Ravi bishnoi | ಚೊಚ್ಚಲ ಪಂದ್ಯದಲ್ಲಿಯೇ ರವಿ ಬಿಷ್ಣೋಯಿ ದಾಖಲೆ
ವೆಸ್ಟ್ ಇಂಡೀಸ್ ವಿರುದ್ಧದ ಮೂರು ಟಿ 20 ಪಂದ್ಯಗಳ ಸರಣಿ ಭಾಗವಾಗಿ ನಡೆದ ಮೊದಲ ಟಿ 20 ಪಂದ್ಯದಲ್ಲಿ ಟೀಂ ಇಂಡಿಯಾ ಭೋಣಿ ಹೊಡೆದಿದೆ. ಕೋಲ್ಕತ್ತಾದಲ್ಲಿ ನಡೆದ ಪಂದ್ಯದಲ್ಲಿ ಟೀಂ ಇಂಡಿಯಾ ಆರು ವಿಕೆಟ್ ಗಳಿಂದ ಜಯ ಸಾಧಿಸಿದೆ. ravi-bishnoi-8th-indian-player-win-man-match-debut
ಇದರೊಂದಿಗೆ ಮೂರು ಪಂದ್ಯಗಳ ಟಿ 20 ಪಂದ್ಯದಲ್ಲಿ ಭಾರತ ತಂಡ 1-0 ಅಂತರದೊಂದಿಗೆ ಮುನ್ನಡೆ ಕಾಯ್ದುಕೊಂಡಿದೆ.
ಅಂದಹಾಗೆ ಭಾರತದ ಈ ಅಮೋಘ ಗೆಲುವಿನಲ್ಲಿ ಯುವ ಲೆಗ್ ಸ್ಪಿನ್ನರ್ ರವಿ ಬಿಷ್ಣೋಯಿ ಅಂತರಾಷ್ಟ್ರೀಯ ಕ್ರಿಕೆಟ್ ಗೆ ಪಾದಾರ್ಪಣೆ ಮಾಡಿದರು.
ಈ ಪಂದ್ಯದಲ್ಲಿ ನಾಲ್ಕು ಓವರ್ ಗಳನ್ನು ಎಸೆದ ರವಿ, 17 ಡಾಟ್ ಬಾಲ್ ಗಳನ್ನ ಮಾಡಿದರು. ಅಂದ್ರೆ ಅವರ ಮೂರು ಓವರ್ ಗಳಲ್ಲಿ ರನ್ ಗಳು ಬರಲೇ ಇಲ್ಲ.
ಅವರೇ 6 ವೈಡ್ ಗಳನ್ನ ಹಾಕಿದರು. 17 ರನ್ ನೀಡಿ 2 ವಿಕೆಟ್ ಪಡೆದರು. ಈ ಪ್ರದರ್ಶನಕ್ಕಾಗಿ ರವಿ ಮ್ಯಾನ್ ಆಫ್ ದಿ ಮ್ಯಾಚ್ ಪ್ರಶಸ್ತಿ ಪಡೆದರು.
ಇದರೊಂದಿಗೆ ಚೊಚ್ಚಲ ಪಂದ್ಯದಲ್ಲಿಯೇ ದಾಖಲೆಯೊಂದನ್ನು ಬರೆದರು. ಅಂತರಾಷ್ಟ್ರೀಯ ಟಿ20 ಚೊಚ್ಚಲ ಪಂದ್ಯದಲ್ಲಿ ಈ ಸಾಧನೆ ಮಾಡಿದ ಎಂಟನೇ ಭಾರತೀಯ ಎನಿಸಿಕೊಂಡಿದ್ದಾರೆ.
ಬಿಷ್ಣೋಯಿಗೂ ಮೊದಲು ದಿನೇಶ್ ಕಾರ್ತಿಕ್, ಸುಬ್ರಹ್ಮಣ್ಯಂ ಬದ್ರಿನಾಥ್, ಪ್ರಗ್ಯಾನ್ ಓಜಾ, ಅಕ್ಷರ್ ಪಟೇಲ್, ಬರಿಂದರ್ ಸ್ರಾನ್, ನವದೀಪ್ ಸೈನಿ ಮತ್ತು ಹರ್ಷಲ್ ಪಟೇಲ್ ಈ ಸಾಧನೆ ಮಾಡಿದ್ದರು.
ಪ್ರಶಸ್ತಿ ಗೆದ್ದ ಬಳಿಕ ಮಾತನಾಡಿದ ರವಿ ಬಿಷ್ಣೋಯ್, ಟೀಂ ಇಂಡಿಯಾ ಪರ ಆಡುವ ನನ್ನ ಕನಸು ನನಸಾಗಿದೆ. ತುಂಬಾ ಸಂತೋಷವಾಗಿದೆ.
ಟಿ20 ಕ್ರಿಕೆಟ್ನಲ್ಲಿ ವೆಸ್ಟ್ ಇಂಡೀಸ್ ಬಲಿಷ್ಠ ತಂಡ. ಹಾಗಾಗಿ ಮೊದಲಿಗೆ ಸ್ವಲ್ಪ ಭಯವಿತ್ತು. ಆದರೆ, ಮೊದಲ ಪಂದ್ಯದಲ್ಲಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಬರುತ್ತದೆ ಎಂದು ನಿರೀಕ್ಷಿಸಿರಲಿಲ್ಲ. ಇದು ನನಗೆ ನಿಜವಾಗಿಯೂ ವಿಶೇಷವಾಗಿದೆ ಎಂದಿದ್ದಾರೆ.
