ಬೆಂಗಳೂರು: ಬಿಸಿ ಬಿಸಿ ಪರಾಠಾ, ಗರಿಗರಿಯಾದ ದೋಸೆ, ಘಮಘಮಿಸುವ ಬಿರಿಯಾನಿ ಹಾಗೂ ಸಿಹಿ ತಿನಿಸುಗಳೆಂದರೆ ಭಾರತೀಯರಿಗೆ ಅಚ್ಚುಮೆಚ್ಚು. ಆದರೆ ಕಾರ್ಬೋಹೈಡ್ರೇಟ್ಯುಕ್ತ ಇಂತಹ ಆಹಾರ ಸೇವಿಸಿದ ನಂತರ ರಕ್ತದಲ್ಲಿನ ಸಕ್ಕರೆ (ಗ್ಲೂಕೋಸ್) ಪ್ರಮಾಣ ಸಹಜವಾಗಿ ಏರಿಕೆಯಾಗುತ್ತದೆ. ಈ ಹಿನ್ನೆಲೆಯಲ್ಲಿ ಇಷ್ಟದ ಆಹಾರವನ್ನು ತ್ಯಜಿಸದೆ, ಊಟದ ನಂತರದ ಗ್ಲೂಕೋಸ್ ಪ್ರಮಾಣವನ್ನು ಸಮತೋಲನದಲ್ಲಿಡಲು ನೆರವಾಗುವ ಬ್ರಿಟನ್ನ ಪೇಟೆಂಟ್ ಪಡೆದ ಪೌಷ್ಟಿಕ ವಿಜ್ಞಾನ ಆಧಾರಿತ ‘ಶಿಫ್ಟ್ಲೈಫ್ ಆ್ಯಂಟಿ-ಸ್ಪೈಕ್ ಡೈಲಿ’ ಎಂಬ ನ್ಯೂಟ್ರಾಸ್ಯುಟಿಕಲ್ ಉತ್ಪನ್ನವನ್ನು ಮೋದಿಕೇರ್ ಲಿ. ಭಾರತೀಯ ಮಾರುಕಟ್ಟೆಗೆ ಪರಿಚಯಿಸಿದೆ.
ಈ ಉತ್ಪನ್ನವು ಫೈನೋವಾ ಸಂಸ್ಥೆಯ ಪೇಟೆಂಟ್ ಪಡೆದ ಬ್ರಿಟಿಷ್ ತಂತ್ರಜ್ಞಾನವಾದ 250 ಮಿ.ಗ್ರಾಂ ‘ರೆಡ್ಯೂಕೋಸ್’ (Reducose® – ಬಿಳಿ ಹಿಪ್ಪುನೇರಳೆ ಎಲೆಯ ಸಾರ) ಹಾಗೂ ಗ್ಲೂಕೋಸ್ ಚಯಾಪಚಯ ಕ್ರಿಯೆಗೆ ನೆರವಾಗುವ ‘ಕ್ರೋಮಿಯಂ ಪಿಕೋಲಿನೇಟ್’ ಅಂಶವನ್ನು ಒಳಗೊಂಡಿದೆ.
ನಿರ್ದಿಷ್ಟ ಕ್ಲಿನಿಕಲ್ ಅಧ್ಯಯನಗಳಲ್ಲಿ ರೆಡ್ಯೂಕೋಸ್ ತಂತ್ರಜ್ಞಾನವು ಊಟದ ನಂತರದ ಗ್ಲೂಕೋಸ್ ಏರಿಕೆಯನ್ನು ಶೇ. 40ರವರೆಗೆ ಕಡಿಮೆ ಮಾಡಿರುವುದು ಕಂಡುಬಂದಿದೆ. ಇದು ದೇಹದ ಇನ್ಸುಲಿನ್ ಪ್ರತಿಕ್ರಿಯೆಯನ್ನು ಮಿತಿಗೊಳಿಸುವುದರ ಜೊತೆಗೆ, ಹಸಿವು ನಿಯಂತ್ರಣ, ಸಿಹಿ ತಿನ್ನುವ ಬಯಕೆ ತಗ್ಗಿಸುವುದು ಹಾಗೂ ದಿನವಿಡೀ ನಿರಂತರ ಶಕ್ತಿ ಕಾಪಾಡಿಕೊಳ್ಳಲು ಪೂರಕವಾಗಿದೆ ಎಂದು ಕಂಪನಿ ತಿಳಿಸಿದೆ.
ಗ್ಲೂಕೋಸ್ ಆರೋಗ್ಯ ಎನ್ನುವುದು ಕೇವಲ ಮಧುಮೇಹಕ್ಕೆ ಸೀಮಿತವಾಗದೆ, ಮಧ್ಯಾಹ್ನದ ಆಯಾಸ, ಮಾನಸಿಕ ಸ್ಪಷ್ಟತೆ (ಬ್ರೇನ್ ಫಾಗ್), ಪೆರಿಮೆನೋಪಾಸ್ ಹಾಗೂ ಮೆನೋಪಾಸ್ ಹಂತದ ಹಾರ್ಮೋನ್ ಬದಲಾವಣೆಗಳು, ತೂಕ ನಿರ್ವಹಣೆ ಮತ್ತು ಆರೋಗ್ಯಕರ ವೃದ್ಧಾಪ್ಯಕ್ಕೂ ಸಂಬಂಧಿಸಿದ್ದಾಗಿದೆ ಎಂದು ಸಂಸ್ಥೆ ವಿವರಿಸಿದೆ.
