ಚೆನ್ನೈ ಟೆಸ್ಟ್ : ರೂಟ್ ಹುಡುಗರ ದರ್ಬಾರು.. ಟೀಂ ಇಂಡಿಯಾ ಕಂಗಾಲು
ಚೆನ್ನೈ : ಚಪಾಕ್ ಅಂಗಳದಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತದ ವಿರುದ್ಧ ಇಂಗ್ಲೆಂಡ್ ಭರ್ಜರಿ ಜಯ ಸಾಧಿಸಿದೆ. ಕೊಹ್ಲಿ ಹುಡುಗರ ವಿರುದ್ಧ ರೂಟ್ ಬಾಯ್ಸ್ ಬರೋಬ್ಬರಿ 227 ರನ್ ಗಳ ಅಂತರದಿಂದ ಗೆಲುವು ದಾಖಲಿಸಿದ್ದಾರೆ. ಪಂದ್ಯ ಗೆಲ್ಲಲು 420 ರನ್ ಗುರಿ ಬೆನ್ನಟ್ಟಿದ ಟೀಂ ಇಂಡಿಯಾಗೆ ಇಂಗ್ಲೀಷ್ ಬೌಲರ್ ಗಳು ಶಾಕ್ ಮೇಲ್ ಶಾಕ್ ನೀಡಿದ್ರು. ಇಂಗ್ಲೆಂಡ್ ದಾಳಿಗೆ ತತ್ತರಿಸಿದ ಭಾರತೀಯ ಬ್ಯಾಟ್ಸ್ ಮನ್ ಗಳು ಪೆವಿಲಿಯನ್ ಪರೇಡ್ ನಡೆಸಿದರು.
ಒಂದು ವಿಕೆಟ್ ನಷ್ಟಕ್ಕೆ 39 ಗಳಿಸಿದ್ದರಿಂದ ಐದನೇ ದಿನದಾಟ ಆರಂಭಿಸಿದ ಟೀಂ ಇಂಡಿಯಾಗೆ ಆರಂಭದಲ್ಲೇ ಆಘಾತ ಎದುರಾಯ್ತು. ತಂಡ 58 ರನ್ ಗಳಿಸುವುಷ್ಟರಲ್ಲಿ ಪೂಜಾರಾ (15) ಔಟ್ ಆದ್ರು. ಇದಾದ ಬಳಿಕ ಅರ್ಧಶತಕ ಸಿಡಿಸಿ ಮುನ್ನುಗ್ಗುತ್ತಿದ್ದ ಶುಬ್ ಮನ್ ಗಿಲ್ ಆಂಡರ್ ಸನ್ ಬೌಲಿಂಗ್ ನಲ್ಲಿ ಬೋಲ್ಡ್ ಆದ್ರು. ಇದಾದ ಬಳಿಕ ಕ್ರೀಸ್ ಗೆ ಬಂದ ರಹಾನೆ ಸೊನ್ನೆ ಸುತ್ತಿದ್ರು. ಈ ಹಂತದಲ್ಲಿ ನಾಯಕ ವಿರಾಟ್ ಕೊಹ್ಲಿ ಜೊತೆಯಾದ ರಿಷಬ್ ಪಂತ್ 11 ರನ್ ಗಳಿಗೆ ಆಟ ಮುಗಿಸಿದರು. ಇವರ ಹಿಂದೆಯೇ ಸುಂದರ್ ಪೆವಿಲಿಯನ್ ಸೇರಿಕೊಂಡರು. ಒಂದು ಕಡೆ ವಿಕೆಟ್ ಬೀಳುತ್ತಿದ್ದರೂ ಎಚ್ಚರಿಕೆಯ ಆಟಕ್ಕೆ ಮೊರೆ ಹೋಗಿ ಬ್ಯಾಟ್ ಬೀಸಿದ ವಿರಾಟ್ (72) ಎಚ್ಚರಿಕೆಯ ಆಟವಾಡಿದ್ರು. ಆದ್ರೆ ಯಾವೊಬ್ಬ ಆಟಗರನೂ ಕೂಡ ವಿರಾಟ್ ಗೆ ಸಾಥ್ ನೀಡಲಿಲ್ಲ. ಅಶ್ವಿನ್ 9 ರನ್, ನದೀಮ್ ಶೂನ್ಯ, ಬೂಮ್ರಾ 4 ರನ್ ಗಳಿಸಿದ್ರು. ಅಂತಿಮವಾಗಿ ಭಾರತ 192 ರನ್ ಗಳಿಗೆ ಸರ್ವ ಪತನಗೊಂಡಿತು. ಇಂಗ್ಲೆಂಡ್ 227 ರನ್ ಗಳಿಂದ ಪಂದ್ಯ ಗೆದ್ದುಕೊಳ್ತು.
ರಾತ್ರೋ ರಾತ್ರಿ ಮಂಡ್ಯದ ಈ ಹುಡುಗ ಕೋಟ್ಯಾಧಿಪತಿಯಾಗಿದ್ದೇಗೆ..!
ಇನ್ನು ಮೊದಲ ಇನ್ನಿಂಗ್ಸ್ ನಿಂದಲೂ ಇಂಗ್ಲೆಂಡ್ ಭಾರತದ ಮೇಲೆ ಸವಾರಿ ಮಾಡುತ್ತಲೇ ಬಂತು. ಮೊದಲ ಇನ್ನಿಂಗ್ಸ್ ನಲ್ಲಿ ಆಂಗ್ಲರು 578 ರನ್ ಗಳಿಸಿದರು. ಭಾರತ ತಂಡ 337ಕ್ಕೆ ಮೊದಲ ಇನ್ನಿಂಗ್ಸ್ ಮುಗಿಸಿತು. ಎರಡನೇ ಇನ್ನಿಂಗ್ಸ್ ನಲ್ಲಿ ಇಂಗ್ಲೆಂಡ್ 178ಕ್ಕೆ ಸುಸ್ತಾಯ್ತು. ಹೀಗಾಗಿ ಭಾರತ ಪಂದ್ಯ ಗೆಲ್ಲಲು 420 ರನ್ ಗಳ ಅವಶ್ಯಕತೆ ಇತ್ತು. ಆದ್ರೆ ಯಾವುದೇ ಹಂತದಲ್ಲಿ ಭಾರತ ಪಂದ್ಯ ಗೆಲ್ಲುವ ಉತ್ಸಾಹವೇ ತೋರಲಿಲ್ಲ. ಕೊನೆ ಪಕ್ಷ ಡ್ರಾ ಮಾಡಿಕೊಳ್ಳಲಾಗದೇ ಇಂಗ್ಲೆಂಡ್ ವಿರುದ್ಧ ಮಂಡಿಯೂರಿತು.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
