ಟೋಕಿಯೋ ಒಲಂಪಿಕ್ಸ್ : ಸೆಮಿಫೈನಲ್‍ಗೆ ಪಿ.ವಿ. ಸಿಂಧು ಲಗ್ಗೆ
ಟೋಕಿಯೋ : ಟೋಕಿಯೋ ಒಲಂಪಿಕ್ಸ್ ನಲ್ಲಿ ಭಾರತದ ಬ್ಯಾಡ್ಮಿಂಟನ್ ಸ್ಟಾರ್ ಪಿ.ವಿ. ಸಿಂಧು ಮಹಿಳೆಯರ ಸಿಂಗಲ್ಸ್ ನಲ್ಲಿ ಸೆಮಿಫೈನಲ್ ಗೆ ಲಗ್ಗೆ ಇಟ್ಟಿದ್ದಾರೆ.
ಜಪಾನ್‍ನ ಅಕಾನೆ ಯಮಗುಚಿ ವಿರುದ್ಧ ಪಿ ವಿ ಸಿಂಧು ಗೆಲುವು ದಾಖಲು ಮಾಡಿದ್ದು, ಭಾರತ ಇದೀಗ ಮತ್ತೊಂದು ಪದಕದ ಸನಿಹಕ್ಕೆ ಹೋಗಿದೆ.
ಸಿಂಧು ಅವರು ಇಂದಿನ ಪಂದ್ಯದಲ್ಲಿ ಎದುರಾಳಿ ವಿರುದ್ಧ 21-13, 22-20 ಗೇಮ್ ಗಳ ಅಂತರದಿಂದ ಗೆಲುವು ದಾಖಲಿಸಿದರು.
ಮೊದಲ ಗೇಮ್ ನಲ್ಲಿ ಸುಲಭ ಗೆಲುವು ದಾಖಲು ಮಾಡಿದ ಸಿಂಧು, ಎರಡನೇ ಹಂತದಲ್ಲಿ ತುಸು ಹಿನ್ನಡೆ ಅನುಭವಿಸಿದರು.
ಇದಾದ ಬಳಿಕ ಕಮ್ ಬ್ಯಾಕ್ ಮಾಡಿ ಎದುರಾಳಿ ಮೇಲೆ ಸವಾರಿ ಮಾಡುವಲ್ಲಿ ಯಶಸ್ವಿಯಾದರು.
