ನನ್ನ ಮುದ್ದು ತಮ್ಮ ….
ರಕ್ಷಾಬಂಧನ ಮುಗಿದ ದಿನಗಳ ನಂತರ ಲೇಖನ ಹಾಕುತ್ತಿದ್ದೇನೆ ಕ್ಷಮೆಯಿರಲಿದೆ… ಆದ್ರೆ ತಮ್ಮನ ಮೇಲಿನ ಪ್ರೀತಿ ತೋರಿಸಲು ಯಾವ ಸಮಯವಾದರೇನಲ್ಲವೇ..??
ನನ್ನ ಅಣ್ಣನಂತೆ ಇರುವ ನನ್ನ ಮುದ್ದು ತಮ್ಮ… ಪ್ರೀತಿ ಕೊಡುವುದರಲ್ಲೂ ಎತ್ತಿದ ಕೈ , ಜಗಳವಾಡುವುದರಲ್ಲೂ ಅವನದ್ದೇ ಮೇಲುಗೈ, ನನ್ನ ಆಡಿಕೊಳ್ಳುವುದರಲ್ಲಿ , ಹೀಯಾಳಿಸಿ , ಗೋಳು ಕೊಡುವವರ ಪಟ್ಟಿಯಲ್ಲೂ ಅವನದ್ದೇ ಅಗ್ರಸ್ಥಾನ…
ಕಷ್ಟ ಬಂದಾಗ ಮೊದಲಿಗೆ ನನಗೆ ನೆನಪಾಗುವ ವ್ಯಕ್ತಿ, ತಾಯಿಯಂತೆ ನಾನು ಆರೈಕೆ ಮಾಡಬೇಕೆನಿಸುವ ಮುದ್ದು ಬಂಗಾರ ,, ನನ್ನ ಮನದಲ್ಲಿ ಓಡಾಡುತ್ತಿರುವ ಗೊಂದಲವನ್ನ ಎಲ್ಲರಿಗಿಂತ ಮುಂಚೆಯೇ ಅರಿಯುವ , ನನ್ನ ಮುಖದ ಮೇಲಿನ ಹುಸಿ ನಗುವನ್ನ ಕಂಡು ಹಿಡಿಯಬಲ್ಲ , ನಾನು ನನ್ನ ಬೇಸರವನ್ನ , ಮನದ ದುಗುಡವನ್ನ ಹೇಳಿಕೊಳ್ಳುವ ವರೆಗೂ ಬಿಡದ ,, ಹೇಳಿದ ಮೇಲೆ ಅದಕ್ಕೆ ಸೂಕ್ತ ಪರಿಹಾರ ಕೊಟ್ಟು , ಸಮಾಧಾನ ಮಾಡುವ ನನ್ನ ಆತ್ಮೀಯ ಗೆಳೆಯ ನನ್ನ ಮುದ್ದು ತಮ್ಮ…
ಸಮಯ ಬಂದಾಗ ನನಗೆ ಅಂಗರಕ್ಷಕನಾಗುವ ನನ್ನ ತಮ್ಮನಿಗೆ ಚಿಕ್ಕ ವಯಸ್ಸಿನಲ್ಲಿ ನಾನೇ ಅಂಗರಕ್ಷಕಿಯಾಗಿದ್ದೆ.. ಅವನಿಗೆ ಯಾರಾದರೂ ತೊಂದರೆ ಕೊಟ್ಟರೆ , ಅವರನ್ನ ಸುಮ್ಮನೆ ಬಿಡುತ್ತಿರಲಿಲ್ಲ… ಎಷ್ಟೋ ಸಲ , ವಯಸ್ಸಿನಲ್ಲಿ ತುಂಬಾ ದೊಡ್ಡವರನ್ನೂ ಅಷ್ಟು ಚಿಕ್ಕ ವಯಸ್ಸಲ್ಲಿ ಎದುರು ಹಾಕಿಕೊಂಡಿದ್ದೆ, ಶೂ ರುಚಿ ಕೂಡ ತೋರಿಸಿದ್ದೆ.. ಆಗ ಒಂದೂ ಕ್ಷಣವೂ ಭಯವಾಗಿರಲಿಲ್ಲ.. ನನಗೆ .. ನನಗೆ ನನ್ನ ತಮ್ಮ ಮುಖ್ಯ ಮಿಕ್ಕವರು ನನಗೆ ನಂತರ..
