ಇಂದು ಈ ವರ್ಷದ ಮೊದಲ ಸೂರ್ಯಗ್ರಹಣ – ವಿಶ್ವದ ಅನೇಕ ಸಂಸ್ಥೆಗಳಿಂದ ಆನ್ಲೈನ್ ನಲ್ಲಿ ನೇರ ಪ್ರಸಾರ
ಈ ವರ್ಷದ ಮೊದಲ ಸೂರ್ಯಗ್ರಹಣವು ಜೂನ್ 10 ರಂದು ಅಂದರೆ ಇಂದು ನಡೆಯಲಿದೆ. ಈ ಖಗೋಳ ವಿದ್ಯಮಾನವು ಭೂಮಿ ಹಾಗೂ ಸೂರ್ಯನ ಮಧ್ಯೆ ಚಂದ್ರ ಹಾದು ಹೋಗುವಾಗ ಸಂಭವಿಸುತ್ತದೆ. ಸೂರ್ಯಗ್ರಹಣವನ್ನು ನೇರವಾಗಿ ವೀಕ್ಷಿಸುವುದರಿಂದ ಕಣ್ಣುಗಳಿಗೆ ಹಾನಿಯಾಗುತ್ತದೆ ಎಂದು ನಂಬಲಾಗಿದೆ. ಇಷ್ಟು ಮಾತ್ರವಲ್ಲ, ಇದು ಆರೋಗ್ಯದ ಮೇಲೆ ಅನೇಕ ಪರಿಣಾಮಗಳನ್ನು ಬೀರುತ್ತದೆ.
ಸೂರ್ಯಗ್ರಹಣ ಎಲ್ಲಿ ಗೋಚರಿಸುತ್ತದೆ
ಈ ಸೂರ್ಯಗ್ರಹಣ ಭಾರತದ ಅರುಣಾಚಲ ಪ್ರದೇಶ ಮತ್ತು ಲಡಾಕ್ನ ಕೆಲವು ಭಾಗಗಳಲ್ಲಿ ಮಾತ್ರ ಗೋಚರಿಸುತ್ತದೆ.
ಉತ್ತರ ಅಮೆರಿಕ, ಕೆನಡಾ ಮತ್ತು ಕೆರಬಿಯನ್ನ ಕೆಲ ಭಾಗ, ಯುರೋಪ್, ಏಷ್ಯಾ ಮತ್ತು ಆಫ್ರಿಕಾದ ಉತ್ತರ ಪ್ರದೇಶಗಳಲ್ಲಿ ಸೂರ್ಯಗ್ರಹಣವನ್ನು ಕಾಣಬಹುದು.
ಈ ವಾರ್ಷಿಕ ಗ್ರಹಣವು ಮಧ್ಯಾಹ್ನ 1.42ಕ್ಕೆ ಆರಂಭವಾಗಿ ಸಂಜೆ 6.41ರ ತನಕ ಇರುತ್ತದೆ.
ವಿಶ್ವದ ಅನೇಕ ಸಂಸ್ಥೆಗಳು ಸೂರ್ಯಗ್ರಹಣ ಘಟನೆಯ ನೇರ ಪ್ರಸಾರಕ್ಕಾಗಿ ವ್ಯವಸ್ಥೆ ಮಾಡುತ್ತಿದ್ದು, ಆನ್ಲೈನ್ನಲ್ಲಿ ನೋಡಬಹುದು. Timeanddate.com ಈಗಾಗಲೇ ಸೂರ್ಯ ಗ್ರಹಣ ನೇರ ಪ್ರಸಾರದ ಲಿಂಕ್ ಅನ್ನು ಪಬ್ಲಿಷ್ ಮಾಡಿದ್ದು ಆ ಮೂಲಕ ಸೂರ್ಯ ಗ್ರಹಣ ವೀಕ್ಷಿಸಬಹುದು.
