RRR oscar : ಆಸ್ಕರ್ ಬಂದರೂ ಶುಭ ಕೋರಲಿಲ್ಲ – ಮೌನ ತಾಳಿದ ಬಾಲಿವುಡ್ ಮಂದಿ…

RRR ಚಿತ್ರದ ನಾಟು ನಾಟು ಹಾಡಿಗೆ ಗ ಸಿನಿ ವಿಶ್ವದ ಬಹು ಪ್ರತಿಷ್ಟಿತ ಆಸ್ಕರ್ ಪ್ರಶಸ್ತಿ ಬಂದಿರುವುದು ಭಾರತೀಯ ಚಿತ್ರಪ್ರೇಮಿಗಳಿಗೆ ಸಂತಸ ತಂದಿದ್ದು, ಮತ್ತೊಮ್ಮೆ ನಾಟು ನಾಟು ಅಂತ ಹೆಜ್ಜೆ ಹಾಕುತ್ತಿದ್ದಾರೆ. ಹಾಲಿವುಡ್ ಮಾಧ್ಯಮಗಳಿಂದ ಹಿಡಿದು ಲೋಕಲ್ ಚಾನೆಲ್ ಗಳ ವರೆಗೆ ನಾಟು ನಾಟು ಪ್ರತಿಧ್ವನಿಸಿದೆ. ಆದೇ ಇಷ್ಟೆಲ್ಲ ಸಂತಸದ ನಡುವೆಯೂ ಬಾಲಿವುಡ್ ತನ್ನ ಹಳೇ ಚಾಳಿಯನ್ನ ಬಿಡದೆ ಅಸೂಯೇ ಪಟ್ಟಿದೆ.

RRR ಚಿತ್ರಕ್ಕೆ ಆಸ್ಕರ್ ಪ್ರಶಸ್ತಿ ಬಂದ ನಂತರ ಚಿತ್ರರಂಗದ ಎಲ್ಲಾ ಗಣ್ಯರು ರಾಜಮೌಳಿ ಮತ್ತವರ ತಂಡವನ್ನ ಹೊಗಳುತ್ತಿದ್ದಾರೆ. ಸೌತ್ ಚಿತ್ರರಂಗವಂತೂ ತಮ್ಮದೇ ಗೆಲುವು ಎನ್ನುವಂತೆ ಸಂಭ್ರಮಿಸುತ್ತಿದೆ. ಆದೇ ಬಾಲಿವುಡ್ ಮಾತ್ರ ಮೌನವಾಗಿದೆ. ದಕ್ಷಿಣದ ಸಿನಿಮಾಗಳನ್ನ ಎರಡನೇ ದರ್ಜೆಯ ಸಿನಿಮಾಗಳಂತೆ ನೋಡುವ ಬಾಲಿವುಡ್ ಆಸ್ಕರ್ ಪ್ರಶಸ್ತಿ ಬಂದಿದ್ದರು ಸಹ ಮೌನವಾಗಿದ್ದು ತಮ್ಮ ಬೇಸರವನ್ನ ಮತ್ತು ಅಸೂಯೆಯನ್ನ ಹೊರಹಾಕುತ್ತಿದೆ. ಬಾಲಿವುಡ್ ಗೆ ಯಾವುದೇ ಪ್ರಶಸ್ತಿ ಬಂದರೂ ಸಾಮಾಜಿಕ ಜಾಲತಾಣದಲ್ಲಿ ಶುಭಕೋರುವ ಬಾಲಿವುಡ್ ಮಂದಿ ಇದೀಗ ಪ್ರತಿಷ್ಠಿತ ಆಸ್ಕರ್ ಬಂದರೂ ಸಹ ಸುಮ್ಮನಿರುವುದು ಎಲ್ಲರ ಅಚ್ಚರಿಗೆ ಕಾರಣವಾಗಿದೆ.

ಶಾರುಖ್ ಮಾತ್ರ RRR ಆಸ್ಕರ್‌ ಗೆ ಶುಭಾಶಯಗಳನ್ನ ಹೇಳುವ ಮೂಲಕ ಗಮನ ಸೆಳೆದಿದ್ದಾರೆ, ಆದರೇ ಸಲ್ಮಾನ್ ಖಾನ್, ಅಮೀರ್ ಖಾನ್ ರಂತಹ ದೊಡ್ಡ ಸ್ಟಾರ್ ಗಳು RRR ಬಗ್ಗೆ ಕನಿಷ್ಠ ಟ್ವಿಟರ್ ನಲ್ಲಿ ಟ್ವೀಟ್ ಮಾಡದೆ ದೂರ ಉಳಿದಿದ್ದಾರೆ. ನೆಟ್ಟಿಗರು ಈ ಬಗ್ಗೆ ಗಮನಿಸಿದ್ದು ಬಾಲಿವುಡ್ ಸ್ಟಾರ್ ಗಳನ್ನ ನಿಂದಿಸಲು ಶುರು ಮಾಡಿದ್ದಾರೆ.

ರಾಮ್ ಚರಣ್ ಮತ್ತು ಜೂನಿಯರ್ ಎನ್ ಟಿ ಆರ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ RRR ಚಿತ್ರ ನಾಟು ನಾಟು ಹಾಡು ಬೆಸ್ಟ್ ಒರಿಜಿನಲ್ ಸಾಂಗ್ ಎಂಬ ಕೆಟಗರಿಯಲ್ಲಿ ಆಸ್ಕರ್ ಪ್ರಶಸ್ತಿಯನ್ನ ಮುಡಿಗೆರಿಸಿಕೊಂಡಿದೆ. ಈ ಹಾಡಿಗೆ ಕೀರವಾಣಿ ಸಂಗೀತ ಸಂಯೋಜಿಸಿದ್ದಾರೆ.