ಬಂಧನದಿಂದ ಮುಕ್ತರಾದ ಸೌದಿ ಮಹಿಳಾ ಹೋರಾಟಗಾರ್ತಿಯರು
ಸೌದಿ ಅರೇಬಿಯಾ : 2018ರ ಆಗಸ್ಟ್ ನಲ್ಲಿ ಸೌದಿ ಅರೇಬಿಯಾದ ಇಬ್ಬರು ಮಹಿಳಾ ಹೋರಾಟಗಾರ್ತಿಯರಾದ ಸಮರ್ ಬದಾವಿ ಹಾಗೂ ನಸ್ಸೀಮಾ ಅಲ್-ಸದಾಹ್ ಅವರನ್ನು ಆಡಳಿತ ವಿರೋಧಿ ಪ್ರತಿಭಟನೆಗಳನ್ನು ಹತ್ತಿಕ್ಕುವ ಆರೋಪಡಿ ಬಂಧಿಸಲಾಗಿತ್ತು.. ಇದೀಗ 3 ವರ್ಷಗಳ ನಂತರ ಅವರನ್ನ ಬಿಡುಗಡೆಗೊಳಿಸಿದೆ.
ಈ ಬಗ್ಗೆ ಟ್ವೀಟ್ ಮಾಡಿರುವ AALQST ಫಾರ್ ಹ್ಯೂಮನ್ ರೈಟ್ಸ್ ಸಂಘಟನೆಯು ‘ ಮಾನವಹಕ್ಕುಗಳ ಸಂರಕ್ಷಕಿಯರಾದ ಮಮರ್ ಬದಾವಿ ಹಾಗೂ ನಸ್ಸೀಮಾ ಅಲ್-ಸದಾಹ್ ಅವರ ಜೈಲು ಶಿಕ್ಷೆಯ ಅವಧಿ ಕೊನೆಗೊಂಡಿದೆ.. ಹಿನ್ನೆಲೆಯಲ್ಲಿ ಅವರು ಬಿಡುಗಡೆಯಾಗಿದ್ದಾರೆ’ ಎಂದು ತಿಳಿಸಿದೆ..
ಪುರುಷ ಪ್ರಧಾನ ದೇಶ ಸೌದಿ.. ಇಲ್ಲಿ ಪ್ರತಿ ವಿಚಾರದಲ್ಲೂ ಮಹಿಳೆಯರಿಗೆ ಗಂಡಂದಿರು ಅಥವ ತಂದೆ, ಸಹೋದರರ ಅನುಮತಿ ಪಡೆಯಬೇಕು.. ಅವರ ನೆರಳಲ್ಲೇ ಬಾಳಬೇಕು.. ಮಹಿಳೆಯರಿಗೆ ಸ್ವಂತ ನಿರ್ದಾರ ತೆಗೆದುಕೊಳ್ಳುವ ಅಧಿಕಾರವಿಲ್ಲ.. ಹೀಗಾಗಿ ಮಹಿಳೆಯರು ಯಾವುದೇ ಪ್ರಮುಖ ನಿರ್ಧಾರಗಳನ್ನು ಕೈಗೊಳ್ಳುವುದಕ್ಕೆ ಪುರುಷ ಸಂಬಂಧಿಯ ಒಪ್ಪಿಗೆಯನ್ನು ಕಡ್ಡಾಯವಾಗಿ ಪಡೆಯಬೇಕೆಂಬ ಕಾನೂನನ್ನು ರದ್ದುಪಡಿಸಬೇಕೆಂದು ಆಗ್ರಹಿಸಿ ನಡೆಯುತ್ತಿರುವ ಚಳವಳಿಯ ಪ್ರಮಖ ಹೋರಾಟಗಾರ್ತಿಯರಲ್ಲಿ ಸಮರ್ ಬದಾವಿ ಹಾಗೂ ನಸ್ಸೀಮಾ ಅಲ್-ಸದಾಹ್ ಪ್ರಮುಖರಾಗಿದ್ದಾರೆ.
