ರಷ್ಯಾದಲ್ಲಿ ಸಾಮಾಜಿಕ ಜಾಲತಾಣ ನಿಷೇಧ – ಹೆಚ್ಚಾದ VPN ಬಳಕೆ..
ರಷ್ಯಾ ಮತ್ತು ಉಕ್ರೇನ್ ನಡುವೆ ನಡೆಯುತ್ತಿರುವ ಯುದ್ಧದ ನಡುವೆ ರಷ್ಯಾ ಸರ್ಕಾರವು ಮೆಟಾ ಒಡೆತನದ Instagram ಅಪ್ಲಿಕೇಶನ್ ಅನ್ನು ನಿಷೇಧಿಸಿದೆ. ಇನ್‌ಸ್ಟಾಗ್ರಾಮ್‌ಗಿಂತ ಮೊದಲು, ರಷ್ಯಾದಲ್ಲಿ ಫೇಸ್‌ಬುಕ್ ಅನ್ನು ಸಹ ನಿಷೇಧಿಸಲಾಗಿತ್ತು. ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್ ಹೊರತುಪಡಿಸಿ, ಟಿಕ್‌ಟಾಕ್ ಅನ್ನು ರಷ್ಯಾದಲ್ಲಿ ಭಾಗಶಃ ನಿಷೇಧಿಸಲಾಗಿದೆ, ಅಂದರೆ, ಟಿಕ್‌ಟಾಕ್ ಬಳಕೆದಾರರು ಈಗಾಗಲೇ ಅಪ್‌ಲೋಡ್ ಮಾಡಿದ ವೀಡಿಯೊಗಳನ್ನು ವೀಕ್ಷಿಸಬಹುದಾಗಿದೆ. ಆದರೆ ಹೊಸ ವೀಡಿಯೊಗಳನ್ನು ಅಪ್‌ಲೋಡ್ ಮಾಡಲು ಸಾಧ್ಯವಿಲ್ಲ, ಆದಾಗ್ಯೂ ಯುಟ್ಯೂಬ್ ಮತ್ತು ಟೆಲಿಗ್ರಾಮ್‌ನಂತಹ ಅಪ್ಲಿಕೇಶನ್‌ಗಳನ್ನು ರಷ್ಯಾದಲ್ಲಿ ಇನ್ನೂ ಬಳಸಲಾಗುತ್ತಿದೆ.
Related posts
ವಿಶ್ವದ ಎಲ್ಲಾ ಸರ್ಕಾರಗಳಂತೆ, ರಷ್ಯಾ ಕೂಡ ಸಾಮಾಜಿಕ ಜಾಲತಾಣಗಳನ್ನ ನಿಷೇಧಿಸಿದೆ, ಆದರೆ ನಿಷೇಧದ ನಡುವೆ VPN ಮೂಲಕ ಜಾಲತಾಣಗಳನ್ನ ವಿಕ್ಷಿಸುತ್ತಿದ್ದಾರೆ. ರಷ್ಯಾದಲ್ಲೀಗ ವರ್ಚುವಲ್ ಪ್ರೈವೇಟ್ ನೆಟ್‌ವರ್ಕ್ (VPN) ಗೆ ಬೇಡಿಕೆ ಹೆಚ್ಚಾಗುತ್ತಿದೆ. ಚೀನಾ ಮತ್ತು ಭಾರತ ಸೇರಿದಂತೆ ವಿಶ್ವದ ಅನೇಕ ದೇಶಗಳಲ್ಲಿ VPN ಅನ್ನು ದೊಡ್ಡ ಪ್ರಮಾಣದಲ್ಲಿ ಬಳಸಲಾಗುತ್ತದೆ. ಜಾಲತಾಣಗಳ ನಿಷೇಧದ ನಂತರ ರಷ್ಯಾದಲ್ಲಿ VPN ಬೇಡಿಕೆ 668% ಹೆಚ್ಚಾಗಿದೆ.
