5 ಸ್ಟಾರ್ ಫಿಲ್ಮಿ ನ್ಯೂಸ್ : ಪ್ರಮುಖ ಸುದ್ದಿಗಳು..!
‘ಫ್ಯಾಂಟಮ್’ ನ ಹಾಡಿನಲ್ಲಿ ಸುದೀಪ್ ಜೊತೆ ‘ಗಜರಾಜ’..!
‘ಫ್ಯಾಂಟಮ್’ ನ ಹಾಡಿನಲ್ಲಿ ಸುದೀಪ್ ಜೊತೆ ‘ಗಜರಾಜ’..!
ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ನಟನೆಯ ಬಹುನಿರೀಕ್ಷೆಯ ಫ್ಯಾಂಟಮ್ ಸಿನಿಮಾದ ಚಿತ್ರೀಕರಣ ಈಗಾಗಲೇ ಕೊನೆಯ ಹಂತ ತಲುಪಿದೆ. ಬ್ಯುಸಿಯಾಗಿದ್ದಾರೆ. ಫ್ಯಾಂಟಮ್ ಚಿತ್ರೀಕರಣ ಕೊನೆಯ ಹಂತಕ್ಕೆ ತಲುಪಿದ್ದು, ಸದ್ಯ ಕೇರಳದಲ್ಲಿ ಚಿತ್ರೀಕರಣ ಮಾಡಲಾಗುತ್ತಿದೆ. ಹೈದ್ರಾಬಾದ್ ನಲ್ಲಿ ಅದ್ಧೂರಿಯಾಗಿ ಶೂಟಿಂಗ್ ಮುಗಿಸಿರುವ ಸಿನಿತಂಡ ಡಿಸೆಂಬರ್ 9 ರಿಂದ ಕೇರಳದಲ್ಲಿ ಕೊನೆಯ ಹಂತದ ಚಿತ್ರೀಕರಣದಲ್ಲಿ ತೊಡಗಿದೆ.
ಶೂಟಿಂಗ್ ಆರಂಭವಾದಾಗಲೇ ಕಿಚ್ಚ ಸುದೀಪ್ ಅವರು ಶೂಟಿಂಗ್ ಸ್ಪಾಟ್ ನಿಂದ ಫೋಟೋ ಶೇರ್ ಮಾಡಿಕೊಂಡಿದ್ದರು. ಸಿನಿಮಾದ ಬಗ್ಗೆ ಕುತೂಹಲವೂ ಹೆಚ್ಚಾಗಿದೆ. ಟ್ವಿಟ್ಟರ್ ನಲ್ಲಿ ಫೋಟೋ ಶೇರ್ ಮಾಡಿ ಅದಕ್ಕೆ ಕ್ಯಾಪ್ಷನ್ ಕೊಟ್ಟಿದ್ದ ಸುದೀಪ್ ಅವರು ‘ಫ್ಯಾಂಟಮ್ ಕೊನೆಯ ಹಂತದ ಶೂಟಿಂಗ್ ಆರಂಭ. ಶೂಟಿಂಗ್ ಸೆಟ್ ಮತ್ತು ಲೊಕೇಶನ್ ನನಗೆ ತುಂಬಾ ಇಷ್ಟ ಆಯ್ತು”ಎಂದು ಬರೆದುಕೊಂಡಿದ್ದರು.
ಇದೀಗ ಶೂಟಿಂಗ್ ಸ್ಪಾಟ್ ನಿಂದ ಡ್ಯಾನ್ಸ್ ಮಾಸ್ಟರ್ ಜಾನಿ ಅವರು ಅವರು ವಿಡಿಯೋ ಒಂದನ್ನ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಪೋಸ್ಟ್ ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಹೌದು ಕೇರಳದ ಪ್ರಸಿದ್ಧ ರಘುರಾಮ್ ಎನ್ನುವ ಆನೆ ಈ ಸಿನಿಮಾದ ಹಾಡಿನನಲ್ಲಿ ನಟಿಸುತ್ತಿದೆ ಎನ್ನಲಾಗ್ತಿದೆ.
ಮತ್ತೊಮ್ಮೆ ಟ್ರಿಪ್ ಹೊರಟ ಡಿ- ಬಾಸ್ ಅಂಡ್ ಟೀಮ್ : ಈ ಬಾರಿ ಎಲ್ಲಿಗೆ ಪಯಣ!