ಪುರುಷ ಪಾಲಕತ್ವ ವ್ಯವಸ್ಥೆಯ ವಿರುದ್ಧದ ಹೋರಾಟಕ್ಕಾಗಿ ಬದಾವಿ ಅವರಿಗೆ ಅಮೆರಿಕದ 2012ರ ಸಾಲಿನ ‘ಅಂತಾರಾಷ್ಟ್ರೀಯ ಮಹಿಳಾ ಧೈರ್ಯ ಪುರಸ್ಕಾರ ‘ಲಭಿಸಿತ್ತು. ಸೌದಿ ಸರಕಾರವು ಮಹಿಳೆಯರಿಗೆ ವಾಹನ ಚಲಾಯಿಸಲು, ಮತದಾನ ಮಾಡಲು ಹಾಗೂ ಸ್ಥಳೀಯ ಚುನಾವಣೆಗಳಲ್ಲಿ ಸ್ಪರ್ಧಿಸಲು ಅವಕಾಶ ನೀಡಬೇಕೆಂದು ಆಗ್ರಹಿಸಿ ನಡೆದ ಅಭಿಯಾನಕ್ಕೆ ಸಹಿಹಾಕಿದ ಮೊದಲಿಗೆ ಮಹಿಳೆಯರಲ್ಲಿ ಬದಾವಿ ಅವರೂ ಇದ್ದರು.
ಬಿಡುಗಡೆಗೊಂಡ ಇನ್ನೋರ್ವ ಹೋರಾಟಗಾರ್ತಿ ಅಲ್ ಸದಾಹ್ ಅವರು ಸೌದಿಯ ಖ್ವಾತಿಫ್ ಪ್ರಾಂತದವರಾಗಿದ್ದಾರೆ. ಮಹಿಳೆಯರಿಗೆ ವಾಹನ ಚಾಲನೆಯ ಹಕ್ಕು ಹಾಗೂ ಪುರುಷ ಪಾಲಕತ್ವ ವ್ಯವಸ್ಥೆಯ ರದ್ದತಿಗಾಗಿ ನಡೆದ ಚಳವಳಿಯಲ್ಲಿ ಮುಂಚೂಣಿಯ ಹೋರಾಟಗಾರ್ತಿಯಾಗಿದ್ದರು. ಮೊದಲ ಬಾರಿಗೆ ಮಹಿಳೆಯರಿಗೆ ಚುನಾವಣೆಯಲ್ಲಿ ಸ್ಪರ್ಧೆಗೆ ಅವಕಾಶ ನೀಡಲಾದ 2015ರ ಸ್ಥಳೀಯಾಡಳಿತ ಚುನಾವಣೆಯಲ್ಲಿ ಅವರು ಅಭ್ಯರ್ಥಿಯಾಗಿದ್ದರು. ಆದರೆ ಕಡೆಗಳಿಗೆಯಲ್ಲಿ ಆಕೆಗೆ ಅಧಿಕಾರಿಗಳು ಸ್ಪರ್ಧೆಗೆ ಅವಕಾಶ ನೀಡಿರಲಿಲ್ಲ.
ಆದರೆ ಈ ಮಹಿಳಾ ಹೋರಾಟಗಾರ್ತಿಯರ ಬಂಧನಗಳನ್ನು ಸೌದಿ ಆಡಳಿತವು ಸಮರ್ಥಿಸಿಕೊಂಡಿತ್ತು. ಈ ಹೋರಾಟಗಾರ್ತಿಯರು ವಿದೇಶಿ ಸಂಘಟನೆಗಳ ಜೊತೆ ಶಂಕಾಸ್ಪದ ನಂಟನ್ನು ಹೊಂದಿದ್ದಾರೆ ಹಾಗೂ ಸಾಗರೋತ್ತರ ದಶಗಳ ಶತ್ರುಗಳಿಗೆ ಆರ್ಥಿಕ ಬೆಂಬಲವನ್ನು ಒದಗಿಸುತ್ತಿದ್ದಾರೆಂದು ಆಪಾದಿಸಿತ್ತು. ಸದ್ಯ 3 ವರ್ಷಗಳಿಂದಲೂ ಬಂಧನದಲ್ಲಿದ್ದ ಹೋರಾಟಗಾರ್ತಿಯರು ಇದೀಗ ಬಿಡುಗಡೆಯಾಗಿದ್ದಾರೆ.
