ಆನೇಕಲ್: ಕೆಲವರಿಗೆ ಸಾಕು ಪ್ರಾಣಿಗಳೆಂದರೆ ತುಂಬಾ ಇಷ್ಟ. ಪ್ರಾಣಿಗಳನ್ನು ಕೂಡ ಅವರು ತಮ್ಮ ಮನೆಯವರಂತೆಯೇ ನೋಡಿಕೊಳ್ಳುತ್ತಿರುತ್ತಾರೆ. ಇಲ್ಲೊಂದು ಕುಟುಂಬ ನಾಯಿಗೆ ಸೀಮಂತ ಮಾಡಿದೆ.
ತಮಿಳುನಾಡಿನ ಹೊಸೂರು (Hosur) ಹತ್ತಿರದ ಸಣ್ಣಪಲ್ಲಿ ಗ್ರಾಪಂ ಕೂರಕ್ಕನ ಹಳ್ಳಿ ಗ್ರಾಮದಲ್ಲಿ ಮಾಲೀಕರೊಬ್ಬರು ಅವರ ನಾಯಿಗೆ (Dog) ಸೀಮಂತ (Baby Shower )ಮಾಡಿದ್ದಾರೆ. ನಾರಾಯಣ ಎಂಬ ವ್ಯಕ್ತಿಯ ಮನೆಯಲ್ಲಿದ್ದ ನಾಯಿ ಗರ್ಭ ಧರಿಸಿದೆ. ಹೀಗಾಗಿ ತಮ್ಮ ನಾಯಿ ಮೊದಲ ಗರ್ಭ ಧರಿಸಿದೆ ಎಂದು ಸೀಮಂತ ಮಾಡಿದ್ದಾರೆ.
ಈ ವೇಳೆ ನಾಯಿಗೆ ಹೊಸ ಬಟ್ಟೆ ಹಾಕಿದ್ದಾರೆ. ನಂತರ ಹೊವು, ಹಣ್ಣು, ಅರಿಶಿನ-ಕುಂಕುಮ ಇಟ್ಟು ಪೂಜೆ ಕಾರ್ಯ ನೆರವೇರಿಸಿದ್ದಾರೆ. ಇಷ್ಟವಾಗುವ ಬಿರಿಯಾನಿ ಮತ್ತು ಬಿಸ್ಕತ್ತು ಹಾಕಿ ಕಾರ್ಯಕ್ರಮ ನೆರವೇರಿಸಿದ್ದಾರೆ. ಈ ಕಾರ್ಯಕ್ರಮಕ್ಕೆ ಗ್ರಾಮಸ್ಥರನ್ನೆಲ್ಲ ಕರೆಯಿಸಿ, ಭರ್ಜರಿ ಭೋಜನ ಹಾಕಿದ್ದಾರೆ.
