ಏನೇ ಹೇಳಿ ಪ್ರೇಯಸಿಯ ಬಗ್ಗೆ ಹೇಳೋದು ಒಂದು ಅದ್ಬುತ…..!
ಆದ್ರೆ ನಡೆದ ಘಟನೆಗಳನ್ನ ಮೆಲುಕು ಹಾಕಿದಾಗ ಆಗುವ ರೋಮಾಂಚನ ಇನ್ನು ಅದ್ಬುತ…..!
ನನ್ನ ರಾಧೆ…..ನನ್ನ ಮನದರಸಿ….ನನ್ನ ಎದೆಬಡಿತ ಎಂದು ನಾನು ಸುಮ್ಮನೆ ಹೇಳಲ್ಲ.
ನನ್ನ ಜೀವನದ ಸುದಿನ ನಾನು ನನ್ನವಳ….ಹೃದಯ ಬಡಿತವನ್ನು ಕಿವಿಗೋಟ್ಟು ಕೇಳಿದ ದಿನ……
ನಾನು ಅವಳ ಎದೆಯ ಬಡಿತವನ್ನು ಮೊದಲ ಬಾರಿ ಕೇಳಿದ ದಿನ ….
ಸುತ್ತಲೂ ನಿಶಬ್ದ…..
ಎತ್ತ ನೋಡಿದರು ಕತ್ತಲು….
ಆ ದಿನ ಅವಳೊಟ್ಟಿಗೆ….
ಅಷ್ಟು ಸಮೀಪದಲ್ಲಿ ಕುಳಿತು ಮಾತನಾಡಿದ್ದು….
ಎಲ್ಲವೂ ನೆನಪಿದೆ.
ಆವತ್ತು ಸುಮ್ಮನಿರದ ಮನಸ್ಸು ಹೇಳಿತು …
ಅವಳ ಕೈಯನ್ನು ಹಿಡಿದು ಬರಸೆಳೆದು ನಿನ್ನ ಹತ್ತಿರ ಕರೆತಾ ಎಂದು..
ಮನಸ್ಸಿನ ಮಾತು ಕೇಳಿದ್ದ ನಾನು ಅವಳನ್ನು ಪಕ್ಕದಲ್ಲಿ ಕರೆದು…
ನನ್ನ ಕಾಲಮೇಲೆ ಕೂರಿಸಿಕೊಂಡೆ ….
ಆ ಕ್ಷಣದಲ್ಲಿ ಅವಳ ಹೃದಯ ಎಷ್ಟು ಜೋರಾಗಿ ಬಡೆದುಕೊಳ್ಳುತ್ತಿತ್ತು ಎಂದರೆ……..
ಅವಳ ಉಸಿರಾಟದ ಏರಿಳಿತ… ಎಷ್ಟು ವೇಗವಾಗಿತ್ಯಂದರೆ…..
ಆ ಕ್ಷಣವನ್ನು ಮರೆಯಲು ಅಸಾಧ್ಯ…
ಸುಮ್ಮನಿರದ ಪೋಲಿ ಮನಸ್ಸು ಅವಳ ಬೆನ್ನಿಗೆ ನನ್ನ ಕಿವಿಯನ್ನ ಇಟ್ಟು ಅವಳ ಹೃದಯ ಬಡಿತ ಕೇಳಿಯೇ ಬಿಟ್ಟಿತು…
ಲಬ್ ಡಬ್ ಲಬ್ ಡಬ್ ಲಬ್ ಡಬ್ ಲಬ್ ಎಂದು…
ಸಾಮಾನ್ಯಕಿಂತ ಜೋರಾಗಿ ಬಡೆದು ಕೊಳ್ಳುತ್ತಿತ್ತು…
ನನ್ನ ಕಿವಿಗೆ ಬಿದ್ದ ಕೋಮಲ ನಾದ ಅದಾಗಿತ್ತು…
ಆ ಕ್ಷಣದಲ್ಲಿ ನಾಚಿಕೆಯಿಂದ ನನ್ನ ತೊಡೆಯ ಮೇಲಿಂದ ಎದ್ದು ಹೊಗುವ ರಭಸದಲ್ಲಿ ನನ್ನವಳು ನನಗೆ ತಿಳಿಯದೆ ನೀಡಿದ ಉಡುಗೊರೆ… ಅದಾಗಿತ್ತು.
