Rohit Sharma – ಅರ್ಷ್ ದೀಪ್.. ನಿಜವಾದ ಮ್ಯಾಚ್ ವಿನ್ನರ್
ಟಿ 20 ವಿಶ್ವಕಪ್ ಭಾಗವಾಗಿ ಅಡಿಲೇಡ್ ನಲ್ಲಿ ನಡೆದ ಪಂದ್ಯದಲ್ಲಿ ಟೀಂ ಇಂಡಿಯಾ, ಬಾಂಗ್ಲಾದೇಶದ ವಿರುದ್ಧ ಐದು ರನ್ ಗಳಿಂದ ಗೆಲುವು ಸಾಧಿಸಿದೆ.
ಈ ಜಯದೊಂದಿಗೆ ಟೀಂ ಇಂಡಿಯಾ ಸೆಮೀಸ್ ಹಾದಿ ಸುಗಮವಾಗಿದೆ.
ಈ ನಡುವೆ ಈ ಪಂದ್ಯದಲ್ಲಿ ಟೀಂ ಇಂಡಿಯಾದ ಯಂಗ್ ಬೌಲರ್ ಅರ್ಷ್ ದೀಪ್ ಸಿಂಗ್ ಪ್ರದರ್ಶನದ ಬಗ್ಗೆ ಟೀಂ ಇಂಡಿಯಾದ ನಾಯಕ ರೋಹಿತ್ ಶರ್ಮಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಒಂದು ಕಡೆ ಒತ್ತಡ.. ಮತ್ತೊಂದು ಕಡೆ ಸಂತೋಷ ಎರಡನ್ನೂ ಬ್ಯಾಲೆನ್ಸ್ ಮಾಡಬೇಕಾದ ಪರಿಸ್ಥಿತಿ ಬಂದಿದೆ.
ಬಾಂಗ್ಲಾದೇಶ ತಂಡದ ಬಳಿ 10 ವಿಕೆಟ್ ಗಳಿದ್ದಾಗ ಕೊಂಚ ಭಯವಾಗಿತ್ತು. ಮಳೆ ಬಂದಾಗ ಓ ನಮ್ಮ ಕೆಲಸ ಮುಗೀತು ಅಂದುಕೊಂಡಿದ್ದೇವು.
ಆದ್ರೆ ಮಳೆಯ ನಂತರ ಶುರುವಾದ ಮ್ಯಾಚ್ ನಲ್ಲಿ ನಮ್ಮ ಬೌಲರ್ ಗಳು ಅದ್ಭುತ ಪ್ರದರ್ಶನ ನೀಡಿದರು.
ಮುಖ್ಯವಾಗಿ ಮ್ಯಾಚ್ ನಲ್ಲಿ ಹೀರೋ ಅರ್ಷ್ ದೀಪ್ ಸಿಂಗ್. ಒತ್ತಡದ ಸಂದರ್ಭದಲ್ಲಿ ಬೌಲಿಂಗ್ ಮಾಡುವುದು ದೊಡ್ಡ ಸವಾಲು. ದೆತ್ ಓವರ್ ಗಳಲ್ಲಿ ಬುಮ್ರಾ ಸ್ಥಾನವನ್ನು ಅರ್ಷ್ ದೀಪ್ ತುಂಬುತ್ತಿದ್ದಾರೆ.
ಏಪ್ಯಾಕಪ್ ನಿಂದ ಅರ್ಷ್ ದೀಪ್ ಉತ್ತಮ ಲಯದಲ್ಲಿದ್ದಾರೆ. ಇದರ ಹಿಂದೆ ಒಂಭತ್ತು ತಿಂಗಳ ಕಠೋರ ಶ್ರಮವಿದೆ. ಇನ್ನು ಕೆ.ಎಲ್.ರಾಹುಲ್ ಫಾರ್ಮ್ ಗೆ ಬಂದಿದ್ದು ಒಳ್ಳೆಯ ವಿಚಾರ.
ಅವರ ಬ್ಯಾಟಿಂಗ್ ಮೇಲೆ ತಂಡ ಎಂದೂ ನಂಬಿಕೆ ಕಳೆದುಕೊಂಡಿರಲಿಲ್ಲ. ಇನ್ನು ಕೊಹ್ಲಿ ಬಗ್ಗೆ ಹೇಳೋಕೆ ಏನು ಇಲ್ಲ.
ಟಿ 20 ವಿಶ್ವಕಪ್ ಅನ್ನ ವಿರಾಟ್ ಟಾರ್ಗೆಟ್ ಮಾಡಿದ್ದಾರಾ ಅನಿಸುತ್ತಿದೆ. ವಿರಾಟ್ ಫಾರ್ಮ್ ನಲ್ಲಿದ್ದರೇ ತಡೆಯೋದು ತುಂಬಾ ಕಷ್ಟ. ಇದು ಹೀಗೆ ಮುಂದುವರೆಯಲಿ ಎಂದಿದ್ದಾರೆ ರೋಹಿತ್ ಶರ್ಮಾ.