ರಾಬರ್ಟ್ ಸಿನಿಮಾದ ಚಿತ್ರೀಕರಣ ಮುಗಿದ ನಂತರ ಡಿ ಬಾಸ್ ಅವರು ಫ್ರೆಂಡ್ಸ್ ಜೊತೆ ಜಾಲಿ ಟ್ರಿಪ್ಸ್ ಹಾಕುತ್ತಾ ಎಂಜಾಯ್ ಮಾಡ್ತಿದ್ದಾರೆ. ಇತ್ತೀಚೆಗಷ್ಟೇ ಮೈಸೂರಿನ ತೋಟದ ಮನೆ ಸೇರಿ ವಿರಾಮ ಪಡಯುತ್ತಿದ್ದ ದಚ್ಚು ಸ್ನೇಹಿತರ ಜೊತೆಗೆ ಮಡಿಕೇರಿ ಕಡೆಗೆ ಬೈಕ್ ರೈಡ್ ಹೋಗಿದ್ದರು. ತಮ್ಮ ಪ್ರವಾಸದ ಫೋಟೋಗಳನ್ನ ಸೋಷಿಯಲ್ ಮೀಡಿಯಾಗಳಲ್ಲಿ ಹಂಚಿಕೊಳ್ಳುತ್ತಾ ಅಭಿಮಾನಿಗಳಿಗೆ ಅಪ್ ಡೇಟ್ಸ್ ನೀಡ್ತಿದ್ರು. ದರ್ಶನ್ ಗೆ ನಟ ಚಿಕ್ಕಣ್ಣ, ಪ್ರಜ್ವಲ್ ದೇವರಾಜ್, ಉಮಾಪತಿ ಸೇರಿದಂತೆ ಹಲವು ಸ್ನೇಹಿತರು ಸಾಥ್ ನೀಡಿದರು.
ಇದೀಗ ದರ್ಶನ್ ಅಂಡ್ ಟೀಂ ಮತ್ತೊಮ್ನೆ ಟ್ರಿಪ್ ಹೊರಟಿದ್ದಾರೆ. ಅಂದ್ಹಾಗೆ ಈ ಬಾರಿ ದಚ್ಚು ಅಂಡ್ ಟೀಂ ಕೇರಳ ಕಡೆ ಹೊರಟಿದ್ದಾರೆ ಎಂದು ಹೇಳಲಾಗುತ್ತಿದೆ. ಸ್ನೇಹಿತರ ಜೊತೆಗೆ ಚಾಲೆಂಜಿಂಗ್ ಸ್ಟಾರ್ ಅವರು ಜಾಲಿ ಟ್ರಿಪ್ ಹೊರಟಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಫುಲ್ ವೈರಲ್ ಆಗಿದೆ.
ಹಾಲಿವುಡ್ ನ ‘ದಿ ಗ್ರೇ ಮ್ಯಾನ್ ‘ ನಲ್ಲಿ ‘ಇಂಡಿಯಾದ ಬ್ರೂಸ್ ಲೀ’..!
ದಕ್ಷಿಣ ಭಾರತದ ಸ್ಟಾರ್ ನಟ ಧನುಷ್ ಇದೀಗ ಹಾಲಿವುಡ್ ಸಿನಿಮಾದಲ್ಲಿ ಮಿಂಚಲೂ ರೆಡಿಯಾಗ್ತಿದ್ದಾರೆ. ಈ ಸುದ್ದಿ ಗೊತ್ತಾಗ್ತಿದ್ದಂತೆ ಧನುಷ್ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ. ಹೌದು ದೊಡ್ಡ ಫ್ರಾಜೆಕ್ಟ್ ನಲ್ಲಿ ನಟಿಸುತ್ತಿದ್ದಾರೆ ಧನುಷ್. ಈ ಮೂಲಕ ಬಾಲಿವುಡ್ಡಿಗರೇ ಹೌಹಾರುವಂತೆ ಮಾಡಿದ್ದಾರೆ.
ತಮಿಳಿನ ಖ್ಯಾತ ನಟ ಧನುಷ್ ಇದೀಗ ಹಾಲಿವುಡ್ ಗೆ ಹಾರುತ್ತಿದ್ದಾರೆ. ಇನ್ನೂ ದೊಡ್ಡ ನ್ಯೂಸ್ ಅಂದ್ರೆ ವಿಶ್ವಮಟ್ಟದಲ್ಲಿ ಸದ್ದು ಮಾಡಿರೋ ಅವೇಂಜರ್ಸ್‌ ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ದ ನಿರ್ದೇಶಕರ ಸಿನಿಮಾದಲ್ಲಿ ಇದೀಗ ಪ್ರಮುಖ ಪಾತ್ರದಲ್ಲಿ ಅಭಿಮಾನಿಗಳಿಗೆ ದರ್ಶನ ಕೊಡಲಿದ್ದಾರೆ.
