರ್ಥಿಗಳ ಪರವಾಗಿ ರಂಜನಿ ರಾಘವನ್ ಪ್ರಚಾರ ನಡೆಸಿದ್ರು.
ರಂಜನಿ ರಾಘವನ್ ಪ್ರಚಾರದ ವೇಳೆ ಸ್ಥಳೀಯರು ಮಾಸ್ಕ್ ಧರಿಸಬೇಕೆಂಬ ನಿಯಮಕ್ಕೆ ಕವಡೆ ಕಾಸಿನ ಕಿಮ್ಮತ್ತೂ ಇರಲಿಲ್ಲ.
ಚುನಾವಣಾ ಆಯೋಗ ಗ್ರಾಮ ಪಂಚಾಯಿತಿ ಚುನಾವಣೆ ಪ್ರಚಾರದ ವೇಳೆ ಐದು ಜನಕ್ಕಿಂತ ಹೆಚ್ಚಿಗೆ ಸೇರುವಂತಿಲ್ಲ. ಆದರೆ, ಇಲ್ಲಿ ಸಾಮಾಜಿಕ ಅಂತರ, ಮಾಸ್ಕ್ ನಿಮಯಗಳೆಲ್ಲ ಮಾಯವಾಗಿದ್ದವು.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