ಸೂರ್ಯಗ್ರಹಣದ ಅನಾನುಕೂಲಗಳು
ಯಾವುದೇ ಸುರಕ್ಷತೆ ಇಲ್ಲದೆ ಬರೀ ಕಣ್ಣಿನಿಂದ ಗ್ರಹಣವನ್ನು ನೋಡುವುದು ಕಣ್ಣುಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದು ನಂಬಲಾಗಿದೆ. ಇದರಿಂದ ದೃಷ್ಟಿ ಕಳೆದುಕೊಳ್ಳುವ ಮತ್ತು ಸಂಪೂರ್ಣ ಕುರುಡುತನದ ಅಪಾಯವಿದೆ.
ಸೂರ್ಯಗ್ರಹಣದಲ್ಲಿ ಚಂದ್ರನು ಹುಣ್ಣಿಮೆಯ ನಾಲ್ಕು ಮಿಲಿಯನ್ ಪಟ್ಟು ಪ್ರಕಾಶಮಾನವಾಗಿರುತ್ತದೆ ಎಂದು ವಿಜ್ಞಾನಿಗಳು ಹೇಳುತ್ತಾರೆ. ಇದು ಕಣ್ಣುಗಳ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ. ಆದಾಗ್ಯೂ, ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವ ಮೂಲಕ, ಈ ವಿದ್ಯಮಾನವನ್ನು ವೀಕ್ಷಿಸಬಹುದು
ನ್ಯಾಷನಲ್ ಏರೋನಾಟಿಕ್ಸ್ ಅಂಡ್ ಸ್ಪೇಸ್ ಅಡ್ಮಿನಿಸ್ಟ್ರೇಷನ್ (ನಾಸಾ) ಪ್ರಕಾರ, ಪ್ರತಿಯೊಬ್ಬರೂ ಗ್ರಹಣ ಸಮಯದಲ್ಲಿ ಕನ್ನಡಕವನ್ನು ಧರಿಸಬೇಕು ಅಥವಾ ಭಾಗಶಃ ಸೂರ್ಯಗ್ರಹಣವನ್ನು ನೋಡುವಾಗ ಪರೋಕ್ಷ ವೀಕ್ಷಣೆ ವಿಧಾನವನ್ನು ಬಳಸಬೇಕು. ಸೂರ್ಯನು ಭಾಗಶಃ ಅಸ್ಪಷ್ಟವಾಗಿದ್ದರೂ ಸಹ ಸೂರ್ಯನ ಕಿರಣಗಳನ್ನು ನೇರವಾಗಿ ನೋಡುವುದು ಎಂದಿಗೂ ಸುರಕ್ಷಿತವಲ್ಲ ಎಂದು ನಾಸಾ ತಿಳಿಸಿದೆ.
ಅಮೇರಿಕನ್ ಅಕಾಡೆಮಿ ಆಫ್ ನೇತ್ರಶಾಸ್ತ್ರದ ಪ್ರಕಾರ, ರಕ್ಷಣೆಯಿಲ್ಲದೆ ಅಲ್ಪಾವಧಿಗೆ ಸೂರ್ಯನನ್ನು ನೋಡುವುದು ರೆಟಿನಾಗೆ ಶಾಶ್ವತ ಹಾನಿಯನ್ನುಂಟುಮಾಡುತ್ತದೆ. ಇದರ ಪರಿಣಾಮವಾಗಿ ಸೌರ ರೆಟಿನೋಪತಿ ಎಂಬ ಕುರುಡುತನ ಉಂಟಾಗುತ್ತದೆ.
ಆರೋಗ್ಯ ಅಧಿಕಾರಿಯ ವರದಿಯ ಪ್ರಕಾರ, 1999 ರಲ್ಲಿ ಸೂರ್ಯಗ್ರಹಣ ನಂತರ ಕಣ್ಣುಗಳ ನಷ್ಟಕ್ಕೆ ಸಂಬಂಧಿಸಿದ ಅನೇಕ ಪ್ರಕರಣಗಳು ವರದಿಯಾಗಿವೆ. ಒಂದು ವಾರದ ನಂತರ ಕನಿಷ್ಠ 14 ಜನರು ತಮ್ಮ ದೃಷ್ಟಿ ಶಾಶ್ವತವಾಗಿ ಕಳೆದುಕೊಂಡಿದ್ದರು.