ಅಂಟೋನಿ ರೊಸ್ಸೊ ಸೂಪರ್ ಹಿಟ್ ಸಿನಿಮಾಗಳಾದ ಅವೇಂಜರ್ಸ್‌ ಇನ್‌ ಫಿನಿಟಿ ವಾರ್, ಕ್ಯಾಪ್ಟನ್ ಅಮೆರಿಕಾ – ಸಿವಿಲ್ ವಾರ್, ಕ್ಯಾಪ್ಟನ್ ಅಮೆರಿಕಾ – ವಿಂಟರ್ ಸೋಲ್ಜರ್ ನಂತಹ ವಿಶ್ವ ವಿಖ್ಯಾತ ಸಿನಿಮಾಗಳನ್ನ ನಿರ್ದೇಶಿಸಿದ್ದಾರೆ. ಇದೀಗ ಅವರ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಥ್ರಿಲ್ಲರ್ ಸಿನಿಮಾ “ದಿ ಗ್ರೇ ಮ್ಯಾನ್” ನಲ್ಲಿ ನಟ ಧನುಷ್ ಕಾಣಿಸಿಕೊಳ್ತಾಯಿದ್ದಾರೆ. ಇನ್ನೂ ಇದು ಸಹ ಫ್ಯಾಮಟಸಿ ಥ್ರಿಲ್ಲರ್ ಸಿನಿಮಾವಾಗಿರಬಹುದೆಂದೇ ಅಂದಾಜಿಸಲಾಗ್ತಿದ್ದ ಭಾರತೀಯ ಸಿನಿಮಾಪ್ರಿಯರು ಥ್ರಿಲ್ ಆಗಿದ್ದಾರೆ.
ಮದಗಜ ಟೀಸರ್.. ಅದ್ಭುತಃ.. ಅದ್ಭುತಸ್ಯ.. ಅದ್ಭುತೋಭ್ಯಃ..!!
ಮೈ ನವಿರೇಳಿಸೋ ಮ್ಯೂಜಿಕ್… ಕಣ್ಣಿಗೆ ಹಬ್ಬ ನೀಡೋ ವಿಶ್ಯೂವಲ್ಸ್… ಕಂಚಿನ ಕಂಠದಿಂದ ಬರೋ ಖಡಕ್ ಡೈಲಾಗ್ಸ್.. ಸುಡುವ ಹೆಣಗಳ ಮಧ್ಯೆ ಮೈಜುಂ ಎನಿಸೋ ಫೈಟ್ಸ್.. ಇದು ಸ್ಯಾಂಡಲ್ ವುಡ್ ನ ರೋರಿಂಗ್ ಸ್ಟಾರ್ ಶ್ರೀಮುರಳಿ ಅಭಿನಯದ ಮದಗಜ ಫಸ್ಟ್ ಲುಕ್ ಟೀಸರ್ ನ ಹೈಲೆಟ್ಸ್..
ಜೀವನದಲ್ಲಿ ಬಿದ್ದು ಎದ್ದು ಮೈಕೊಡವಿಕೊಂಡು ಸ್ಯಾಂಡಲ್ ವುಡ್ ನಲ್ಲಿ ಘರ್ಜಿಸುತ್ತಿರುವ ಶ್ರೀ ಮುರಳಿ ಅವರಿಗೆ ಇಂದು ಜನ್ಮದಿನದ ಸಂಭ್ರಮ. ಈ ಹಿನ್ನೆಲೆ ಮದಗಜ ಚಿತ್ರತಂಡ ಸಿನಿಮಾದ ಫಸ್ಟ್ ಲುಕ್ ಅಫೀಸಿಯಲ್ ಟೀಸರ್ ರಿಲೀಸ್ ಮಾಡಿದೆ. 1:41 ನಿಮಿಷದ ಈ ಟೀಸರ್ನಲ್ಲಿ ವಾರಣಾಸಿಯ ಸುಂದರ ದೃಶ್ಯಗಳು.. ಜೊತೆಗೆ ಶ್ರೀಮುರಳಿಯ ಕಂಚಿನ ಕಂಠ.. ಅದ್ಭುತ ಆಕ್ಷನ್ ದೃಶ್ಯಗಳ ಝಲಕ್.. ಕೊನೆಯಲ್ಲಿ ಮಾಸ್ ಮಹಾರಾಜನ ಲುಕ್ನಲ್ಲಿ ಶ್ರೀಮುರಳಿಯ ದರ್ಶನ.. ಎಲ್ಲವು ಸೇರಿ ಮದಗಜ ಟೀಸರ್ ಯುಟ್ಯೂಬ್ ಗೆ ಬೆಂಕಿ ಹಚ್ಚಿದೆ. ಟೀಸರ್ ಗೆ ಸಿನಿ ಪ್ರೇಕ್ಷಕರು ಫಿದಾ ಆಗಿದ್ದು, ಇದು ಮತ್ತೊಂದು “ಉಗ್ರಂ” ಎನ್ನುತ್ತಾ ಕಮೆಂಟ್ ಮಾಡುತ್ತಿದ್ದಾರೆ.
