ಇಡೀ ಭಾರತದ ಅತಿ ಹೆಚ್ಚು ಸಿನಿಪ್ರಿಯರು ಕಾಯುತ್ತಿರುವ ಸಿನಿಮಾ ಯಾವುದು ಗೊತ್ತಾ..! ಬುಕ್ ಮೈ ಶೋ ನಲ್ಲಿ ರೆಕಾರ್ಡ್ ಮುರಿದ ‘ರಾಖಿ ಭಾಯ್”..!
ಇಡೀ ಭಾರತೀಯ ಸಿನಿಮಾರಂಗವೇ ಜಾತಕ ಪಕ್ಷಿಯಂತೆ ಕಾದು ಕುಳಿತಿರುವ ಸಿನಿಮಾ ನಮ್ಮ ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಪ್ರಸಾಂತ್ ನೀಲ್ ಸಾರಥ್ಯದ ಬಹುನಿರೀಕ್ಷೆಯ ಕೆಜಿಎಫ್ ಚಾಪ್ಟರ್ 2 ಅನ್ನೋದು ಎಲ್ಲರಿಗೂ ಗೊತ್ತೇ ಇದೆ. ಆದ್ರೆ ಇದೀಗ ಇದು 100ಕ್ಕೆ 100 % ನಿಜ ಅನ್ನೋದಕ್ಕೆ ಬುಕ್ ಮೈ ಶೋ ಮೂಲಕ ಸಾಕ್ಷಿಯೂ ಸಿಕ್ಕಿದ್ದು, ಕನ್ನಡಿಗರು ಹೆಮ್ಮೆ ಪಡಬೇಕಾದ ವಿಚಾರ ಹಾಗೂ ಯಶ್ ಅಭಿಮಾನಿಗಳು ರಾಖಿ ಭಾಯ್ ಹೆರಲ್ಲಿ ಜೈಕಾರ ಹಾಕಬೇಕಾದ ವಿಚಾರ..
ಯಾಕಂದ್ರೆ ಭಾರತದಲ್ಲಿಯೇ ಅತಿ ಹೆಚ್ಚು ಜನ ನೋಡಲು ಕಾತರರಾಗಿ ಕಾಯುತ್ತಿರುವ ಸಿನಿಮಾ ‘ಕೆಜಿಎಫ್ 2’ ಆಗಿದೆ. ಬುಕ್ಮೈ ಶೋನ ವೆಬ್ಸೈಟ್ನಲ್ಲಿ ಸಿನಿಮಾದ ಬಿಡುಗಡೆಗೆ ಹಲವು ದಿನಗಳ ಮುಂಚೆಯೇ ಈ ಸಿನಿಮಾ ನೋಡಲು ಕಾಯುತ್ತಿದ್ದೀರಾ ಎಂಬ ಆಯ್ಕೆಯೊಂದು ಸಿನಿಮಾದ ಪೋಸ್ಟರ್ಜೊತೆಗೆ ಬರುತ್ತದೆ. ಈ ಆಯ್ಕೆಗೆ 3 ಲಕ್ಷಕ್ಕೂ ಹೆಚ್ಚು ಮಂದಿ ಬುಕ್ಮೈ ಶೋನಲ್ಲಿ ಆಸಕ್ತಿ ವ್ಯಕ್ತಪಡಿಸಿದ್ದಾರೆ.
3 ಲಕ್ಷಕ್ಕೂ ಹೆಚ್ಚು ಮಂದಿ ಆಸಕ್ತಿ ವ್ಯಕ್ತಪಡಿಸಿದ್ದಾರೆ. ‘ಕೆಜಿಎಫ್ 2’ ಹೊರತಾಗಿ ಭಾರತದ ಇನ್ನಾವುದೇ ಸಿನಿಮಾಕ್ಕೆ ಇಷ್ಟೋಂದು ಮಂದಿ ಸಿನಿಮಾ ನೋಡಲು ಕಾತರರಾಗಿರುವುದಾಗಿ ಬುಕ್ಮೈ ಶೋ ನಲ್ಲಿ ಆಸಕ್ತಿ ವ್ಯಕ್ತಪಡಿಸಿಲ್ಲ.
ಹೌದು ಕೆಜಿಎಫ್ ಚಾಪ್ಟರ್ 2 ರಿಲೀಸ್ ಆಗಿ ಎಲ್ಲಾ ರೆಕಾರ್ಡ್ ಗಳನ್ನ ಧೂಳಿಪಟ ಮಾಡಿ ವಿಶ್ವ ದಾಖಲೆ ಮಾಡಿತ್ತು. ಅದಾದ ನಂತರ ಸಿನಿಮಾದ ಮೇಲಿನ ಆಸಕ್ತಿ ಇನ್ನಷ್ಟು ಹೆಚ್ಚಾಗಿದ್ದು ಟೀಸರ್ ನಲ್ಲಿ ರಾಖಿ ಭಾಯ್ ಖದರ್ ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಸಿನಿಮಾ ರಿಲೀಸ್ ಗಾಗಿ ತುದಿಗಾಲಿನಲ್ಲಿ ಕಾಯ್ತಿದ್ದಾರೆ. ಆದ್ರೆ ಸಿನಿಮಾ ಜುಲೈ 16 ಕ್ಕೆ ರಿಲೀಸ್ ಆಗುವುದಾಗಿ ಘೋಷಣೆಯಾಗಿದ್ರು ಕೊರೊನಾ ಹಾವಳಿಯ ನಡುವೆ ರಿಲೀಸ್ ಆಗೋದು 100% ಡೌಟೇ..
ಸಿನಿಮಾದಲ್ಲಿ ಯಶ್ ಜೊತೆಗೆ ಸಂಜಯ್ ದತ್, ಶ್ರೀನಿಧಿ ಶೆಟ್ಟಿ, ರವೀನಾ ಟಂಡನ್, ಪ್ರಕಾಶ್ ರೈ ಇನ್ನೂ ಹಲವು ಪ್ರಮುಖ ನಟರು ನಟಿಸಿದ್ದಾರೆ. ಭಾರತದಲ್ಲಿ ಯೂಟ್ಯೂಬ್ನಲ್ಲಿ ಅತ್ಯಂತ ಕಡಿಮೆ ಅವಧಿಯಲ್ಲಿ ಅತಿ ಹೆಚ್ಚು ಜನ ವೀಕ್ಷಿಸಿದ ಟ್ರೇಲರ್ ಎಂಬ ಖ್ಯಾತಿಗೆ ಒಳಗಾಗಿತ್ತು. ಅತ್ಯಂತ ಕಡಿಮೆ ಅವಧಿಯಲ್ಲಿ 100 ಮಿಲಿಯನ್ಗೂ ಹೆಚ್ಚು ಮಂದಿ ಕೆಜಿಎಫ್ 2 ಟ್ರೇಲರ್ ವೀಕ್ಷಿಸಿದ್ದರು.