ರಷ್ಯಾದಲ್ಲಿ ತಮ್ಮ ಸೇವೆಗಳನ್ನು ಮುಚ್ಚಿದ ಜನಪ್ರಿಯ ಕಂಪನಿಗಳು
ಮೆಟಾ: ಮೆಟಾದ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ವಾಟ್ಸಾಪ್ ಅನ್ನು ರಷ್ಯಾದ ಮಾದ್ಯಮಗಳು ಬಳಸಲಾಗುತ್ತಿಲ್ಲ. ಇದಲ್ಲದೆ, ಇವುಗಳ ಮೂಲಕ ರಷ್ಯಾದಲ್ಲಿ ಹಣಗಳಿಕೆಯನ್ನು ನಿಲ್ಲಿಸಲಾಗಿದೆ.
YouTube: ರಷ್ಯಾದ ಮೀಡಿಯಗಳಿಗೆ YouTube ಚಾನಲ್‌ನಿಂದ Google ಜಾಹೀರಾತುಗಳನ್ನು ತೆಗೆದು ಹಾಕಲಾಗಿದೆ.
ಟಿಕ್‌ಟಾಕ್: ಯುರೋಪ್‌ನಲ್ಲಿ, ಆರ್‌ಟಿ ಮತ್ತು ಸ್ಪುಟ್ನಿಕ್‌ಗೆ ಸಂಬಂಧಿಸಿದ ಸ್ಟೇಟ್ ಮೀಡಿಯಾದ ಖಾತೆಗಳಿಗೆ ಟಿಕ್‌ಟಾಕ್ ಪ್ರವೇಶ ರದ್ದು ಮಾಡಲಾಗಿದೆ. ಇದರ ಹೊರತಾಗಿ, ಟಿಕ್‌ಟಾಕ್ ಬಳಕೆದಾರರು ಹೊಸ ವೀಡಿಯೊಗಳನ್ನು ಅಪ್‌ಲೋಡ್ ಮಾಡಲು ಸಾಧ್ಯವಿಲ್ಲ.
ಟ್ವಿಟರ್: ರಷ್ಯಾ ಮತ್ತು ಉಕ್ರೇನ್ ನಡುವೆ ನಡೆಯುತ್ತಿರುವ ಯುದ್ಧದ ನಡುವೆ ಟ್ವಿಟರ್ ಜಾಹೀರಾತುಗಳನ್ನು ನಿಷೇಧಿಸಲಾಗಿದೆ.
TSMC: ತೈವಾನ್‌ನ TSMC ರಷ್ಯಾದಲ್ಲಿ ವಿನ್ಯಾಸಗೊಳಿಸಲಾದ ಎಲ್ಬ್ರಸ್-ಬ್ರಾಂಡ್ ಚಿಪ್‌ಗಳನ್ನು ಒಳಗೊಂಡಂತೆ ರಷ್ಯಾದ ಮಾರುಕಟ್ಟೆಯಲ್ಲಿ ಎಲ್ಲಾ ಚಿಪ್‌ಸೆಟ್‌ಗಳ ಮಾರಾಟವನ್ನು ನಿಷೇಧಿಸಿದೆ.
ನೆಟ್‌ಫ್ಲಿಕ್ಸ್: ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್ ರಷ್ಯಾದ ಸರ್ಕಾರಿ ಟೆಲಿವಿಷನ್ ಚಾನೆಲ್‌ಗಳಾದ ಚಾನೆಲ್ ಒನ್ ಅನ್ನು ತನ್ನ ಪ್ಲಾಟ್‌ಫಾರ್ಮ್‌ನಲ್ಲಿ ನಿಷೇಧಿಸಿದೆ, ಆದರೂ ಕಂಪನಿಯು ರಷ್ಯಾದೊಂದಿಗೆ ತನ್ನ ವ್ಯವಹಾರವನ್ನು ಕೊನೆಗೊಳಿಸಿಲ್ಲ.
ಇಂಟೆಲ್: ಪ್ರಮುಖ ಚಿಪ್‌ಸೆಟ್ ತಯಾರಕ ಇಂಟೆಲ್ ರಷ್ಯಾದಲ್ಲಿ ತನ್ನ ಚಿಪ್‌ಗಳ ಮಾರಾಟವನ್ನು ನಿಲ್ಲಿಸಿದೆ.
ಇವುಗಳಲ್ಲದೆ AMD, Dell, Uber, Bolt, Snapchat, Viber, Roku, Microsoft, Nokia ಮತ್ತು Apple ಕೂಡ ರಷ್ಯಾದಲ್ಲಿ ತಮ್ಮ ಸೇವೆಗಳನ್ನು ನಿಲ್ಲಿಸಿವೆ.