`ಪ್ರಶಾಂತ್ ನೀಲ್ ಕಥೆ’ಯಲ್ಲಿ `ಬಘೀರನಾದ ಶ್ರೀಮುರಳಿ’
ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಅಭಿಮಾನಿಗಳಿಗೆ ಇಂದು ಡಬಲ್ ಧಮಾಕ. ಮುರಳಿ ಅಭಿನಯದ ಮದಗಜ ಸಿನಿಮಾದ ಫಸ್ಟ್ ಲುಕ್ ಟೀಸರ್ ಈಗಾಗಲೇ ಬಿಡುಗಡೆಯಾಗಿ ಯುಟ್ಯೂಬ್ ನಲ್ಲಿ ರೌದ್ರ ನರ್ತನ ಮಾಡುತ್ತಿದೆ. ಈ ಮಧ್ಯೆ ಶ್ರೀ ಮುರಳಿಯ ಮುಂದಿನ ಸಿನಿಮಾ ಅನೌನ್ಸ್ ಆಗಿದೆ. ಇತ್ತೀಚಿಗಷ್ಟೆ ಪ್ರಭಾಸ್ ಜೊತೆ ಸಲಾರ್ ಸಿನಿಮಾ ಅನೌನ್ಸ್ ಮಾಡಿದ್ದ ಹೊಂಬಾಳೆ ಫಿಲ್ಮ್ಸ ಮತ್ತೊಂದು ಸಿನಿಮಾ ಬಹಿರಂಗ ಪಡಿಸುವುದಾಗಿ ಟ್ವೀಟ್ ಮಾಡಿತ್ತು.
ಶ್ರೀಮುರಳಿ ಹುಟ್ಟುಹಬ್ಬದ ದಿನ ಹೊಸ ಸಿನಿಮಾ ಅನೌನ್ಸ್ ಮಾಡುವುದಾಗಿ ಹೇಳಿದ್ದ ಕಾರಣ, ಹೊಂಬಾಳೆ ಫಿಲ್ಮ್ಸ್ ಮುಂದಿನ ಸಿನಿಮಾ ಶ್ರೀಮುರಳಿ ಜೊತೆ ಎನ್ನುವ ಅನುಮಾನ ಎಲ್ಲರಲ್ಲೂ ಇತ್ತು. ಅದರಂತೆ ಈಗ ಹೊಸ ಸಿನಿಮಾ ಘೋಷಣೆ ಆಗಿದ್ದು, ಮುರಳಿ ಅಭಿಮಾನಿಗಳಿಗೆ ಬಿಗ್ ಗಿಫ್ಟ್ ಸಿಕ್ಕಿದೆ. ಬಘೀರ ಎಂದ ಕೂಡಲೇ ಜಂಗಲ್ ಬುಕ್ ಸಿನಿಮಾದ ವಿಶೇಷ ಪಾತ್ರದ ಹೆಸರು ನೆನಪಾಗುತ್ತೆ. ಅದೇ ಹೆಸರನ್ನು ಶ್ರೀಮುರಳಿ ಮುಂದಿನ ಸಿನಿಮಾಗೆ ಇಟ್ಟಿರುವುದು ಕುತೂಹಲ ಮೂಡಿಸಿದೆ. ವಿಶೇಷ ಎಂದರೆ ಈ ಸಿನಿಮಾದ ಕಥೆಯನ್ನು ನಿರ್ದೇಶಕ ಪ್ರಶಾಂತ್ ನೀಲ್ ಬರೆದಿದ್ದಾರೆ. ಇದು ಚಿತ್ರದ ಮೇಲಿನ ಕುತೂಹಲ ಮತ್ತಷ್ಟು ಹೆಚ್ಚಿಸಿದೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