ನನ್ನ ತಮ್ಮನ ತಪ್ಪಿದ್ದಾಗ ಅವನಿಗೆ ನಾನು ಬೈದು ಬುದ್ದಿವಾದ ಹೇಳಿರುವೆ.. ನಾನು ತಪ್ಪು ಮಾಡಿದಾಗ ನನ್ನ ಸರಿದಾರಿಗೆ ಬರುವಂತೆ ನನ್ನ ತಮ್ಮ ನನಗೆ ಸಲಹೆ ನೀಡುವನು.. ಮೊದಲು ಕಷ್ಟ ಬಂದರೆ , ದುಡ್ಡು ಕಾಅಇನ ತೊಂದರೆಯಾದರೂ ಮತ್ತೊಂದಾದ್ರು ,, ಮೊದಲು ಫೋನ್ ಹೋಗೋದೆ ಅವನಿಗೆ.. ಅದೆಂಥ ಕಷ್ಟನೇ ಇರಲಿ , ಸಂದರ್ಭವೇ ಇರಲಿ ,, ನನ್ನ ತಮ್ಮ ತನ್ನಿಂದ ಆಗಲ್ಲ ಅಂತ ಹೇಳಿಲ್ಲಾ,, ಹೇಳೋದು ಇಲ್ಲ..
ನಾವಿಬ್ಬರು ಕಿತ್ತಾಡಿರುವಷ್ಟು ಹೊಡೆದಾಡಿಕೊಂಡು , ನಾಯಿಗಳಂಚೆ ಕಚ್ಚಾಡಿರುವಷ್ಟು ,, ಬಹುಶಃ ನಮ್ಮ ಶತ್ರುಗಳ ಜೊತೆಗೂ ಕಿತ್ತಾಡಿಲ್ಲ.. ಆದ್ರೆ ಬೆಳಿಗ್ಗೆ ಜಗಳ , ರಾತ್ರಿ ಅದೇ ಪ್ರೀತಿ ವಾತ್ಸಲ್ಯ, ನಾನು ಒಂದಿನ ಅವನನ್ನ ಮಾತನಾಡಿಸದೇ ಇರಲಾರೆ,, ಅವನಂತೂ ಮೊದಲೇ ಇರಲಾರ..
ಬಂದು ನನ್ನ ಕೆನ್ನೆ ಸವರಿ , ಸಾರಿ ಕಣೆ ಅಕ್ಕ ,, ಆದ್ರೂ ನಿನ್ನದೂ ತಪ್ಪಿಲ್ವಾ… ಅಂದು ಕಡೆಗೆ ನಾನು ಸಮಾಧಾನ ಆಗುವವರೆಗೂ ಬಿಡೋದಿಲ್ಲ…
ನನಗಿಂತ ಹೆಚ್ಚು ಜವಾಬ್ದಾರಿ ತೆಗೆದುಕೊಳ್ಥಾನೆ.. ,,, ನನ್ನ ತಂಟೆಗೆ ಬಂದವರ ವಿರುದ್ಧ ಮುಗಿಬಿದ್ದಿದ್ದಾನೆ… ಅವರಿಗೆ ಪಾಠವೂ ಕಲಿಸಿದ್ದಾನೆ…
ನನ್ನ ಕಣ್ಣಲ್ಲಿ ನೀರು ಬಂದರೆ ,, ಅವನ ಕಣ್ಣಲ್ಲೂ ನೀರು ಬರುತ್ತೆ… ಅವನಿಗೆ ತೊ.ದರೆ ಆದ್ರೆ ನನ್ನ ಎದೆ ಬಡಿತ ಒಂದ್ ಕ್ಷಣ ನಿಂತು ಹೋಗುತ್ತೆ…
ಅವನಿಗೆ ಎಷ್ಟೋ ಬಾರಿ ದೊಡ್ಡ ದೊಡ್ಡ ತೊಂದರೆಗಳಾಗಿದೆ.. ಆದ್ರೆ ಆಗ ನೋವನುಭವಿಸಿದವಳು ನಾನು,, ಅತ್ತಿದ್ದು ನಾನು ,, ಭಯದಲ್ಲಿ ನಡುಗುತ್ತಾ ,, ಮಾನಸಿಕವಾಗಿಕುಗ್ಗಿಹೋಗಿದ್ದವಳು ನಾನು..
ನನ್ನ ಕಠಿಣ ಸಮಯದಲ್ಲಿ ನನಗೆ ಸಾಂತ್ವಾನ ಹೇಳಿ ಅಣ್ಣನಂತೆ ಧೈರ್ಯ ತುಂಬಿದವನು ತನ್ನ ಮುದ್ದು ತಮ್ಮ… ಯಾರ ಬಳಿ ಕೈ ಚಾಚಬೇಡ ,, ನನ್ನ ಕೇಳು ಸಾಕು ,, ಅನ್ನುವನು,, ಅವನೇ ಬೇರೆ ಅವರ ಬಳಿ ಕೈ ಚಾಚಿ ಙ್ನ ಬೇಡಿಕೆ ಈಡೇರಿಸುವನು..
ಯಾಕೋ ಇನ್ನೂ ಬರಿತಲೇ ಇದ್ರೆ ಬರಿತಲೇ ಇರಬೇಕನ್ಸುತ್ತೆ… ಆದ್ರೆ …
ನನ್ನ ಮುದ್ದು ತಮ್ಮನ ಬಗ್ಗೆ ಎಷ್ಟ್ ಹೊಗಳಿದ್ರೂ ಸಾಲಲ್ಲ,,, ಲವ್ ಯೂ ಅಚ್ಚು ….