ಆ ಉಡುಗೊರೆ ಹೇಗೆ ಸಿಕ್ತು ಎಂದು ಇಂದಿಗೂ ನಿಗೂಢ….
ಆ ದಿನ.. ಇನ್ನೆನು ಹೋರಡಬೇಕು ಎಂದು ಎದ್ದು ನಿಲ್ಲುವುದರಲ್ಲಿ, ಅವಳ ಕಿವಿಯ ಜುಮೂಕಿ ನನ್ನ ಶರ್ಟ್ ಗೆ ಕೊಕ್ಕೆ ಹಾಕಿಕೊಂಡಿತ್ತು …
ಅವಳು ನನ್ನನ್ನು ಒರಗಿ ಕುಳಿತಾಗ….ಬಂದಿದೆ ಎನ್ನಲು ಅದು ಕಳಚಿದ್ದಾದರೂ ಹೇಗೆ ಎಂಬ ಪ್ರಶ್ನೆ ಇನ್ನು… ಪ್ರಶ್ನೆ ಯಾಗಿಯೇ ಉಳಿದಿದೆ…
ಏನೆ ಆಗಲಿ ಅವಳು ಅವಳ ಜುಮುಕಿ ನನ್ನನ್ನು ಮತ್ತೆ ಕೆಣಕಿದ್ದಂತೂ..ನಿಜ..
ಅಷ್ಟು ಸುಂದರ ಚಲುವೆಯನ್ನು ಕಂಡು ಅವಳ ಪ್ರೀತಿಗೆ ದಾಸನಾಗದಿದ್ದರೆ…ಈ ಬಾಳು…ಶೂನ್ಯದ ಗೂಡು ಎಂದು ತಿಳಿದು ಬಿಟ್ಟಿತು.
ಪ್ರತಿ ಪ್ರೇಮಿಗೂ ಅವರ ಪ್ರೇಯಸಿಯರು ಪ್ರಪಂಚದ ಅದೃಷ್ಟವೆ ಎಂದು ನಂಬುವುದಾದರೆ… ನನ್ನ ಪ್ರೇಯಸಿ ನನಗೆ ಅದೃಷ್ಟ ಎಂದು ನಾನು ನಂಬುತ್ತೇನೆ…
ಕಾರಣ ನಾನು ನನ್ನ ಜೀವನದಲ್ಲಿ ಕಳೆದು ಕೊಂಡ ಎಲ್ಲವನೂ ಅವಳಿಂದಾನೆ ಮರಳಿ ಪಡೆದಿರುವೆ.
ಅವಳು ನನ್ನವಳು ಅವಳೊಂದಿಗೆ ಜೀವನ ಕಳೆಯ ಬಯಸಿರುವ ನಾನು, ಅವಳನ್ನು ಕಾಮಕ್ಕಾಗಿಯೋ..ಮೋಹಕ್ಕಾಗಿಯೋ.. ಪ್ರೀತಿಸಿಲ್ಲಾ…
ಅವಳ ಜೊತೆ ನಾನು ಎಷ್ಟು ಸನಿಹದಲ್ಲಿದ್ದರೂ ಅವಳು ನನ್ನವಳೆ ಎಂದು ತಿಳಿದಿದ್ದರೂ ಅವಳನ್ನ ಕಂಡು ಪ್ರೀತಿಸಬೇಕು ಎನ್ನಿಸುತ್ತದೆ ಹೋರತೂ ಅವಳನ್ನ ಮೋಹಿಸುವ ಸಾಹಸ…ಇದುವರೆಗೂ ಮಾಡಿಲ್ಲ…
ಇದಕ್ಕೆ ಏನೆಂದು ಹೆಸರು ಎಂದು ತಿಳಿಯದಿದ್ದರು ನಿಜವಾದ ಪ್ರೇಮ ಎಂಬುವುದಂತು… ಖಚಿತ…
ನಾನು ನನ್ನ ಪ್ರೇಯಸಿಯನ್ನು ಇಷ್ಟು ಭಗ್ನ ಪ್ರೇಮಿಯಂತೆ ಪ್ರೀತಿಸುವುದು ಕೇಳಿ ನೀವೆಲ್ಲ ಅವಳು ನನ್ನ ಬಳಿ ಬಿಟ್ಟು ಬಿಡದೆ ಸನಿಹ ಇರುವಳು ಎಂದು ಭಾವಿಸಿದ್ದರೆ….ಅದೂ….ಸುಳ್ಳು…
ಮುಂದುವರೆಯುವುದು,…………