ಇಂದು ಮೂರು ರಫೇಲ್ ಯುದ್ಧ ವಿಮಾನಗಳು ಭಾರತಕ್ಕೆ
ನವದೆಹಲಿ : ಇಂದು ಭಾರತಕ್ಕೆ ಮತ್ತೆ ಮೂರು ರಫೇಲ್ ಯುದ್ಧ ವಿಮಾನಗಳು ಆಗಮಿಸಲಿದ್ದು, ಐಎಎಫ್ ಗೆ ಮತ್ತಷ್ಟು ಬಲ ಬರಲಿದೆ.
ವಾಯುಪಡೆಯ ಮಿಡೇರ್ ಇಂಧನ ತುಂಬುವಿಕೆಯ ಬೆಂಬಲದೊಂದಿಗೆ ಫ್ರಾನ್ಸ್ನಿಂದ ನೇರವಾಗಿ ರಫೇಲ್ ಯುದ್ಧ ವಿಮಾನಗಳು ಹಾರಾಟ ನಡೆಸಲಿವೆ.
ಈ ಮೂರು ವಿಮಾನಗಳು ಈಗಾಗಲೇ ಬೋರ್ಡೆಕ್ಸ್ ನ ಮೆರಿಗ್ನಾಕ್ ಏರ್ ಬೇಸ್ ನಿಂದ ಹೊರಟಿದ್ದು, ಸಂಜೆ ಏಳು ಗಂಟೆಗೆ ಗುಜರಾತ್ ತಲುಪಲಿವೆ.
ಬಳಿಕ ಅಲ್ಲಿಂದ ಅಂಬಾಲಾಗೆ ಹಾರಲಿದ್ದು, ಗೋಲ್ಡನ್ ಆರೋಸ್ ಸ್ಕ್ವಾಡ್ರನ್ ಸೇರಿಕೊಳ್ಳಲಿವೆ. ಇದುವರೆಗೆ ಒಟ್ಟು 11 ರಫೇಲ್ ಜೆಟ್ಗಳು ಸ್ಕ್ವಾಡ್ರನ್ನ ಭಾಗವಾಗಿವೆ.
ಈ ಹಿಂದೆ ಕಳೆದ ವರ್ಷ ಜುಲೈ 29ರಂದು ರಫೇಲ್ ವಿಮಾನಗಳ ಮೊದಲ ಬ್ಯಾಚ್ ಆಗಮಿಸಿತ್ತು.
ಬಳಿಕ ನವೆಂಬರ್ 3ರಂದು ಮೂರು ರಫೇಲ್ ಜೆಟ್ಗಳ ಎರಡನೇ ಬ್ಯಾಚ್ ಹಾಗೂ ನಂತರ ಮೂರನೇ ಬ್ಯಾಚ್ ನ ಮೂರು ಜೆಟ್ಗಳು ಜನವರಿ 27ರಂದು ಐಎಎಫ್ಗೆ ಸೇರ್ಪಡೆಗೊಂಡಿದ್ದವು.
ಏಪ್ರಿಲ್ ಅಂತ್ಯದ ವೇಳೆಗೆ ಇನ್ನೂ 5 ರಫೇಲ್ ಜೆಟ್ಗಳನ್ನು ಭಾರತಕ್ಕೆ ಕಳಿಸಲಾಗುವುದು ಎಂದು ಭಾರತದ ಫ್ರಾನ್ಸ್ ರಾಯಭಾರಿ ಎಮ್ಯಾನುಯೆಲ್ ಲೆನೈನ್ ಮಂಗಳವಾರ ಹೇಳಿದ್ದಾರೆ.
ಇಂದು ಆಗಮಿಸುತ್ತಿರುವ ಮೂರು ರಫೇಲ್ ಹೊರತುಪಡಿಸಿ 5 ವಿಮಾನಗಳು ಭಾರತಕ್ಕೆ ಆಗಮಿಸಲಿವೆ.