ಸೂರ್ಯನ ಕಿರಣಗಳನ್ನು ನೇರವಾಗಿ ನೋಡುವುದರಿಂದ
ದೃಷ್ಟಿ ಕಡಿಮೆಯಾಗಬಹುದು
ಕುರುಡುತನದ ಅಪಾಯ
ದೃಷ್ಟಿ ಮಸುಕಾಗುವುದು
ರೆಟಿನಾಗೆ ಹಾನಿ
ಕಣ್ಣುಗಳಲ್ಲಿ ನೋವು ಉಂಟಾಗಬಹುದು
ಸೂರ್ಯಗ್ರಹಣವನ್ನು ನೋಡುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ
ತಪ್ಪಾಗಿ ಸಹ ಸೂರ್ಯನನ್ನು ನೇರವಾಗಿ ನೋಡಬೇಡಿ
ಸೂರ್ಯನನ್ನು ನೋಡುವಾಗ ಯಾವಾಗಲೂ ಕನ್ನಡಕವನ್ನು ಬಳಸಿ
ಸೂರ್ಯನನ್ನು ನೋಡಿದ ನಂತರ ನಿಮ್ಮ ಕಣ್ಣುಗಳನ್ನು ಪರೀಕ್ಷಿಸಿ
ಮೇಲೆ ತಿಳಿಸಿದ ರೋಗಲಕ್ಷಣಗಳನ್ನು ಹೊಂದಿದ್ದರೆ ತಕ್ಷಣ ವೈದ್ಯರನ್ನು ಭೇಟಿ ಮಾಡಿ.
ಎಚ್ಚರಿಕೆ – ದೇಶದಲ್ಲಿ ಕೊರೋನಾ ಸೋಂಕಿನ ಹಾವಳಿ ಕಡಿಮೆಯಾಗಿದ್ದರೂ ಸಂಪೂರ್ಣವಾಗಿ ನಿಂತಿಲ್ಲ. ಆದ್ದರಿಂದ ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಮತ್ತು ಕೊರೋನಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಿ. ಜೊತೆಗೆ ವ್ಯಾಕ್ಸಿನೇಷನ್ ಪಡೆಯುವುದನ್ನು ಮರೆಯದಿರಿ. ಇದು ಸಾಕ್ಷಾಟಿವಿ ಕಳಕಳಿ.
ತುಳಸಿ ಮತ್ತು ಅಜ್ವೈನ್ ಪಾನೀಯದ ಆರೋಗ್ಯ ಪ್ರಯೋಜನಗಳು#Saakshatvhealthtips #TulsiAjwain #healthbenefits https://t.co/n4mpIEr49E
— Saaksha TV (@SaakshaTv) June 7, 2021
ಆರೋಗ್ಯಕರ ಪುದೀನ ಚಿತ್ರಾನ್ನ#Saakshatv #cookingrecipe #pudina #chitranna https://t.co/E9rOdxpBkj
— Saaksha TV (@SaakshaTv) June 8, 2021
ಎಗ್ ಕಬಾಬ್ https://t.co/ew7PxrTVda
— Saaksha TV (@SaakshaTv) June 6, 2021
ಮೊಬೈಲ್ ಸಂಖ್ಯೆ ಇಲ್ಲದೆ ಆಧಾರ್ ಕಾರ್ಡ್ ಡೌನ್ಲೋಡ್ ಮಾಡುವುದು ಹೇಗೆ – ಇಲ್ಲಿದೆ ಮಾಹಿತಿ#downloading #Aadharcard #mobilenumber https://t.co/79EGc6GX8x
— Saaksha TV (@SaakshaTv) June 4, 2021
ರವೆ ಲಾಡು#Saakshatv #cookingrecipe #raveladdu https://t.co/93wLn7Mv5p
— Saaksha TV (@SaakshaTv) June 4, 2021
#solareclipse