ಈ ಕುರಿತು ಮಾತನಾಡಿದ ಮೋದಿಕೇರ್ ಲಿ.ನ ಸ್ಥಾಪಕ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಡಾ. ಸಮೀರ್ ಕುಮಾರ್ ಮೋದಿ, “ಆಹಾರವು ನಮ್ಮ ಸಂಸ್ಕೃತಿ ಮತ್ತು ಸಂತೋಷದ ಅವಿಭಾಜ್ಯ ಅಂಗ. ಭಾರತೀಯರು ತಾವು ಇಷ್ಟಪಡುವ ಆಹಾರವನ್ನು ತ್ಯಜಿಸಬೇಕೆಂದು ನಾನು ಬಯಸುವುದಿಲ್ಲ; ಬದಲಾಗಿ ಆಹಾರ ಸೇವಿಸಿದ ನಂತರ ದೇಹದಲ್ಲಿ ಏನಾಗುತ್ತದೆ ಎಂಬುದರ ಮೇಲೆ ನಿಯಂತ್ರಣ ಸಾಧಿಸಬೇಕು. ಆರೋಗ್ಯಕ್ಕಾಗಿ ಜೀವನದ ಸಂತೋಷವನ್ನು ಕಳೆದುಕೊಳ್ಳಬಾರದು” ಎಂದರು.
ಫೈನೋವಾ ಏಷ್ಯಾ-ಪೆಸಿಫಿಕ್ ಉಪಾಧ್ಯಕ್ಷ ವೌಟರ್ ಕ್ಲೇರ್ಹೌಟ್ ಮಾತನಾಡಿ, ಪೇಟೆಂಟ್ ಪಡೆದ ರೆಡ್ಯೂಕೋಸ್ ತಂತ್ರಜ್ಞಾನವನ್ನು ಮೋದಿಕೇರ್ ಮೂಲಕ ಭಾರತೀಯ ಮನೆಮನೆಗಳಿಗೆ ತಲುಪಿಸಲು ಸಂತಸವಾಗುತ್ತಿದೆ ಎಂದರು.
1996ರಲ್ಲಿ ಸ್ಥಾಪನೆಯಾದ ಮೋದಿಕೇರ್ ಸಂಸ್ಥೆಯು ಆರೋಗ್ಯ, ಪೌಷ್ಟಿಕಾಂಶ ಮತ್ತು ಜೀವನಶೈಲಿ ವಿಭಾಗದಲ್ಲಿ ದೇಶದ ಪ್ರಮುಖ ಡೈರೆಕ್ಟ್ ಸೆಲ್ಲಿಂಗ್ ಕಂಪನಿಯಾಗಿದೆ. ಇದೀಗ ಸಂಸ್ಥೆಯು ‘ಶಿಫ್ಟ್ಲೈಫ್ ಆ್ಯಂಟಿ-ಸ್ಪೈಕ್ ಡೈಲಿ’ ಎಂಬ ನ್ಯೂಟ್ರಾಸ್ಯುಟಿಕಲ್ ಪೂರಕ ಆಹಾರವನ್ನು ಪರಿಚಯಿಸಿದೆ. ಇದು ಯಾವುದೇ ರೋಗವನ್ನು ಗುಣಪಡಿಸುವ, ತಡೆಯುವ ಅಥವಾ ಚಿಕಿತ್ಸೆ ನೀಡುವ ಔಷಧಿಯಲ್ಲ; ಇದು ಸಮತೋಲಿತ ಆಹಾರ, ವ್ಯಾಯಾಮ ಅಥವಾ ವೈದ್ಯಕೀಯ ಚಿಕಿತ್ಸೆಗೆ ಪರ್ಯಾಯವಲ್ಲ ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ.
ಶೇ. 40ರಷ್ಟು ಇಳಿಕೆಯ ಅಂಕಿ-ಅಂಶವು ನಿರ್ದಿಷ್ಟ ಅಧ್ಯಯನದ ಪರಿಸ್ಥಿತಿಗಳಿಗೆ ಸೀಮಿತವಾಗಿದ್ದು, ಬಳಕೆದಾರರು ಉತ್ಪನ್ನದ ಲೇಬಲ್ ಸೂಚನೆಗಳನ್ನು ಪಾಲಿಸಿ ಅಗತ್ಯವಿದ್ದಲ್ಲಿ ವೈದ್ಯರ ಸಲಹೆ ಪಡೆಯುವಂತೆ ಸೂಚಿಸಲಾಗಿದೆ.






